بنات ارجوكم ابغى حل مشكلتي مع ولد حماي

الله يعينك

زميلتي كذا ولد حماها مع بناتها

الاب و الام و لا احد يكلمه

قام اخذه عمه وضرب فيه لين قال امين
و حذره انه يقرب من البنات
و تأدب الولد
كان يعض البنت يخلي الدم ينزل
الغلط من اهله
لو ابوه او امه ينبهونه و اذا استمر يضربونه ماكان يعيدها ابدا
لو ما تعاملوا معه بشكل سليم الان و الله مايقدروا عليه لما يكبر
و الام لازم تفهم هذا الشي
لو الان ماسمع كلامها متى بيسمع

استودعي بنتك الله و الله انه راح يخليها تتعقد و يأثر عليها حتى لما تكبر

اعوذ بالله ولاعه
حرام ياختي
لايعذب بالنار الا رب النار
طيب فرضا ولعت النار بملابسه صدفه
او جا هو وطبق الاسلوب هذا على بنتك ساعتها
وش موقفك الواحد لازم يحكم عقله
تهاوشه تطقه تهديه تسوي اي شي الا هالاشياء تهديد بحاجات مهلكة مثل النار

حبيبتي لا مو زييين تصبررووون كذا ولا كان شئ صاااير
لا ياااقلبي تصرفي انتي وابوووه
ترى ممكن وانتي منتي فيييه يجيه البنت شئ لا قدر الله الله يحفظ بنتك من كل مكروووووه
الله يحفظ بنتك يارب واستودعيه الله

أنا من رأيي تخلين زيارتك لاهل زوجك في اليوم اللي مايجون فيه
وماتجتمعين معه ..واذا حصل و اجتمعتي لاتجيبين البنت معك ..
وإذا سألوك قولي لهم حتى تأدبون ولدكم..

السلام عليكم ورحمه الله

اشكر كل وحدة ردت علي مشكلتي وابدت رايها جزاكم الله الف الف خير
وربي كلامكم بردت على قلبي الله يفرجلكن
بنات كان عندنا عشاء وعزمهم زوجي وجو بديت معاة باللين ورفعناة بالكلام الزين وهايطناله لين هجد امس ماعمل شي طول وقته بدباب بنتي يلعب فيه بشارع انشغل عنها اقول بخاطري جعلك تضيع بالحارة مايردك الا مركز الشرطه هههههههههههه استغفر الله
وبعضكن يقولون ليش زوجك مايكلمه زوجي وربي كلمه وهددة بس مانفع معاة متقلب هالولد وعبيط ويعاند زوجي حسيت انه مايبي يكبر السالفه عشان اخوة مايبي يصير بينهم شي عشان البزران لانه عارف منطق اخوة مدلع ولدة ومافي امل يضربه ,
والمشكله انهم مايعرفون احد في الرياض غيرنا لانهم استقر كانو بالشرقيه ومافي الا انا تطلعي معي وتجيني وزوجي رابطهم معانا يعنى انسى ان انقاطعهم عشان هالمشكله زوجي مايرضى , الله يعين قلبي عليهم .
ومثل ماقلتو وربي غير اقعدله على الزله خلاص نفذ الصبر معي الله يعين

وجزاكم الله الف خير اشهد انكن ماقصرتن الف شكر للجميع