قصه واحد من العيال في منتدى خارجي عن مستشفى عرقه المهجوووووووووووور
صبحكم / يمسيكم الله بالخير يا أعضاء و عضوااات حديد .. و أتمنى من الله أن تكونوا بصحه وسلااااامه .
أنا بحاااااول أختصر لكم القصه و أوصل لكم الزبده من تجربتي و اكتشافي لمستشفى عرقه المهجووور . و ان طولت فيها فمن حبي لايصال القصه بشكل أحسن .
مالكم بالطويله .. طبعا أنا قد سمعت من شباب انوو فيييه مستشفى مهجووور بحي عرقه بالرياض .. بس قلت بنفسي انهم من وكااالة (( يقولون )) << طبعا هالكلام من حوالي 3 شهووور .. يعني من قبل شهر رمضاان
طبعا مررت الأيااام و ما تأكدت من الكلام االي كان ينقال لي الا يووووم وصلني على الإيميل صور للمستشفى و قصص لشباب مغامرييين بصراحه .. ؟؟ تعرفووون ليه قلت مغامرين .. لأنهم دخلوا مكان إمكن له مهجووور 26 سنه ما دخله انساان .
المهم أنا يوم قريت عنه بالايميل قررت اني أتوكل على الله و أزور المكان و كلمت شباب من أخوياي يوم الأربعاء الموافق 2 / 11 / 1430 هـ . و قلت لهم استن اتصالكم على العصر .. قالوا (( أوكيه )) ،، و الله أذن العصر << و لا عندك أحد (( قلت في نفسي أشوى هع هع )) .. المهم الي أعتذر و الي قاال عندي شغل و الي قال لي سمعت انو ما فيه شي يستاهل انك تروووح له (( يقصد : ما فيييه جن )) .
قلت لهم دايم السالفه كذا ، أجل نكنسل الروووحه له ..
جاء الخميس 3 / 11 .. و شاءت الأقدار ان الوالد يوصيني اني أروووح أشيك على كم أرض له بضاحية لبن .. المهم كان هالكلام على الساعه 2 و نص .. طبعا أنا كنت أطقطق على منتدانا الغالي لييين جاء وقت صلاة العصر .. المهم صليت العصر بالبيت و توكلت على الله لضاحية لبن و لا كااان ببالي اني اروووح لعرقه . بس بمجرد اني حااذيت عرقه بالدايري الغربي << الا و ضربت الفيوزات و قلت ابي أشوف هالمستشفى و لو من براااا . المهم دخلت مع المدخل لعرقه و توجهت لموقع المستشفى .. و يوم وصلت له من بعيد كان مظهره يخوف (( 8 أدوار و جاي على شكل 8 بالعربي ، زي فندق صحارى المطار )) ،، << أخوكم قااام يدور حوله و حواليه بالسياره . بس مجرد اطلاع . طبعا ما لاحظت زي كلام الشباب انوو فيه سيكيوروتيه برا . بالعكس ما فيه و لا حس أي أحد من بني آدم .. المهم وقفت السياره و تأملت فييه و كنت بصراااحه خايف بس مو مره لأني ما قربت من البوابه ..
بس يا ناااس ما أدري وش جاااني .. أحس انو ما عاااد فيني قلب و قربت من المستشفى و لبقت السياره و نزلت منها و توكلت على الله و قريت اية الكرسي .
و قلت بدخله
المهم استغليت فتحه مع الشبك الجانبي له عشان ادخل للساحه الخارجيه له و قبل ما أدخل .. ( حطيت أول رقم أتصل فيه لو جاني شي ) واحد من الشباب ساكن حووول المنطقه << ( ينقال له ألحين بيلحق على شيء بسم الله هع هع )
المهم مشيت و كل شوي أقراا آية الكرسي .. طبعا الوقت كاان عصر
يوم وصلت عند المبنى الكبير و الي عليه الكلام و كنت أنا لوحدي .. بديت اسمي أكثر و بديت ما أحس بنفسي و بنفس الوقت ألزم نفسي اني أكمل للدخول للمبنى (( امكن تقولون اني غريب خايف و يكمل )) بس و الله ثم و الله ان هذي مشكلتي دايما .. أعاند نفسي حتى لو أنا مرررريض و طايح على الفراش يعني بالعربي الفصيح ، أدري ان الشيء هذا يضرني مو ينفعني و أواصل فيه << و لكم انكم تسموني بلي تبووون ..
