ابي اعرف وشلوون تلد المراه ....؟؟

انا كنت دايم اقول ان امي تشتريهم من المستشفى لدرجة ان مرة قلت لولد الجيران قل لامك تشتر لك واحد من المستشفى ههههههه

كانت فيني كميه كبيره من البلاهه و الغباء لو تتوزع على العالم تفيض

عمري ما انتبهت ان بطن امي كبيره

و تولد وتجي من المستشفى و احسب يجيبونه من المستشفى

ولا قد سئلت ليه و كيف

وفي يوم من الايام رحت عند صديقتي في الحاره و جلست في بيتهم كنت بحول 10 او 9

و ام البنت تلعب ولدهاا لصغير فجاء على بال بنتها تسأل كيف جبتيه يمه ؟

فالام الله يرحمها ما قصرت شرحت شرح وافي و مفصل و لا دكتوره في الجامعه

و عرفت منها تفاصيل التفاصيل

حتى من تعبها في الولاده ومن كان اسهل قالتها

وانا امي كانت شديده و لا نقدر نتجرأ اصلا نجلس جنبها

فبعد هذا اليوم المنيل جاء يوم و المعلومات راسخه في راسي عن الولاده و السهوله و الصعوبه

واجيك اسئل امي

يمه من اكثر واحد تعبك في الولاده :(

يا سلام على الضرب اللي اكلته يومها منين ومنين عرفت المعلومه هذي و لا قدرت ابرر موقفي :(

و ظليت كم سنه محطوط على x بسبب هذا السؤال البرئ

---

بالنسبه لي كيف اتصرفت

سألوني كيف جبتينا

فكان لازم اعطيهم اجابه علميه نوعا ما

خاصه وانهم جيل متفتح اكثر مننا

فقلت لهم اول شي لازم يتزوج الام و الاب

و لما يبغوا طفل

يروحوا عند الدكتوره تاخذ ابره و تشفط دم من الاب و تحطه بالابره في بطن الام

و بعد كم يوم تصير حامل

فقالوا كيف يطلع من بطنها ؟

قلت من بطنها قالوا ورينا بطنك وريتهم بطني فشافوا الخط حق البطن اللي يجي في كل بطن

فقالوا من هنا

قلت ايوه

قالواا اها

و بعد فتره ماجازت لهم التصريفه

رجعوا سألوني كيف يطلع رجعت عدت نفس الكلام

قالوا لا حتى احنا عندنا خط و بابا عنده يعني حتى احنا نولد ؟ انتي تكذبين

قلت اجل من فين ؟

طالعوا بخبث وضحكوا وهربوا وقالوا : نعرف كل شي

قلت ايش كل شي قالوا من المدرسه و كركركر هاتك ضحك و خلصنا

مصيرهم يعرفون :)

انا ولدي سألني وجاوب بنفس الوقت ماما النونو يطلع من هنا يقصد السر قلت ايووه ههههه لفيت مخرج ومره كنت اكل تمر ناظر فيني وقال ماما الحين التمره بتطيح على راس النونو ههههههه والله مت من الضحك ياحلو البراءه

انا طبعا كنت اعررررررررررررف
تدرون ليه

لاني سبق وولدت فراشه

كانت في فراشه في السطح
واجلس اطالعها ويوم التفت زين الا بيض يطلع
والمسكينه تتلوى يمين ويسار
قلت

مابدهاش سويت دكتوره ورحت جبت العده ال هي طبعا
خلاله منقاش اسنان
ومناديل
وصحن بلاستيك
ولما تطلع البيضه ادخل الخلاله واساعدها ...كني اشوفها تدعي علي اللحين
جننتها مسكينه
لا وعلى بالي اسويلها توسيع هههههههه
واولدها يمكن 12 بيضه واجمعهم لها في الصحن واحطها جنبهم
وادفيهم بالمناديل
مسويه طيبه الاخت هههههههههههه

اااااااااااااااه ذكرتيني موضوعك حلوووو مره

ههههههههههههه ما شاءالله ماقد سمعت زي كذا

حطمتي الشقاوه كلها ابوك يا التعذيب :icon33: