شاركي في النقاش

سجلي الدخول لإضافة تعليق.

التعليقات

2,012

  1. @ngom_allyl_6

    كلي انوثة

    ماشاء الله تبارك الله

    ربي يخليها لك ويبارك فيها ويجعلها من مواليد السعادة يارب

    والله يعينك ويعين كل ام على تربية أبناءها وتنشئتهم النشئة الصالحة

    آمين

  2. @tflt_albryy

    السلام عليكم
    كيفكم حبايبي
    .
    .
    الف مبروك كلي انوثه وجاذبيه على الكتوته وتتربي في عزكم ان شاء الله والولادة متعبه بس تكفي بعدها تصير ام سبحان الله وكل شئ باجرة
    .
    .
    اما انا ف ولادتي كانت في ثلاث ايام العيد يوم الاحد وحسيت بالطلق على الساعه 3 الفجر واتحملت الالم الين 5 وبعدها صحيت ماما وقالت لي لسه بدرررى لاني بكريه وكل شوي اتصل على الميدوايف وتقولي استنى كمان لمن صار الطلق كل 4 او 5 دقائق وعلى الساعه 12 خلااااااص ماني قادرة ونزل مني دم وبعدها نروح المستشفى انا وماما وزوجي وكشفت عليا قالت ماشاء الله
    الرحم مفتوح 4 وخلاص نقلوني لغرفه الولاده وهاتك من طلق لي طلق لمن خلااص ماني قادرة واطلب ابرة الظهر وهنا بدأ عندي خوف منها ومن الكلام اللى يقولو عن ابرة الظهر بس خلاص انا ماني قادرة اتحمل لازم اخذها واخذتها وبعدها ارتحتتت وشوي فكو مويه الرحم لانو يقولو لازم يقوى الطلق عندي لانو كان منتظم بس مو مرة قوي على كلامهم وكمان بعدها يعطوني طلق صناعي
    ومعاناه ولله الحمد وسبحان الله الرحم وقف على 6 ونص مو راضي يفتح اكثر وانا خلاص تعبت وبعدها بدات المفاجاءة اخخخ ياربي كل مااذكر هذه اللحظه ابغى ابكي
    المهم وانا في قمه الطلق الا شوي اسمع جرس النبضات تبع الجنين يطلع صوت ويبين 0 ياربي انا صرت بس ابكى امي صار عندها انخفاض في الظغط والحمد لله ويغير جهاز النبضات لواحد يقيس من تحت عاد تخيلو هذا الجهاز مع الطلق ويرجع ولله الحمد النبض يقولو لانو لمن قاسو لقو الرحم فتح 9 ف التغيير الكبير والمفاجئ ادى الى درب في النبض المهم وبعدها كل شوي يفصل الجهاز لانو من تحت ويرجع الخووووف وانعاد هذا التوقف في النبض كذا مرة بعدين خافو ع الجنين وصارو يسو له اختبار انو ياخذو من دمه ويشوفو نسبه الاكسجين وانا اترجهم يسون لي عمليه وهما يقولو امكن مافي شئ في الجنين ف نستنى وبعد كم مرة من هذا الاختبار تبع اكسجين الطفل في الدم قررو عمليه ونا الرحم فاتح 9 سبحان الله بس انا وفتها خلاص كل اللي افكر فيه البيبي ويالله بسرعه بسرعه وانا في غرفه العمليات وكان البنج نصفي عشان ابرة الظهر وانا بس استنى اللحظه اللى اشوف فيها البيبي وزوجي كان عند راسي ويدعي بصوت عالي لدرجه الكل اتاثر سبحان الله وهما مايعرفو ايش يقول ويطلع البيبي ياااه لحظه لاتوصف انا صرت بس ابكي وانا احس بالظغط في بطني واحس بالم لانو هما مازودو جرعه البنج خافو عليا لاني صابتني رجفه شديده بس والله تهووووووون لمن تشوفين طفلك وزوجي صار يبكي بصوت عالي ويسجد لله في الغرفه وبعدها زوجي خرج مع البيبي وانا اشمممم من الكمامه بقوة وتجيني دوخه واخذ لي غفوة ومايحصيني الا الالم واقلهم خلاص يقولو باقي لمن ربي فرجها وخلصت وطلعوني الغرفه وفيها اهلي والبيبي احس نفسي في حلم واسالهم سليم كل شئ كامل وسليم وتقولي ماما جبتي ولد زي القمر ماشاء الله وبعدها انااااااااااام وصحيت اليوم اللي بعده واحس اللي صار لي كانو حلم وماما تقولو خلاص توبه ها وانا اقلها لا اكيد بيبتي يبغي اخ او اخت تونسه هههههههههههههههه <<ماتوب
    بس بجد انو الاطفال زينه الحياه الدنيا قد ماهما متعبين وماتنامي قد ماهما حلويييين وكيوووووت
    والله يرزق كل واحده نفسها في الاطفال والخلفه ويسهل على كل واحده حامل <<دعت هذا الدعاء وقت الولاده
    وبس سلامتكم صح انه ولادتي تعسرت سبحان الله وجربت الاثنين بس اكيد وانا واثقه انو ربي راح يكتب لي الاجر وتكفي لحظه تشوفي فيها جنينك
    .
    .

  4. @kyod_alshok

    طفلته
    وعليكم السلام
    و الحمدلله ع سلامتكم بصراحه اكشنك يخوف شوي
    إذا كنتي بملبورن بأي مستشفى ولدتي؟

تابعي تجارب أخرى من هذا القسم.