حملة قراءة سورة البقره .. للجادات فقط ... البدايه لتحقيق الاحلام <قديم

حبوبتي ديانيا اولا شحالج عزيزتي عساج مرتاحه


ثانيا انا حاسه فيج والله

بس حياتي فكري من جهه ثانيه

يمكن صديقتك جاها الرجال بالمواصفات اللي تتمنيها بس ماتعرفين باجر شو راح يستوي بحياتهم يعني لا تتوقعي ان كلها بتكون سعاده نحن نتمنى لها الخير بس ماتعرفين ربج شو كاتب لها


وعنج انتي صدقيني ان الله يحبج عسب جي مؤجل استجابة دعاج لنه حاب يسمع صوتج اكثر وانا اقولج يااااااابختج ايه والله يااااابختج لن الله يحبج ومنو مايحب ان الله يحبه ويسمع صوته ويشتاق له انه يرتجيه ويدعيله

تدرين صدقيني انا حاسه ان الله كاتب لج زوج احسن وافضل عن المواصفات اللي تتمنيها صدقيني لن الله ما اخر شي الا لنه شايل لج الافضل والاحسن وهذا اهم شي لن الله يحبج يبالج الزين والخير


صدقيني قلبي انا تمنيت شخص طول حياتي وكنت احبه حب عذري لا اكلمه ولا يكلمني بس حبيته وكبرنا وحبه صاينته بقلبي وهو بعد وتقدم لي وكانت فرحة حياتي وملكنا وحسيت ان احلامي بتتحقق تصدقين فترة ملجتي كانت كلها مر وعلقم ومشاكل لا تعد ولا تحصى شفت المر وياه وذلني واستغل حبي له وكانت نهايتي الطلاق والانفصال والحمد للله انه طلقني قبل لايدخل عليه

شفتي كيف حياتي مب كل شي تتمنيه يكون في خير لج وعسى ان تحبو شيئا وهو شر لكم

ماتعرفين الخير وين اصبري وصدقيني نصيبج بيكون احسن عن ريل وزوج صديقتج


الله يسعدج ياعمري

وسلامي لاهل الشاااااااااااااااااااااام والله احبكووووووووووون اكتيييييير اكتييييييييييير خخخ

تسلميلي يا غرشوبة والله العظيم ما بتعرفي اديه ردك ريحني و طمني
الله يرزقك باحسن رجل بالدنيا يهنيكي و يسعدك و ينسيكي كل المر يلي شفتيه

اللهم امين ديانا يا قلبي اهم شي انج ارتحتي حنا خوات ولازم نعين ونعاون بعضنا خلج متفائله وابدي ويانا وان شاء الله الله بيرزقج بسيد سيده يارب

كل عام وانتن بخيييييييير بنوتات
انا صار لي مدوامه على قراءة سوره البقره 7 شهور 8 مدري كم بس فتره طويله ولزمت الاستغفار
حياتي ثارت غيير صرت احس بالنعمه الي انا فيها وقبل كنا اقول على حظي انا يصير لي مستحيل ومن هالكلام الحين استغفر اذا قلت واذكر النعم الي انا فيها من عندرب العالمين كيف ماكنت منتبه
المهم وبعدفتره كذا شعبان الي راح احيانا اقرا البقره واحيان لا مدري ليش قبل كنت اقراها وبعدين استغفر احس انو انا في عالم ثاني انا وربي بس الحين مدري شصار انا اقول من الشيطان اعوذبالله منه حتى الاستغفار استغفر بس رجعت له منكم يوم
وان شاء الله بدوام وانا قريت سوره البقره علشان شي هو ان اشفى من المرض ويارب عجل ولاتؤجل يارب تشفي مرضانا ومرضى المسلمين والمسلمات
قبل منت ادعي واقول اوابي بسرعه يصير الي ابيها الحين صرت صبوره وافرح بكل شيمن عند رب العالمين وكل شي ان شاء الله رااح يفرج جتى لوبعدكم
المهم كلامي مورتب كتبت بالسرعه موفقين ان شاء الله اسال الله يحقق لنا كل امانينا ويوفقنا لما يحبه ويرضاه

الله يجزاك خير ..

وأنا معكم في الحملة .. اليوم قرأت السورة ..

بس سمعت أن الأفضل قراءتها بشكل متواصل..بدون تقطيع..هذا من باب الأفضلية والله أعلى وأعلم