تجمع المتوكلات علي العزيز الوهاب (خبرات متبادله حول مراكز تأخر الحمل بمصر)الجزء 17

متابعة النقاش، صفحة 270

شاركي في النقاش

سجلي الدخول لإضافة تعليق.

التعليقات

2,165
  1. صاحبة الموضوع
    أم اياد 2009
    جوجو استخيري ربنا قبل اى خطوة وان شاء الله ربنا حيوفقك للافضل
    مش عارفه والله اقولك ايه؟
    بس معلش استحملي ولما يكون رايق معاكي اتفقي انت وهو ان الشتائم ممنوعه وازعليلي لو شتمك تاني مع دمعتين باذن الله راح يجيب نتيجه
    ربنا يصلح احولنا كلنا انا حاسه ان التجمع كله متخانق مع الازواج بما فيهم حضرتي ممكن من الحر الواحد مش بيبقي طايق نفسه:mad:
    وبالنسبه لوزنك اكيد ياشطوره قلتي له انك عاوزه تعملي رجيم والرجاله مبتصدق في الرايحه والجايه
    بس والله عجبني ردك لحماتك نفسي اكون شجاعه كدا واخد حقي بس بضرب لخمهما
    صحيح لما تيجي تكتبي والله مكتتبيهاش واللهي لانه تحريف في اسم الله

    ربنا يجعله بفائده وكل حاجه في مصر غليت مش بس الدواء الا الانسان الله المستعان


    90 ايه يوداع ؟ يكفي انك بتبقي داخله علميه والدكتور قايلك في حالات بيحصل معاها نتيجه عكسيه وام مريم مش اول وحده انا سمعت عن ناس كتير كدا
    حتي جميع الاطباء قالوا لزوجي متعملهاش غير لما تعمل الحقن بما فيهم ادم
    وعنده الدوالي من الدرجه الثالثه ومش عارفين نتحرك خايفين نعمل العمليه النتيجه ترجع لصفر وفي نفس الوقت الامكانيات لا تسمح بالعمليه دلوقتي
    وطبعا الدوالي كل ما طولت كل ما كان اثرها السلبي اكتر
    والله يوداع الواحد في حيره ما بعدها حيره
    وكلت امري لله
    والف سلامه عليك من البرد فعلا ظهر عندي تاني يوم رجعت فيه
  2. @dodaaa_1

    مصريه وبحب مصر
    مش عارفه والله اقولك ايه؟ بس معلش استحملي ولما يكون رايق معاكي اتفقي انت وهو ان الشتائم ممنوعه وازعليلي لو شتمك تاني مع دمعتين باذن الله راح يجيب نتيجه ربنا يصلح احولنا كلنا انا حاسه ان التجمع كله متخانق مع الازواج بما فيهم حضرتي ممكن من ا…
    مصرية
    انا بتكلم من واقع التجارب اللي حصلت قدامي ماشاء الله وآخرهم صاحبتي
    كانت متاخرة 3 سنين وكانو خلاص داخلين علي حقن لو محصلش حمل بعد سنة من العملية بس دكتورة قالتلهم جربو كام مرة تنشيط كمان
    فربنا كرمهم تالت شهر وهي كمان كان عندها تكيس
    فانتي تفائلي بالنسبة الايجابية عشان بصراحة بحس في موضوعنا ده اللي بيخاف من عفريت بيطلعله
    يارب يا مصرية تحملي طبيعي قبل ما تبداي الحقن ان شاء الله
    ميكو
    ربنا يهدي الناس ليكي
    انا مش عاوزاكي تناقشي حد في الجمل اللي بيقولها سواء حماتك او جوزك او حتي مامتك
    يعني مجيتوش ليه وانا عاوزة اشبع من البنت
    متتكلميش في اللي فات قوليلها وانتي كمان وحشتينا تحبي نجيلك امتي
    قلتلك بكرة
    قوليلها لا خليها بعده عشان اجيلك من اول اليوم ونشبع من بعض
    ريحي الناس لان واضح انهم متاهبين ليكي علي اي كلمة
    ومع جوزك انا مع مصرية في قعدة روقان كده اعملو اتفاق وان الالفاظ دي غير مقبولة بالمرة انتو بقي معاكو بنوتة بتلقط حتي تعبير الوجه فممكن ياثر فيها بالسلب بعد الشر ومش حلو انها تسمع الكلام ده
  3. @zynb_abrahym_1

    فاطمة يا حبيبتي قدر الله وماشاء فعل
    مش عارفه أقولك إيه كل أما أسمع عن حد أجهض قلبي بيوجعني ربنا يعوضك يا فطوم بحمل ثابت وسليم آمين يارب
    أم مريم
    متتردديش في ترجيع الجنين إن شاء الله ربنا يكتبلك بيه الحمل الثابت
    ميكو
    ربنا يهديلك جوزك ويصلحكو لبعض
    أما بقى على حماتك فأنا شايفه الموضوع أسهل
    حاولي تكسبي رضاها يا ميكو على أد ماتقدري
    وإن شاء الله ربنا يهديهالك ويصلحلك أمرك
  4. @zynb_abrahym_1

    على فكرة جوزي عمل التحليل
    بس لسه مانعرفش نتيجته إن شاء الله هانروح للدكتور يوم السبت
    وأنا دورتي مفروض معادها على يوم التلات أو الأربع
    ربنا ييسر
    وأعتقد إني مش هاعمل حاجه الشهرده
  5. @zynb_abrahym_1

    طبعاً أنا متوقعه اللي بيحصل لتوفي ربنا يخلف ظنوني يارب
    ياريت تيجي تطمنا عليها
    ولو حد معاه رقمها وكلمها يطمنا

تابعي تجارب أخرى من هذا القسم.