( حدث العقل بما يعقل
في كاميرات عند البوابات
والجوال له كم يوم مفتوح ماخلص شحنه ؟؟؟
و40 بنت مخطوفة بجدة ؟؟؟؟ والحكومة ساكته استحاله!!!!
صدقيني أختي هذا موضوع مفبركينه الي بالانترنت
صح في سحر وفي يقمرون الناس لكن تكون القصة كذا استحاله ...)
السلام عليكم
اخواتي الحبيبات ليه لما نسمع قصة زي كذا ما نصدق لازم الواحد مننا يوقع في نفس المصيبة عشان يصدق انا رح اقولكم عن قصة شبيهه لها بس اقسم بالله العظيم انها حدثت لان الي قالت القصة جارتنا والبنت الي سارت لها القصة قريبتها بالمرة المهم انو في رمضان مو هذا الي قبلو هذي العيلة جايين من الطائف وفطرو في بيت عمهم في مكة لانهم ناوين يادون العمرة وبعد الفطور راحو كلهم على الحرم لما وصلو الحرم الا البنت تقول لامها انو ما تقدر تدخل الحرم لانو سار معاها العذر قام ابوهم قال خلاص خليكي في السيارة انتي واختك راحو للحرم ولما خلصو العمرة رجعو لقو البنت الكبيرة مو موجودة وما فيه غير البنت الصغيرة سالوها وين اختك قالت راحت الحمام وما رجعت راحو دورو عليها في الحمامات ما لقوها دورو في كل مكان ما لقوها بلغو الشرطة كلمو اهلهم الي في الطائف والي في مكة والي في جدة مافي اثر للبنت وبعد اربعة شهور من البحث لقوها عارفين فين لقوها لقوها في جدة في شقة ومعاها عدد من البنات المخطوفين اكرر المخطوفين كانت تخطفهم حرمة وتوديهم لهذي الشقة والله اعلم ايش يسير فيهم بس طريقتها مو سحر ما اعرف بالتاكيد لكن تشوف اي بنت تمشي لوحدها ما معاها احد وتحط عينها عليها بس كيف تاخذها معاها ما ادري والبنت هذي ستر عليها واحد من اقابرهم شهم تزوجها وهي الان مبسوطة مع زوجها حتى مااحد يدري سار لها شي ولا لا عموما اخواتي لازم نحرص على اولادنا وبناتنا وما نغفل عنهم والله انو عندي بنتين الله يحفظهم 16 و12 سنة انا اجيب اغراظهم بنفسي من خوفي عليهم واخيرا اخواتي تقبلو مروري بصدر رحب
اترككم في رعاية الله
قصة حقيقية حصلت بمجمع العرب بجدة انتبهوا يابناااااااااات
متابعة النقاش، صفحة 17