الله يحرم وجهها عن النار اللي تدخل وتقرا قصتي المؤلمه

السلام عليكم ورحمه الله وبركاته............


يابنات حوى ابي اقولكم سالفتي بس لاتضحكووون علي ولا تقولون هذه خفيفه...

انا من جد ماعاد اتحمل وربي طفشت وانا ابقولها بس ماابيكم تسكتون ابيكم وتكفووون ونخيتكم لا تردوووني


انا متملكه من شهر واحد وخطيبي ماكلمني لاشي هو ولد عمتي مع ان خواتي كلهم مكلمات ازواجهم

الا انا:44: بس المشكله يابنات انا حنا في قريه بس مو معناتها مانعرف شي وخطيبي يشتغل في مدينه بس الاجازات وخميس وجمعه يجي في الديرررره

وانا حاسه انه شايف في المكالمه شي احيانا اقول يمكن تفكيره انو احنا مانكلم او عيب عندنا او انه مو متجري

وهو ماعنده خوات الا 2 وحده مو عندهم متزوجه ووحده مطلقه وكبيره واحس انها مو متفتحه يعني مو عايشه زي عصرنا الحين يعني متقيده بالعادات القديمه ماتنزل البرقع وهكذاااا....


المهم انا طقيت وطفشت وابي حل من عندكم انا ارقامه كلها عندي يعني اللي بتساعدني نسوي خطه شيطانيه تخليه يكلمني بالقووووه


والله والله اللي تساعدني واللي خلقني اني ماقصر عليها بالدعووووه في اخر الليل وفي الصلاه

وفي ساعه الاستجابه ومو انا وبس انا واختي نصلي الليل وندعيلها معنا بكل شي


الله يسعد ويوفق ويحرم النار عن وجههههااا ويرحم والديهاااا ويحقق لها امنياتهااا واجعلها من المضلين يوم القيامه يوم لاضل الا ضله ويبني لها قصر بالجنه

تكفوووووووووووووووووون ساعدووووووووووووووني وربي طقيت:icon33::icon33:

12 تعليق 1,068 مشاهدة

شاركي في النقاش

سجلي الدخول لإضافة تعليق.

التعليقات

12
  1. @hdooooaa

    والله ماعندي فكره بس عشان هالدعوه الحلوه رديت
    طيب خلي اخوانك يقولون له انه ماعندكم مانع انه يكلمك ولا امك تقول لأمه
  2. @oy_yahlaty

    خذيها نصيحه مني خليها تجي منه ولا منك
    لاتفكرين تسوين خطه عشان يكلمك خليه يكلمك من نفسه احلى واحسن
    واذا ماكلمك مو مشكله عادي اشغلي نفسك باي شي غير انه يكلمك
    والله يوفقك
  3. ماعندي حل سريع غير ترسلين له كول مي ههههه << امزح معاكي لاتزعلين


    ان شاء الله بكره تصحين تلاقينه متصل عليك والا على احد من اهلك يبغى يكلمك

    موفقه يالغلا
  4. @bsh_bsh_3

    صاحبة الموضوع
    الله يجزاكم خير ويسعدكم دنيا واخره ويحقق لكم امنياتكم

    لا ياقلبي امي ماتقدر تقول لامه لانهاااا صعبه ومستحيله

    ومو جايه منه لازم احد يدزه وانا مقدر اقول لاخواني استحي منهم

    تكفووووووووووون ابي خطه ابي وحده تساعدني

    *****الله ياكتكات بالملح الله يسمع منك

تابعي تجارب أخرى من هذا القسم.