شكلي طلعت برا الموضوووع هع هع سوووري .. المهم وقفت عند المبنى أطالع فيه من فوووووق لتحت و الي شد انتباهي أكثر (( دريشه بالدور الثاني )) كنت منتبه لها و كانت مقفله . بس ما أمداني أبعد عيني عنها و أرجع أطالع في المبنى ككل الا و لاحظت انها انفتحت ، وقتها سميت و قلت بنفسي امكن هواء الي فتحها .
قربت من باب المستشفى و سميت و قريت سورة الفلق .. و دخلت الدور الأول بس ما بعدت عن الباب الي دخلت منه .. و الله يا ناااااس ثم والله اني سمعت أصووات زي أصوووات الأجراس الي بالمطار - يوم يعلنون عن الرحله - أنا جمدت مكااااااااااني و قمت ما أصدق الا و فجأه أسمع صوت صياااح كأنهم مواليد و فجأأأأأأه و الله ثم و الله يا اني اخر الممر الي انا فيييييه اني شفت سرير مريض يتحرك بسرعه متوجه لغرفه بعيده .. و الله ما أكذب عليكم .. عاااد أنا يوم شفت كذا قسمنا بأيااات الله اني بغيت أمووووت مكاني و لو ما فيني شوية صبر أو أقل من شوي كااان ما قدرت أديييور من مكاني و أدل الباب الي دخلت منه .. لا ارااااديا التفت على الباب الي دخلت منه و والله اني أول مررره أشوووف نفسي اني رجووولي تسبقني .. يالله يالله الله لاااا يجيبكم في موقف زي موقفي. و الله يا اني ركضت و اني احس ان اصابع يدييييني بااااارده و لاني مو مصدق الي شفته بعيني . وصلت السياره و قمت اضغط ازرار فتح الشنطه مو الأبووواب ، المهم بالتي هي أحسن فتحت أبواب السياره و شغلت و مشيت امكن و أنا ما أحس 170كلم و أنا أطالع وراي . أحس بنفسي انه بيلحقني احد منهم .. أعوووذ بالله وقتها و أنا أطالع أحس جسمي مقشعرر و و ايديني باااارده .. أعووذ بالله الله لا يجيبكم في موقف زييه
المهم وقفت عند الدوار الأول عند قصر الامير مشعل << و كان فيه حركه من الناس - سيارات تروح و تجي - ، حاولت اني قدر الامكان اجمع من نفسي و أحاول أهديها . سميت و قريت أذكاري و شكيت اني فيني شيء .
جاء بعد المغرب اتصلت على ناس من أقاربي يقروون على المسحورين و الي فيهم عين و ما شابه برا الرياض . و علمتهم بالساااالفه ، و كان ردهم قاسي علي و بصراحه ما عرفت منهم هالمعلومه الا بعد ما رحت للمستشفى المهجور .
(( يقول لي واحد منهم - شيخ أثق فيه - : تدري لو انه بمجرد لمست الجني حتى لو مسلم يصيبك المس ، و على فكره المس من أصعب شيء يواجهوونه المقرئيين . لانه تعرفوون أعمار الجن - بسم الله - طويله ، أقلهم 400 سنه و العياذ بالله . يعني لو صااار فيك مس و سكنوك ما يتركونك الا بطلعة الرووح .. << طبعا قلت لكم كذا عشاااان تحرصون على الأذكاار و تتجنبون قصص الشجاعه و الي بطلق عليها - شجاعه غبيه ، مثلي تماما - ,,,,, و قااااال لي بعد انو اذا كنت لوحدك و بديت تشعرهم انك خااايف استلموووك استلام - بسم الله - الله يكفينا و اياكم شرهم )).
المهم قفلت الخط منه و أنا باقي اتذكر الي صار لي زي الحلم ، و ***** الله ما أكررها لو ايش ما يكون << عمر الواحد مو لعبه . و التهور ما يجني حصاده الا من سلك طريقه . و أتمنى منكم ما تسلكون ما سلكت .
-----------------------------------------------------------------------------------
و والله يشهد علي في كل ما قلت . و اعذروووووني على الإطاااااله و أسلوبي الركيك في توصيل القصه لكم بشكل سلس ،، بس صدقوني هذا الي اقدر عليه .. و لو ما أحبكم ، كان ما كتبتها لكم و نبهتكم من زي هالأمووور .
و الله يخلي لنا حـديــــــــــــــــــــــد و شعــــــــــــــــــــــــــــــــبـــــــــــــــ ـــــــــــــه
(( دمتم في رعااااااااية الله ،، و نشوفكم على خير ))
رعب...رعب...رعب....مواقف مرعبة......./ قديم
متابعة النقاش، صفحة 262
