كيف تجاوبين على الاسئله المحرجه في بلدك ولقافة الحريم المعتاده

تعالي ابي احب راسك !!!

هذا الكلام ... ما احب الوسوسة .. بالله وش بيضرني لو جاوبت على اسألتهم ؟؟

انا قبل ما اغترب او حتى افكر بالاغتراب .. كان ودي اعرف احد مغترب اساله عشان اخذ فكرة ..

اكرررة شي عندي بالحياة الوحدة اللي كل شي حتى لو سهيف تجاوب مدري !! يعني وشو باكلك ؟؟

الله يهدي الجميع

على حسب الشخص والسؤال وكل واحد عنده عقله براسه ويعرف يقدر الشخص المناسب والاجابه المناسبه

مجتمعي المغتربين اكثر من الجالسين خخخخ فمااشوف الوضع مثل ماتكتبون
لكن عادي لو انسألت سؤال اجاوب لو اعرف ولو مااعرف بقول ماادري << بيسو اسمعي هههههههه
يعني لو سالت تطلعون كثير والا لا عادي جاوبي وضعك مافيها شي ماسألتك كم مره ينام زوجك معك :35: في فرق بين السؤالين والخصوصية
بالنسبه لي اكثر الاسئلة كانت عن
1- الولاده
2- اطلع لحالي بالشارع ومااخاف
3- ادرس ومعي اولاد بالفصل

وكلهم اجاوبهم عادي

الموضوع جاء على الجرح..

انا صار لي عكس اللي يصير لكم!


تزوجت وجيت شهر العسل امريكا ورجعت بعد كم شهر وكنت متقطعة من الشوق للقريب والبعيد..
وبس رجعت !!
محد يكلمني!!
محد حتى يطالع فيني!!
يحاولون يحسسوني اني مو موجودة!!
طيب ليه؟؟
والله لا تكبرت ولا شئ..بالعكس رجعت خبله واسولف بدون لا احد يسألني!!:35:
اصلا مافي شئ اتكبر عليه لأنو اقاربي بالأجازات يطلعون برا ..
بس ما ادري وش اللي صار لهم..
نزلت السعوديه مره ثانيه..ولقيت الوضع اسواء...كلام يوصلني يوجع القلب خاصه من البنات اللي في عمري.. ..بس خليها بالقلب تجرح لا تطلع وتفضح..:27:

والحين اقول لأهلي تعالوا انتم اانسوا خلاص ماعاد الي نزله ..:35:


في ناس تسأل تحبين تجاوبيهم سبحان الله تحسين بطيبه قلوبهم..
وفي ناس من فضول وحاولي بعقلك وحكمتك تشبعين فضولهم..
وفي ناس الله يحمينا منهم فيهم حقد وحسد وحب الكلام ..كذا تتجنبينهم..
بالتوفيق..

بصراحه تخوفون وخير ياطير اذا جاوبتي الله يعينكم علي انفسكم

احسني النيه يالغلا