زوجي وحبه الجنوني لأهله على حسابي ...

السلام عليكم

كيفكم يابنات ... وكل عام وانتوا بخير

:39:

بدخل في الموضوع على طول انا دائما مشاكل مع زوجي وعلى اشياء تافهه ... بس هالفتره زايده احس اني مو طايقته احنا نازلين عند أهلي قبل العيد بأسبوع لانه احنا ساكنين في منطقه غير منطقة اهلي واهله واذا نزلنا لنا جناح خاص في بيت أهلي لانه بيت أهله ماعندهم مكان ...

واتوقعه هذا سبب خلافنا يعني حسد الناس تقول مايقدر يفارقها وعلى طول معها حتى لو نزلوا فأحس اني مو قادره اجلس معه اخليه لحاله على طول واذا دق علي قالي تعالي اصعد غصب وكانه في شي يقولي قومي لاتجلسي يمه ... واذا جلست تخانقنا مع بعض او ساكتين وماتنكلم وكل واحد بعيد عن الثاني ...

مدري هذا هو السبب او شي ثاني

انا في شقتي الاصليه تصير بينا مشاكل لكن مو كذا وكل ساعه مشكله غير ... والحين عصب علي بقووووووة وطلع وانا ضايق صدري والسبب قالي بنروح بيت اهلي نعيد عليهم يعني بيت جده وجدته وعماته وخالاته انا قلت له مابروح ... مو عشان شي بس انا اكره انه يفرض علي ويقولي يالله بنروح بدون مايشاورني حتى واكثر من مره اقوله قولي شرايك نروح اذا وافقت رحنا واذا لا خلاص روح انت مو مشكله ... وانا اهم شي عيدت على امه وابوه وانا اصلاً اهلي ما اعيد عليهم كلهم اللي اشوفه في بيت اهلي بيت جدتي اعيد عليه واللي ما اشوفه خلاص يعني من طبعي كذا ...

وهو عصب وقال لو ادري ماعيدت على اهلك ولو ادري كان مارحت معهم امس وضيعت وقتي لانه امس رحنا المزرعه كلنا مع اهلي وخالاتي بس قلت له انا ماجبرتك انت من نفسك جيت وامه وخواته كانوا معنا بعد وقالي حتي انتي اقدر اجبرك ماتروحي بعد ولو ادري ماتزوجتك احسن لي والله ضيق خلقي بهالكلمة ... واكثر من مره ابوي يكلمه ويقوله مو من حقك تجبرها تروح لخالاتك وعماتك هو ياخذني لهم حتى بدون مناسبه يعني وقاله اذا انت بتروح كيفك بس مو تجبرها بس اشوفه ماهون بعده يصارخ علي عشان كذا ... وانا ماعندي مانع ومابيني وبين اهله شي بس المشكله اسلوبه يخليني اهون يجي يقولي يلا قومي ولازم تروحي وغصباً عليك خلاص اهون ولا ارضى اروح لان ما احب احد يجبرني انا متعوده في بيتنا على الدلع والحريه مو الجبر والدكتاتوريه ...

هذا غير ظروفه الماديه الزفت صابره وصابره واخرتها كذا اذا طلبت منه شي يقولي مايحتاج واخذ من ابوي لانه ابوي يحط لي فلوس في حسابي واهله يغدي ويعشي فيهم ويودي ويجيب وانا لا حتى امس المزرعه وده اهله وانا عصب علي وقالي روحي مع اهلك ورحت معهم ... مع انه اهلي عادي طبعا وشايلني فوق راسهم بس لاني بتأخر وما ابي اخرهم معي قلت بروح معك بعدين على راحتنا .... من جد كرهت الحياه معه مافيها شي عدل واذا نزلنا هنا انقلبت اوضاعنا زوووود مدري هو عين والا ايش ... وبصراحه انا بعد مو طايقته ولاشي واحس اني ما احبه بس هاليومين والله وضعي صعب ونرى اكثر من مره نروح لشيخ ويقول لنا فيكم عين بس مو جايه تروح وحتى اخته تقولي انتوا اللي يشوفكم يقول اسعد زوجين في الدنيا وما اتوقع بينكم مشاكل ولما عاشت عندنا اسبوع من زمان طبعا شافت العجب وغيرة نظرتها تقول الكل يقول زوجي يموت فيك وخاتم في صبعك انا عشان كذا قلت اكيد اللي فينا عين

