آآآآآآه اليوم سويت شيسوار لمرت زوجي الجديدة

الله يعينك...

أختي لا يكلف الله نفساً إلا وسعها....لا تضغطين علي نفسك وتسوين شي أنتي ما ودك أو منتي مرتاحة له...يعني بالعامي :( لا تجيودين همن تطيح علي راسك)
خذيها من مجرب...

ماشاء الله عليك
انت انسانه نادره انت مثاليه بالفعل
الله يوفقك ويعطيك على قد نيتك ياروحي00

الله يصبرك ويبرد قلبك وان شاء الله كله في موازين حسناتك

السلام عليكم ورحمة الله وبركاته
بارك الله فيكم خواتي الفاضلات وجزاكم كل خير بإذنه تعالى على تواصلكم
والسموحة لاني تأخرت على الاجابة
الي سألتني
اذا انا عقيم او لا ؟ فالحمدلله لا مو عقيم انا ولله الحمد قادرة على الانجاب
وهل إشترط قبل زواجه منك عدم الإنجاب ؟ لا ما كنا ندري انه مسوي هالعملية اصلا قبل الزواج


ام المجد سعودية

انا والله من اول ايام زواجي فيه ونا وبشهادة اقاربه مهتمة بكل صغيرة وكبيرة فيه رغم انه يقولون لي انه انسان صعب انه يبتسم بس بعد ما تزوجته انا تغير كثييييييير والحمدلله حتى عياله علاقتي وياهم زينه وبناته بعد علاقتي وياهم الحمدلله احاول قدر امكاني ان لما يجون عند ابوهم زيارات اهيئ لهم الجو الحلو ويا ابوهم رغم انهن اصغر مني بكم سنة ومتزوجات
بس والله لولا الظروف هي الي حكمت علي اني اتحمّل العيشة هذي ... يعرفون المجتمع الي انا منه ما يسمحلي بشي اسمه طلاق وغير هذا انه البنت لما توصل لسن معيّن وتطّلق وترد لبيت ابوها مكسورة الجناح وتحط ايدها على خدها وتكون محاسبة على كل طلعة تطلعها وكل حركة تبدر غير مقصودة يعني فكرت بكل هالشي والله يا بنات اكلمكم والله الغصة بحلجي وماسكتها ........... والله يا بنات تعبت من هالدنيا تعبببببببببببببببببت من كثر اني اكسب هذا وارضي هذا ...... كل هذا ويا ليت احد يحس فيني . اهلي بعيد عني ومابي اجيب لهم الهم والغم بالي احس فيه لانهم في دولة ونا في دولة ومتزوجة من نفس الدولة الخليجية هذي
والله يهديه زوجي متقصّد انه يتزوّج من نفس دولتي لانه محد يعرفه هناك ويختار العوايل القبيلية لكن الي منغلقين على روحهم وعلى بناتهم لجل ما تفكّر بالطلاق


اخت ماوية

بارك الله فيج انا احاول والله قدر الامكان اني ما اضغط على نفسي بس حرمته من النوع مادري شسميه يعني من تشوفني اقدّم شي لزوجي تعلمته مني وراحت تسوي مثلي .. من تشوفني قمت قامت يعني قالت لي بنفسها ( انا ما اعرف شو اسوي قوليلي انتي وانا اسويه انتي اهلي) بهالحالة شسوي حتى البخور ما جابت وياها شي فتقولي :عندج بخور؟ اعطيها .
يعني الريحة الي زوجي متعوّدها فيني .. يلاقيها فيها


الاخت ديمة شوق

قلتي ان ذنبها برقبتي انا شو دخلني ؟؟؟؟ انا اصلا ما كنت ادري انه رايح يتزوّج
بقولج شي يمكن ما كنت ناوية اقوله وهو : انه تزوّج بعدي بثلاث سنوات من وحدة وما كنت ادري بس سبحان الله الشنطة حق زوجي جات في ايدي وعرفت وشفت عقد زواجه من بنت من نفس ديرتي وخذيت اسمها بالكامل وعنوانهم عرفته من عنوان المحكمة الي تزوجو فيها
وقدرت سبحان الله اني اوصّل لرقم بيتها وعطيته لفاعلة خير لجل تقولها بعيوبه الله يسامحني اذا كان غلط الي سويته او لا بس حبيت احافظ على بيتي بس... والحمدلله نجت البنت هذي من هالحياة النعيسة
للللللللللللللللللللللللللكن الحرمة الي تزوّجها الحين ما عرفت عنها شي ابداً لا اسمها ولا اي شي وعلى فكرة حتى لو عرفت عنها شي من ناحية اهلها وتلفونهم كانت راح يتكرر نفس الفيلم الي سويته بالبنت الأولى
وأول شي راح يشك فيه زوجي فيني انا انا انا
لجل هالسبب لا تقولين انها برقبتي والله تعذبيني بهالكلام والله ما بيدي شي انا صدقيني


بنت نجد 2005

والله مااااااااااااادري والله الكل مستغرب حتى بناته صارو يخافون على نفسهم من اني ادعي على زوجي يورّيه ببناته
بس والله انا بنفسي طمّنتهم انه ما بقلبي لهن اي حقد ولا يمكن ادعي عليهن الله يستر عليهن

وجزا الله خير لكل اخت ردت علي ونصحتني وكل آراءكم على راسي من فوق والله لا يغيّر عليكم حال غير للخير بإذن الله
وكلمات الشكر كلها ما تكفي لكم

مااقدر اقول الا ماشاء الله تبارك الله عليك عيني عليك بارده بين عليك عاااااااااااااااااااقله وفاهمه...
لاتنسين حديث الرسول
اذا المراءه صامت شهرها وصلت فرضها وطاعت زوجها دخلت من اي ابواب الجنه شاءت
الله واكبر على قلبك وطيبتك والله اني اغبطك عليها واعلمي ان الاعمال بالنيات
والدنيا فانيه مافيها الا الهم والكدر ..
اعانيي الله واياك على طاعته