ابيكم شوي :( اختكم الصغيره روح

السلام عليكم ورحمة الله وبركاته

بنات تبون الجد من الاخر
انا في بيت ابوي قبل لا اتزوج ماكنت ادخل المطبخ الا اطل على الاكل جاهز او لاء
من الطباخه بس
اما اني اجي واتعلم ماصارت
من تزوجت انفصلت في بيت لحالي وكل يوم ثاني مطعم وان دخلت مره المطبخ ضروري جداً
السايق والخدامه ثاني يوم يكونون عندي لان المطبخ يصير حدث ولا حرج كل شي فوق تحت
ومستحيل يتنظف
حتى الخضرا ماعرف اقطعها ابسط الاشياء فشلت فيها
قلت يابنت الحلال تعلمي لو شي تسوينه تفرحين فيها انتي وزوجج
ويكفي اعتماد على بيت الوالد

فتحت اليوم عالم حواء وقلت بدور طبق سهل وبسويه
طاحت عيني على هذا الطبق
http://forum.hawaaworld.com/showthread.php?t=1101499
شفت ماكو فيه امور كثيره يعني بسيط
قلت خلني اقوم واتشطر واسويه
بس يافرحه ماتمت
اول خطوه اني اخلي السكر ذهبي
قلبت السكر بالمقلاه ولا تغير لونه
زدت الحراره اكثر واكثر
ذاب السكر وصار بني وتجمد
فريت المقلاه بالزباله لان تجمد سكر عليه
والملعقه وياه


:( شو هالفشل

ماعرف شسوي الله يخليكم يوم تكتبون الطريقه فصلوه وكملي جميلكم
مواضيعكم تجنن وتهبل وفيكم الخير
بس في فاشلين امثالي او يمكن انا فاشله الوحيده نحتاج مراعاااة


:(
في أنتظار اطباق تناسب للفاشلين امثالي

14 تعليق 1,400 مشاهدة

شاركي في النقاش

سجلي الدخول لإضافة تعليق.

التعليقات

12
  1. @halween

    خخخخخخخخخ رهيبه ليش ترمين المقلاه انقعيها بالموويه ياما تصير معاي يتجمد السكر
    وانقعها بمويه وتنظف
    ذكرتيني بنفسي التوفي مااصلحه لانه اول شئ لازم حرق السكر صررت اقول لامي او اختي يصلحوونه
  2. @am_mydo_2005

    هههههاي انا الحمد لله اضبط الحلويات بس التوفي فاااااشله توني بديت اضبطه
    فما بالك انتي ههههه الله يكون في عونك
  3. @dlaa_2020

    احسن طريقه للتوفي تحطي كاس سكر على نار عاليه في الاول بس يبدا يذوب وطي النار وخليكي حركي لحاله بذدوب معك

    اذا داب شيلي على جنب وحطي علبة القشطه وحركي بسرعه واذا تجمد شوي شيلي الي تجمد معك وخدي الذايب بس

    انا هذي طريقتي والحمدلله دايما تضبط معي

تابعي تجارب أخرى من هذا القسم.