شاركي في النقاش

سجلي الدخول لإضافة تعليق.

التعليقات

887
  1. @sltanh_gdh

    هلا جداويه
    صراحه شروطك عجزتني ههههههههههههههه
    بس انشاءالله تلاقي
    روحي فندق الدار البيضاء عندهم قاعات صغيره وحلوه
    وفندق الحارثي سمعت ان عندهم قاعه جديده اسمها الاصاله او اصله روحي شوفيها
    وفي فندق جديد اسمه جده اوركيد
    وشوفي القصر اللي في مطعم الكزار في الحمراء
    وشوفي الكريستاله اللي في شارع خالد بن الوليد
    وانشاءلله تعجبك وحده فيهم
    ولو افتكرت او شفت قاعه صغيره وحلوه بقلك ولو انتي لقيتي عاد قوليلي عشان ملكتي
    وبالتوفيق يارب
  2. @aaashk_alabdaaa_1

    صاحبة الموضوع
    اهلين اختي جداويه بصراحه في قاعه اسمها الدانه في حي البوادي في شارع الستين وصحبتي سوت فيها ملكتها بس والله القاعه جديده وحلووه ومو كبيرة مره واعتقد كمان سعرها معقول ؟؟؟


    بنات انا ملكتي راح تكون في الصيف والزواج كمان بعدها بشهرين !!! وماني عارفه ايش ابدأ اشتري اول .؟؟؟
  3. سلطانه جده
    سلااااااااام للكل أخت رها صراحه انا عندي صديقتي اثق بذوقها مرررررررررره من غير مااشوف اصدقها لان ذوقها مثلي تمام وكلمتني قبل فتره ان اختها وصديقه اختها يسوو كوش الافراح والمسكات وكل شي يخص العرس واشيائهم جدا راقيه فلو حابه اعطيكي الرقم …
    :27:
  4. سلطانه جده
    سلااااااااام للكل أخت رها صراحه انا عندي صديقتي اثق بذوقها مرررررررررره من غير مااشوف اصدقها لان ذوقها مثلي تمام وكلمتني قبل فتره ان اختها وصديقه اختها يسوو كوش الافراح والمسكات وكل شي يخص العرس واشيائهم جدا راقيه فلو حابه اعطيكي الرقم …
    السلام عليكم و رحمة الله و بركاته ..

    مساء الخير يا قمامير ..

    سلطانة جدة ..
    مو قلت لك إني أتجننت و أتكسرت رجولي من الدوران !!

    تعالي أجننك زيادة :23: ..
    الدار البيضاء قاعاته الصغيرة مافيها بلكونة عالية ..
    كلها بلكونات أرضية ..
    وما يفتحو القاعات إلا لعدد معين ..
    مع إنه الدار البيضاء خدمتهم وأكلهم رائع ..
    ومستواهم معروف ..

    الحارثي .. القاعة إسمها الأصالة و نفس الأسباب
    السابقة بإستثناء إني ماعندي فكرة كيف أكلهم ..
    لأننا ما نروحلهم ولا نتعامل معاهم .. و آخر مرة حضرنا فيه
    مناسبة من سنين ..

    جدة أوركيد .. ماهو جديد .. بس محد يعرفه كتير ..
    وعلى فكرة ترى جنب بيتي :) ..
    ونفس الأسباب السابقة !!
    وفيه قاعة ببلكونة بس ما يفتحوها لأقل من 170 شخص !!
    ولو مرة أتنازلو يفتحوها لـ 150 أو 160 !!
    و أسعارهم تعتبر غالية برضو !!
    ومرة مرة مو قابلين يسووها عالأقل لـ100 شخص ..
    وغير كدة سار لي موقف هناك مع الموظفة اللبنانية المايعة ..
    حسبي الله ونعم الوكيل فيهم الفاسخات المتبرجات خاربين البلد ..
    قهرتني و حرقتلي دمي و خلتني أبغا أقوم أحطها في كيس خيش
    و أحشمها بنت الذين ................ !!

