خطبني متزوج وعنده عيال ولاهو معبرني نهائيا تعالو الله يرضى على الي ترد علي

السلام عليكم ورحمة الله وبركاته
انا في مشكله بتغير حياتي 180 درجه انا مكلة جمال مامدح نفسي متعلمه ومثقفه بس ماحد خطبني لان معارفنا قليل سبق وفسخت خطوبتي وصرت مطلقه قبل الدخول جاني واحد غني بس متزوج وعنده عيال
احسه خطبني عشان شكلي بس ولا يهمه شيء ثاني عني يعني هدفه شهواني عمري 26 وعمره 36 سنه اكبر عياله عمره 16 سنه يوم الملكه هدالي طقم عيار 18 واشياء رخيصه مره حسيت اني ارمله او مطلقه وعندي درزن عيال من هديته قهرني مررره حتى دبله ماجبلي عشان مايجيب لزوجته بعد ولا جوال عشان مايجيبلها لانه اي شيء بيهديه لي لازم يهديلها نفسه فاختصر الهدايا عشان مايخسر والزواج يقول ابيه مختصر في استراحه صغيره.
فقلل الهدايا ولا اهتم بردة فعلي ابدا واللحين يتصل على اخوي ويقوله طلعلها جوال ابي اكلمها وبعطيك الفلوس لانه بمنطقه بعيده شريت الدبله والجوال وانا مقهوره كاني متزوجه فقير ماعنده شيء قهرنيكل اقاربي انصدموا يوم اني وافقت عليه مو مصدقين والي يتشمتون فيني وحالتي حاله اللحين ماادري افسخ الخطوبه واصارحه اني مابيه واجلس بلا زواج طول عمري او اكمل معه عادي وارضى بالاهانه والمذله .
طبعا اذا حد بيقول افسخي الخطوبه صعبه كثير افسخها لانها بتكون المره الثانيه بالنسبه لي الناس بتاكل وجهي غير كذا اخاف من الذنب لانه شافني وتعلق فيني مرررررررررررره بس مايبي يهديلي ولا يكرمني ابدا ماادري وش ذا الانسان الغريب؟؟؟ سبق وطرحت مشكلتي قبل كذا عليكم ابي رد يبرد القلب لان الموضوع الي قبل صار فيه سوء فهم ونعارات قبليه فاضطريت اطرح موضوع جديد

101 تعليق 13,166 مشاهدة

شاركي في النقاش

سجلي الدخول لإضافة تعليق.

التعليقات

97
  1. @mss_toot

    ..
    وآآضح جدآ منتي متقبلهـ آن يكوون عندهـ زووجهـ غيررركـ ..~
    اللهـ يكوون بعونكـ تعآيشي مع الووضع ولآ طنشي كلآم النآس وآفسخي الخطبهـ ..~
    ..
  2. لو كنت مكانك رفضت الزواج حالا

    انتي متنازلة وماخذة متزوج علشان يدلعك ويهديك واخرتها يطلع بخيل

    ارفضي والله يعوضك
  3. اخاف من الذنب لانه شافني وتعلق فيني مرررررررررررره

    عجبتني هالجملة اخذتي الرجال من زوجتة وبيته وتخافين من الذنب هههههههههههه تحملي نتيجة اختيارك لانسان متزوج وعنده بيت
  4. @aksan_algnh

    مدري بس اقولك داومي على الاستخاره وربك بيكتب لك اللى فيه الخير
    لازم تكونين واثقه من نفسك لا تهتمين من كلام الناس ياكلون وجهك
    مالهم عندك شئ ولا بسم الله عليك فاضحه اهلك الزواج قسمه ونصيب
    وحياة مهب لعبه وارضاء اللى حولك ونصيحة اخت اذا اكتشفتي انه بخيل
    فكري مليون مره قبل تعيشين معه هناك ثلاثه انواع من الرجال استحاله العيش معهم
    راعي الحريم والمدمن والبببببخيل يقلبون احلام المرأة لندم ندم فى ندم
    ولا تخلين ثقتك بجمالك توديك لبعيد الرجل تعجبه اى حرمه صدقيني
    الرجل الصحه هو اللى يتعلق فى الحرمه بعد التحاور معها لانه بيتزوج انسانه مو مزهريه
    اعذري صراحتي
    فكري زين واستخيري والله يوفقك

تابعي تجارب أخرى من هذا القسم.