السلام عليكم ورحمة الله وبركاته
اه اه تعلمت الحين اني ما اكلم حتى ولو امي بمواضيع حساسة ممكن تجيب لي الهم
يااخواتي اللي حصل ان مرة من المرات ام زوجي قالت لي عن لسان بنتها اللي عايشة بمنطقة ثانية جنب بيت عمي اخو ابوي ان بنتي تقول كثر ما مرت عمك قوية طووول ما هي بالبيت ما نسمع صوت زوجة ولدها لكن لما تسافر وتترك البيت صوت زوجة ولدها يوصل بيت بنتي وتاخذ راحتها بغياب ام زوجها يعني صراخها على اولادها وكذا
وانا بما اني متغربة ومالي غير اختي اتواصل معاها على النت علمتها وش ام زوجي تتكلم في بيت عمي
قامت اختي الله يصلحها علمت ام البنت اللي يوصل صوتها للجيران وطبعا ما هان عليها ينقال كلام في بنتها وعلمت زوجها والحين يبغون يعلمون بنتهم ان اخت زوجي تقول عنهم كذا كذا وخبرت امها وامها علمتني انا ... يعني خلاصة الحديث بيصير عتاب وانا بطلع بسواد الوجه مع ام زوجي :icon33: وانا الله شاهد علي اني لساني دافي وما احب نقل الكلام والفتن بين الناس وما احب قيل وقال الحريم ابداااا
بس السبب اللي دفعني اعلم اختي اللي قالته ام زوجي اني انقهرت على زوجة عمي وما هان علي كلامهم عنها وبما اني مالي حد بالمنطقة اللي انا فيها اخذ مشورتها بكل شي لانها هي الكبيرة لكني غلطت :44: وعلمتها اه اه انا بهم الحين ما يعلم فيه الا الله ما ودي اطلع بسواد الوجه عند اهل زوجي خاصة انهم يحبوني لاني حبوبة وكتومة ومثل ما قلت ما احب نقل الكلام وكذا
اخواتي انا قلما اكتب مشاكلي بس قلت اخذ مشورتكم يمكن راي من احدى الاخوات يخفف عني علموني وش اقول اذا واجهتني ام زوجي
تكفون ساعدوني ورجاءا الاحترام بالرد
شاركي في النقاش
سجلي الدخول لإضافة تعليق.
التعليقات
22- الله يصلح أختك..ويفرج همك..
إذا سألوك ليش كذا قولي لها ماقلت لأحد غريب قلت لأختي وهي الله يصلحهااا سولفت لغيري ..والسالفه مو كبيره وتفشل سالفه جدآآ عاديه..وصدقيني ياقموره الموضوع مو كبير ..أنتي هونيهاا وتهووون - احكي الموقف عادي زي ماحصل لا تخافي انت ماقصدك شي وحاولي انك تقولي انها مجرد حكي مع اختي وارجووووك لا تخسري اختك مهما صار لان صار موقف متل ها الموقف لامي وخالتي اتفرقو بسب ها الكلام
- ياحياتي موقفك صغير بس اختك الله يهديه كبرته
لانه وصلته لاهل البنت0
احس فتنه انه تروح وتقول افلانه قالت بك كذا والله نهانا عن الفتنه >>والفتنة اشد من القتل 0
انتي قولي لخالتك قبل هم مايقولون علشان اذا واجهوه تكون مجهزه رد ماتنصدم
وانا اشوف كل الاطراف غلطانه حتى اهل البنت لو يروحون يناقشون الي قالت الكلام ببنتهم انا بنظري صغر عقل
توكلي على الله 0والله معاك0 - لاحول ولا قوة الا بالله
عندي اختي اللي اصغر مني نفس حركات اختك
الحين لو تموت ماقلت لها حرف
انعدمت الثقه بيننا للابد - لاحول ولاقوة الابالله
مواضيع مشابهة
تابعي تجارب أخرى من هذا القسم.