عفت الهوى يوم أكثر الحب تمثيل




بسم الله الرحمن الرحيم



هذي قصيده قريتها
في أحد المنتديات
وحبيت تشاركوني فيها



يـــقــــــــول



ماعاد باقي بالعمر كثر ما راح
ولا عاد فيني حيل لمطاول الليل

تعبت أداوي جراح وأستنسخ إجراح
وإهمـوم قلبي مقفيات ٍ مقابيل




خلاص أببعد وأترك الهم وأرتاح
مالي ومالك يالرمـوش المظاليل



لاهوب مغريني شذى عطر فوّاح
ولا سلهمة عين ٍ تحيك المحابيل


لا خصر يعني شي لا قـّد فضـّاح
إليا تمايل روس خلق الله تميل

يا وجـه ربي صارن إبعيني أشباح
بيض العذارى لابسات الخلاخيل

ما راح راح وباقي ٍ شي ما راح
ذكرى عليها القلب جـّر المواويل



فإن طحت ماني باول إنسان قد طاح
قـِد طـاح قبلي بالمحبة رياجيل




عشت الهوى يوم أكثر العشق ذبّاح
وعفت الهوى يوم اكثر الحب تمثيل



وسلاااامتكم

أشـــــكـــــــركـــم
مـــــــــــــــشـــــــاعـــــــــل

استغفر الله

4 تعليق 1,081 مشاهدة

شاركي في النقاش

سجلي الدخول لإضافة تعليق.

التعليقات

4
  1. عشت الهوى يوم أكثر العشق ذبّاح
    وعفت الهوى يوم اكثر الحب تمثيل


    صح لسانه وسلمت يمناتس يامشاعل اختيار موفق بالحيل :)
  2. @mshaaal_57

    صاحبة الموضوع


    مشكورين على المرور

    الله يجزاكم كل خير

    آآآآميــــن...


    مـــشــــاعــــل

    استغفر الله

تابعي تجارب أخرى من هذا القسم.