على فكره بعد زوجي اللي يشوفه يقول خلووووووووق وطيب وزوجتهاكيد مدلعها لانه اسلوبه حلو مع الناس بس معي لا وانا كل اقوله كذا مع الناس عسل وانا لا اللي يشوف كيف تعاملني مايصدق انك انت

ارجوكم ردوا علي وفهموني ونصحوني شسوي معه الناس في العيد مستانسه وطلعات ووناسه وانا قاعده بهمي

الله يخليكم انصحوني

بانتظاركم ياعسولات

83 تعليق 10,735 مشاهدة

شاركي في النقاش

سجلي الدخول لإضافة تعليق.

التعليقات

81
  1. @ghyamigh

    اه ياقلبي ولله كل الرجال مثل بعض يمكن بهالقسم شكثر بنات يشكون عندك انا دايم دوووم مشاكل ما يخلي كلمه

    ما يقولها لي بس من اشوفه بدى يغلط اقووووم واخليه يتكله لين يسكت من نفسه ولله ياقلبي ما في شي راااح يضيع لنا راح

    نحاسبهم على كل شي على كل كلمه قالوها لنا ولله لا ضايقين روحك الدنيا ما تستاهل انك تضايقين وكل مشكله لها حل حبيبتي اوعديني انك ما تتضايقين ولله الي زي كذا ما يستاهلون نزعل ونتكدر عشانهم فرفشي واضحكي ولا كأن شي صاير راااااح يجي اليوم الي يعضون اصابعهم ندم ولله
  2. @lhth_snyn

    هذه الحياه الله يفرج لك ويسخر زوجك لك

    (((((اضحك تضحك لك الدنيا))))))

    مافيه انسان يستاهل انك تشيلين الهم غير والدينك
  3. @elaaaaf

    اختي الله يسخركم لبعض
    بس من خلال كلامك فهمت انك انت من النوع اللي يعاند
    اختي اذا قالك بنروح لخالاتي وعماتي قولي ان شااء الله
    وبعدين تعذري
    الرجل مايحب الحرمة اللي تعارض وتعاند على طووول
    تعاليه بالكلمة الحلوة وشوي شوي لما يفهم
    واذا انت ماعندك شــي يعني مافيه شــي يمنعك
    روحي سلمي عليهم وش راح يضرك! يعني هل بينكم مشاكل والا بس كذا مالك خلقهم!!؟
    اذا بس مالك خلقهم معليش حبيبتي مب كل شــي نسويه ودنا نسويه فيه اشــياء يفرضها علينا المجتمع
    وزوجك من حقه عليك ان تسلمين على خالاته واللي يبي

    انا احس احتي مشكلتك كلها في طريقة الحوار
    يمكن رجلك من النوع اللي يفرض هالشــي وانت ماتحبين اللي يفرض عليك !!
    فلازم تحاولين تطورين نفسك بهالنقطة يعني حاولي تشوفين اسلوب حوار يناسبة
    لان المشاكل اللي ذكرتيها مب مرة قوية او مستحيلة الحل

    ونصيحة اذا رجلك من النوع اللي يحب اهله خلي طريقك لقلبه اهله
    اظهري انك تحبينهم وتبين تشوفينهم ووووو
    وتشوفين ان ماطار بك
    وحطي في بالك انك ماراح تقدرين تغيرين حبه لاهلك لو ايش حاولتي


    بالتوفيق
  4. @amptotamp_1

    الله يعينك يااارب
    حاااافضي على الاذكاااار
    وخذي من اثر الناس اللي تروحين لهم واللي يجونك
    والله يهدي النفووووس

تابعي تجارب أخرى من هذا القسم.