اختي ,,,والله قطعتي قلوبنا صدقيني الدنيا فانيه ماتستاهل اللي تسوينه بنفسك ,,ترا بتعجزين وتجيك الامراض المزمنه( الله يكفينا واياك شرها)وانتي مش حاسه بعمرك ,,واذا تبغين تخففين تعلقك بزوجك ..اجلسي مع نفسك في جلسة مصارحه واسأليها هل هذا الانسان فعلا يستاهل كل هذا الهم ؟بالله عليك الانسان اللي ماقدر تعبك وصداعك يستاهل كل هذا؟(مع اني مانكر انه واضح انه يحبك ولا كان صارحك من زمان لكن وش نسوي الرجال قدام الزواج الثاني يحوس الدنيا),,,,جاوبي نفسك على هالتساؤلات واحكمي بنفسك ,,,انتي قاعده تموتين في اليوم خمسين مره وهو قاعد في عالم ثاني (والمشكله انه يشوف انه على حق)..
حاجه ثانيه ليش انتي متأكده انه لو تزوج وحده ثانيه بتحبه مثلك ,,,مااااهوشرط ,,هذا الاحساس تحسينه لانك انتي تحبينه وتشوفينه كل شي في الدنيا ,,وهو كمان يمكن مايحبها مثلك صدقيني هذي نزوه وتعدي مجرد حب استطلاع ويمل ,,مجرد انبهار بحكايات الشباب اللي قبله ,,,والله الحب والانسجام كلها توافيق من الله سبحانه وتعالى ....
وبعدين الله يهديك انتي نسيتي حاجه مهمه بتضيعينها من بين ايديك ,,,,كراااامتك ,,فين راحت ,,انتي بذلت كل السبل وابن الناس قاعد يتفرج ,,يقول خليها تحوس الين تتعب وتطفش ,,وتنسى ,,,صدقيني هو واثق من حبك له وتعلقك به عشان كذا صااامد مثل الجبل قدامك ....
اختي الزم ماعليك كرامتك وخليك في بيتك طلباتك اوامر ومثل ماقلت لك اعطيه حقوقه وطيعيه وفي نفس الوقت اثقلي وخليك غامضه عليه ,,,يعني اذا هو رايح رايح سواء دلعتيه ولا ما دلعتيه اذن احتفظي بكرامتك ولا عاد تذلين نفسك قدامه ولاشي ,,,اصلا تخيلي نفسك تجبرين انسان يعيش معك وهو عقله مع وحده ثانيه !!اش ابغ في جسد من غير روح ,,,
انا كل مره افتح موضوعك واقول ان شاء الله الحرمه هدأت نفسها ,,الاقي العكس تماما ,,اجلسي مع نفسك بهدوء وبعيدا عن وسوسة الشيطان وفكري انتي لك شهور على هذا الوضع ,,وماتغير شئ ,,ووالله ان وضعك الحين احسن من لو انكشف شئ ,,صدقيني عيشي حياتك والزمي بيتك لانه في الاخير الزواج من حقه ..وخليه يطلع اللي في راسه لان الرجال مثل الطفل ينبهر باللعبه فتره بعدين يرميها ,,,,اهتمي بصحتك وبثقافتك والاهم من كذا بدينك وصلاتك ,, والله احنا الحريم اذا حبينا اخلصنا وهم ولاهمهم شئ ,,وان شاء الله تعدين هذي الفتره وربي ينصرك على من ظلمك ..
ساعدوني - انا على حافة الجنون ومحد يدري عني
متابعة النقاش، صفحة 12