اليوم جبت لكم حلى شفته بمنتدى ثاني وعملت بعض التعديلات عليه ونزلته لكم
المقادير /
1_ كيكة كاكاو انتي معتمدتها عندك او خليط الكيك الجاهز كاكاو
2_ حليب ابو قوس +2ملعقة نسكافيه
3_ 4ظ دريم ويب + 3ظ كريم كراميل + علبة ونصف قشطة + 3ملاعق نسكافيه
4_3ملاعق نوتيلا +2ملعقة حليب سائل
الطريقة /
نجهز مقادير المجموعه 1 ونصبها في صينية تيفال الكبيرة عشان طبقة الكيك اذا استوت ماتكون مرتفعة مره وندخلها الفرن حتى تستوي ثم نخرجها من الفرن ونتركها شوي تدفى
نخلط مقادير المجموعة 2 اللي هي الحليب والنسكافيه حتى يذوب النسكافيه ثم نشرب الكيكة فيه فقط تشريب مو تغريق
نخلط مقادير المجموعه 3 في الخلاط جيدا ثم نصبها على الكيكة بعد ماتبرد الكيكة تماما
نخلط مقادير المجموعه 4 مع بعض في حمام مائي حتى تمتزج تماما بعدها نصب الخلطة هذي في كيس شفاف ونقص الطرف ونزين فيه الكيكة بالعرض ثم بالسكين نخطط الكيكة بالطول وندخله الفريزر اقل شيء ساعة حتى تتماسك الطبقه الثالثة والرابعة
ثم يقطع ويقدم
ملاحظة النوع هذا من الحلى ماينفع يطول برا التلاجة يعني مو للطلعات ينفع للعشوات
وهنا الصور
لاتنسوا المقادير السابقة للصينية الكبيرة
نصيحة يابنات جربوه رووووعه
ترى عادي اذا مريتوا على ايقونة الشكر مافيها شيء والله الله بالردود الحلوة
ودمتم بحفظ الرحمن ؛؛؛