    الكازار .. مافيه إسم البلكونة خير شر !!
    لا أرضية ولا عالية .. لمن شوفتها قبل سنتين تقريبا !!

    الكريستالة .. جربااااااااااااانة و كل شي فيها مخمج !!
    و الأصنصير حقهم تحسيه حيطيح بيكي .. بسم الله ..
    و خدمتهم مو داك الشي !!
    ومرة مرة مرة ما يراعو ولا يدوكي عرض كويس !!
    و برضو مو أقل من 200 أو 250 بحكم إن القاعة كبيرة ..
    والقاعات الصغيرة حقتهم معفنة معفنة معفنة لأبعد درجة !!
    و يكفيكي مداخلها إللي تدخليها من عند باب المطابخ !!
    وريحة الكشنة والطبيخ والقلي إللي معبقة الفندق كله من عند الباب !!

    شوفتي ؟؟
    أتجننتي :23: صح ؟؟

    و ممكن أقولك شي يا قمر ولا تزعلي ؟؟
    لا تكتبي ( إنشاء الله ) أكتبي ( إن شاء الله )
    عشان لا يختلف المعنى ولا تكسبي ذنب :) ..


    عاشقة الإبداع ..
    الدانة يا قمر تعتبر إستراحة .. ومافيها بلكونة !!
    وسمعت برضو إنها كويسة و مرتبة ..

    وبالنسبة لوضعك ترى عندك وقت :) ..
    لو كنتي محددة موديل فستان الفرح و مستقرة عليه ..
    خيطيه مع فستان الملكة .. و أطرحي همه ..
    لأن هم فستان الفرح لحاله يجيبلك القلق ..
    وأنا رأيي لا تدبشي كل شي من دحين ..
    أو حاولي تشتري بعض قمصان النوم والبيجامات وملابس
    البيت و حاجات البيت إللي محد يشوفها ..
    لكن خلي الطقوم والبدل والفساتين وأشياء الخروج بعدين ..
    عشان تعرفي عالصيف تنزل بضايع جديدة و حرام تشتري من دحين
    أشياء تروح موضتها .. خصوصا دحين كل السوق شتوي ..
    و أشتري أشيائك العادية .. شباشب بيت ( أكرمكم الله ) .. جزم
    و صنادل و شنط الخروج ( الألوان الأساسية ) .. أرواب .. مناشف ..
    أمممممممممممم ماني فاكرة أيش كمان ..
    بس لو تبغي شي معين حدديلي وأنا أخدمك ..
    بس أهم شي أهم شي الفستان والقاعة و أساسيات الفرح و الملكة ..
    والتأهيل النفسي والديني للزواج :) ..


    يا بنات أفهموني .. أنا أبغا قاعة صغيرة و حلوة و فخمة وفيها بلكونة
    عالية فوووق .. مو بلكونة أرضية أو واطية إللي
    يكون مستواها بمستوى الأرض أو أعلى بشوية ( ما أبغاها ) ..
    و يكون سعرها مو غالي .. يعني في حدود
    10-20 ألف مو أكتر أبدا !!
    لأنه فرح عائلي و مررررررررة صغير ..

    و عقدتي في الحياة البلكووونة ..
    مع إنه في ملكتي كانت فيه بلكونة ..
    بس مع الحياء و الكسوف ماكنت شايفة قدامي
    وما أتهنيت بيها ولا عرفت أرمي الورد و الحاجات ..
    ومشيت بسرعة بسرعة عشان بس أنزل من البلكونة قبل ما
    يغمى عليا ولا أطيح على وجهي من النفضة !!
    ونفسي أعوضها في الفرح :( .. بس الفرح صغير ..
    وأبغا قاعة فيها بلكونة من نفسي يااااااناااااااااس :06:
    أبغا أسوي زي باقي البنات و أرمي ورود و أشوفهم من فوق
    و كدة حركتات :23: ..
    دورولي قاعة صغيييييييرة وفيها بلكونة فووووووووق ..
    أهيء إهيء إهيء :06:


    تحياتي ..
    جــــــــداويــــــــــــــة

تابعي تجارب أخرى من هذا القسم.