وووووش فوبيتك؟؟؟؟؟؟؟؟

21 سبتمبر 2010

الفوبيا ... او كما تسمى بالرهاب .. عرفوها بإنها مرض نفسي ويعني الخوف الشديد والمتواصل من مواقف أو نشاطات أو أجسام معينة أو أشخاص..

ومن المؤكد الكل عنده فوبيا من اشياء معلومه ...وغير معلومه او غير متوقع الخوف منها مثل ماعرفت عن ناس قبل شوي ..ياالله تعافينا

ومثل ماتختلف الأشياء اللي نخاف منها وانواعها
تختلف ايضا اعراضها وتتفاوت من شخص لشخص ...

فيه اللي يجيه اسهال الله يكرمكم وفيه من تقلب عليه معدته ويحس بغثيان شديد ..وفيه من يختنق اويحمر وجهه او يجيه تبول لاإرادي اللهم عافنا في فترات متقاربه ... او يخفق قلبه بشكل سريع .. وفيه من يجيه ارتعاش شديد لدرجة الإعياء وفيه من يغمى عليه ..ولاننسى التعرق والقشعره احسها اول شي يبدا به جسم الواحد يوم يواجه فوبيته

عن انواعه الظاهر لاحصر لها لأن بجد انصدمت ان فيه ناس يخافون من .... لحظه بالله

ايه ! من صوت ضحك الرجال : / ! تقول المتفوبيه من هذا الأمر انه اذا سمعت قهقهتهم يتهيألها وحوش خياليه ذات اشكال مريعه بسم الله علينا

عن نفسي بصراحه مدري هي تدرج بقائمة اللي عندهم فوبيا او لا ! مااحب اشوف البريصاني ابدااا ...
وماهو من نعومة اظفاري هالسالفه معي لا بس من عقب ماجاني بريصاني ب كابوس الله يخسه قمت بعده مرتاعه اثره صدز ابن البريصاني
ميت وفوق راسي مدري وش جادعه !! عاد هاك الهوا اللي يرد الروح فوق السطح خرب علي جوي حسبي الله عليه

صرت اقشعر اذا سمعت صوته الغبي واذا جا بوجهي اقتله شر قتله اننننهي على روحه السابعه

المهم بعدد لكم الأنواع المتعارف عليها ...

فوبيا المرتفعات

فوبيا الطيران

رهاب الخلاء

يالله تعافينا ...
فيه ناس يخافون من القعده بالأمكان الفاضيه ...يمكن توصل بهم لدرجة انهم يحبسون ارواحهم ومايطلعون خوف من الأماكن اللي بيروحون لها
تطلع فاضيه او تفضى عليهم ...

فوبيا الدم