تجمع المحسنات الظن بالله (خبرات متبادله حول مراكز العقم في مصر )

مبروك يا بنات على الجزء الجديد وان شاء الله يكون فتحتة خير علينا ونسمع اخبار حلوة زى الاجزاء اللى فاتت

ما شاء الله يا قمرة ربنا يبارك ويثبت الاجنة ويرزقك من حيث لاتحتسبى انتى ميعاد التحليل امته يا قمرة ؟؟؟؟؟
مش حوصيكى التزمى الراحة والهدوء ويا ريت دايما تقرائى قران وتذكرى الله علشان الراحة النفسية ويا ريت بلاش قلق وربنا كريم يا قمرة
بس مش قلتى انتى كام جنين اتخصبو عندك وجمدتى ولا لا ؟؟؟

معلش يا مصرية ما فيش اسرع من الايام بتعدى هوى وانتى لسه قيله فى اول كلامك كده ولازم تحمدى ربنا انك عارفة السبب وكمان اكيد جوزك بياخد علاج وكل ما الفترة زادت فى علاجة كل ما اتحسن اكتر باذن الله وكمان انتى لازم تخسى وتكملى الرجيم يعنى انتى مش ساكتة وخلاص انتى برضو بتعملى اللى عليكى بس احنا مش حنسابق الزمن والوقت اللى ربنا رايد انى العملية تتعمل فيه حتتعمل فيه اما بالنسبة لحماتك بقه هى زى كل الامهات بتبقى عاوزة تفرح بخلفة ولادها فانتى خدى كلامها بهدوء واطلبى منها الدعاء واذا حسيتى انى الموضوع زاد عن حده خلى جوزك يتكلم معاها بهدوء طيب دا انا حضحكك انا حماتى الله يرحمها من اول يوم اتجوزنا فيه وهى ابتدت تخاف على وفى اول اسبوع جواز عزمناهم انا وجوزى على الماجيك لاند وكانت خايفة على اوى ومش مخليانى اركب اى لعبة هناك لدرجة انى اتوهمت وفعلا خوفت على نفسى ومابقتش عارفة استمتع وقلت لجوزى انا خايفة اكون حامل والبيبى حينزل رد على وقال لى مش لما نعرف نظبط الموضوع الاول دا يا دوب بنقول يا هادى اصلى اول ايام الجواز الموضوع كان صعب اوى علشان انا كنت خايفة ومش بسهولة برضى موت على نفسى من الضحك والله ورميت كلامها ورا ضهرى وركبت كل الملاهى

بعدين انا ايه كلمة مش بعمل حاجة غير انى ادعى ربنا وبس هو دا شوية دا الدعاء مخ العبادة ولايغير قدر الله الا الدعاء اوعى تقولى كدة تانى دا انتىلازم تجتهدى وتزودى فى الطاعات والصدقات لانك اذا اخدتى باسباب الدنيا وربنا مش رايد يبقى ولا اكنك عملتى حاجة انتى استمرى على انتى فيه وزودى اكتر كمان واعلى فى طاعتك لربنا وباذن الله ربنا يقبل دعاكى ويرزقك والبيت يتملى صوت وعياط وتبقى نفسك فى لحظة هدوء من بتوع زمان عيشى ايامك يا بنتى انتى لسه عروسة انتى متجوزة من سنة ونص بس وكمان احنا معاكى اهه
ويا ريت لمصريه تحاولى تشغلى نفسك بحاجات تانية طالما انك الحمد الله عارفة الحل وماشية على العلاج انتى وجوزك يبقى المسالة وقت وحيعدى بسرعة باذن الله

ميكو مسلمه مميزات اخباركم ربنا يخليكم ليا.والله يابنات مريحه علي الاخر علي راي جوزي عايزك الاسبوعين بروته ههههه
مميزات بصي هو انا لما سالتهم عن التجميد امبارح قالولي مدام المعمل مبلاغناش باي حاجه يبقي اللي موجود ميصلحش للتجميد..مع اني استغربت يوم الخميس لما كلموني قالولي11جنين.الحمد لله رجعت 3 والتحليل يوم10 وربنا يهون الايام الجايه

توتا الجميلة مش تخافى يا قمرة قل لن يصيبنا الا ما كتب الله لنا