شاركي في النقاش

سجلي الدخول لإضافة تعليق.

التعليقات

58
  1. @mtfayl_23

    معاك حق .. لو فكرنا بهالطريقة ممكن نصير مرتاحين أكثر
    تراني بحاول أغير نظرتي السوداوية للحياة .. وحتى النك نيم غيرته وصرت متفائلة وكله عشان أعيش حياتي صح باذن الله
    ليش أكون جاحدة لنعم ربي علي والعياذ بالله .. الله سبحانه وتعالى أنعم علي بالصحة والعافية وبدين الاسلام ..أنعم علي بالسمع والبصر ووووو ولو أعد نعم ربي ما أخلص بس سبحان الله أنسى كل النعم وأنكد على نفسي بسالفة الأطفال والحمل ..حرام

    الله كريم ورحيم وهو اللطيف الخبير وهو أعلم بمصلحتنا من أنفسنا
    والله يرزقني ويرزقك ويرزق كل مسلمة تنتظر الحمل بالحمل السليم المعافى الثابت ويقر عيوننا بشوفة أطفالنا سليمين معافيين عاجلا غير اجل
  2. @tmnytkamp

    صاحبة الموضوع
    ياقلبي تسلمين على الدعوات والحمد لله في احد فهمني وحياك الله




    يا قلبي الله يروزقني ويرزقك وكل متاخره .. الحمد لله عندك بنت خلي وقتك كله لها ولزوجك وربك كريم ..انا اجل لو تشوفيني اول يوو انهبل اذا جتني اقعد اصيح وانكد على نفسي وزوجي واذا كان فيه طلعه احرم نفسي واندعس فبيتي واصير ممله وكئيبه بس وش استفدت الا ان وجهي خرب وبشرتي صارت باهته وشكلي مهموم ..وعيوني هالات من كثر الدموع..والحمد لله عودت نفسي شوي شوي وبديت اشوف الاشياء الحلوه بحياتي واستمتع فيها بدل ماتروح مني وماعشتها بحلوها ..وتركت المر لين ربي يسهلها من عنده ...






    حياك ربي وهذا اللي ابي اوصله والله يرزقنا ولا يحرمنا


    ياقلبي تسلمين ..
    فعلا شفتي شلون ان فيه اشياء حلوه مضيعينها بالهم ونحس ان حنا ماعندنا اي شي حلو بحياتنا لان ماعندنا اطفال ..ومنكدين على رجالنا وانفسنا ..الله يعوضك يارب ويرزقك من حيث لا تحتسبين ..



    فعلا هذا اللي ابي اقوله .. الله يعينك ويلم شملك مع زوجك ويرزقك الذريه الصالحه ..يمكن يكون غياب زوجك هو السبب في تاخر حملك ..وفعلا الامر بيد الله ..الله يكرمنا جميعا..




    ياقلبي تسلمييين :35: فعلا ..ترى النفسيه لها دور وكثرة التفكير والحزن تاخر الحمل وترفع هرمون الحليب وتلخبط الهرمونات ..وتحوسنا حوس ..هذا اللي بنستفيده




    امييييييين يقلبي الله يخليك مشكوووره الله يرزقني ويرزقك وكل متاخره



    اكييد الزوج مو مثل الضنى والواحد اذا كبر يحتاج عياله حواليه ويقومون فيه وبعض الرجال مالهم امان حتى زوجي ما اثق ان الايام ماتغيره زي ماغيرت غيره ..لكن اقول نشبع رغبة الامومه والحنان اللي فينا ونخليها لازواجنا وننبسط ومامنتكدر ..لان النفسيه لها دور كبيير في العلاج وخصوصا الحمل ..



    ياقلبي ما شاء الله عليك هذا اللي المفروض يصير اننا نتكيف مع واقعنا وما نرفض قدر ربي بالهم والبكاء بالعكس نرضى وتحس ان حنا احسن من غيرنا كثييير ...وربي كريم والعلاج موجود نتابع وحنا متفائلين ومبسوطين ..
    وربنا كريم ..واذا رضينا وفعلنا الاسباب بيعطينا اكثر...
  3. @sandra999

    غير مقتنعه بكلامك مو كل الازواج يحسس زوجته بالحنان والحب وينسيها سالفة الحمل والاطفال بالعكس اغلب اللازواج اذا كان منه المشكله دائم متوتر ويخلق مشاكل في البيت لانه يحس بالنقص
  4. @tmnytkamp

    صاحبة الموضوع
    ساندرا999
    غير مقتنعه بكلامك مو كل الازواج يحسس زوجته بالحنان والحب وينسيها سالفة الحمل والاطفال بالعكس اغلب اللازواج اذا كان منه المشكله دائم متوتر ويخلق مشاكل في البيت لانه يحس بالنقص
    حياك الله اختي ..صح معك حق بكلامك انا غفلت عن هالشي ..ممكن يكون بعض الازواج هم سبب الهم والنكد على الزوجه ..بس مثل ماقلتي احساسه بالنقص هو اللي بيخليه يتصرف هالتصرفات ..وهو اللي بيخليه مايشوف ان حايته ممكن يكون كثير ناس تحسده عليها..
    بامكان اي وحده زوجها كذا تحاول انها تكسبه وتحسسه ان هالشي ممكن يكون نعمه وتبين له ان الفتره هذي لها ميزتها والحمل بيد الله وتحسسه ان هالشي ما نقص من قيمته عندها وتطلب منه انهم يعيشون الحياة ويستمتعون فيها من غير ماياثر الحمل عليهم وتعطيه الامان ان هي تحبه وماتبي الا هو يكون ابوا عيالها وويسعون بالعلاج بنفس راضيه وطيبه علشان العلاج يفيدهم ..
    فيه ناس ورب البيت تتمنى انها ما جابت عيال ابدا من شي يشوفونه سواء مرض او تدهور بالحياة وتزود المشاكل وتكثر المسؤليات وناس كثير مو قد هالشي..او حتى يبتلى بعاقين
    واكبر دليل قصه تو اليوم قريتها في قسمنا ان وحده 13 سنه ما حملت وركضت ورى الحمل لحد ماربي كتب لها بس بالاخير وش جاها جاها بنت مالها يدين:44:
    وتعبت نفسيا وماقدرت تتحمل البنت وحطتها بدار الرعايه.؟؟
    وهي اكيد تتمنا انها ماحملت افضل لها..

    يعني تحاول الوحده تخفف عن نفسها وزوجها اذا كان هو اللي متحسس اكثر ..

    الله يسخر ازواجنا لنا يارب ويرزقنا الذريه الصالحه المعافاة من غير زاده ولا نقصان...

    عمري فدا روحهh
    حياك الله ياقلبي ودوم يارب الله سخر لك زوجك ويرزقنا وياك وكل متاخره الحمل
  5. @hdoaa_sakhb_2

    كلامك عين العقل قلبو


    بس مدري أحس إني مهما حاولت أنسى يجي شي يذكرني وأرجع أحزن ثاني


    ومشكوره غلاي عالموضوع الجميل


    ياأرحم الراحمين ياأرحم الراحمين فرح قلوبنا بالحمل التام السليم عاجلاً غير آجل

تابعي تجارب أخرى من هذا القسم.