الله يوفقك على هالرد وعلى هالكلمات الطيبة
بيض الله وجهك يابنت الأجواد يوم تسود وجوه
صدقت أم ريما ودانه بكلامها
في مرة قريت كلام لطيف نسيت وينه فيه لكن لامس واقع أعيشه ويعيشه كثير
وهو إذا تعلق قلب امرء بشي عذبه الله به أو بمعناها الخطأ مني مع طول المدة
يعني إذا كان قلبك متعلق بعيالك حيل وتاركتهم أكبر همك تجيك مصيبتك من يمهم إما بصحتهم أو مشاكلهم وو
وإذا كان قلبك متعلق بشغلك وتاركته أكبر همك تجيك مصيبتك من يمه
ونفس الشي لو كان قلبك متعلق بزوجك
بتقولين والحل ؟
الحل وأنا أختك فرغي قلبك لله وعيشي مع الله واتركي الدنيا كلها هذي وراك
والله ثم والله ثم والله وهذاني حلفت وأنا صايمة لوجه بأن يجيك زوجك يطلب الرضا وتجيك الدنيا مثل ماتحبين وأكثر
هذا سر الدنيا وأنا أختك أي شيء تتعلقين فيه يعز عليك وإذا زهدتي فيه جاك بلا طلب ولا منة
انسفي كل هالعالم وراك وشوفي وش أنتي مقصره في عباداتك وأصلحيها
وتذكري وأنا أختك كلنا بنترك هالدنيا وش بنأخذ معنا غير كفن أبيض
يعني لا زوج ولا عيال ولا مال ولا أهل زوج ولا أخوات ولا أخوان
مادام هالللي مشغليني بالدنيا ماراح ينفعوني بآخرتي خليني أشغل نفسي باللي ينفعني بآخرتي
إن كنتي فطينة بتأخذين العلم وبيوقر بقلبك وماراح تنسين كلامي
وإن كانت الحره عاميه قلبك فمن ضمن الدعوات ادعي أن الله يوقظ غفلة قلبك
أسأل الله أن يكشف همك وغمك ويجيب الفرج من اوسع أبوابه من حيث لا تحتسبين
رددي كلما تذكرتيه حسبي الله لا إله إلا هو عليه توكلت وهو رب العرش العظيم سبع مرات
وبتشوفين الخير بإذن الله
الدعاء وليس غيره ارجوووووووكم جاتني عيديه من زوجي
متابعة النقاش، صفحة 26