أبي شوركم في عملية قص المعده اسويهآ والا لا ...؟!

السلام عليكم ورحمة الله وبركاته



وحشتوني يا بنات حواء اشغلتني الدنيا عن المنتدى والله =(
اليوم جايه وفي داخلي رغبه كبيره بالتغيير الجذري
انا ولدت قيصريه وبعدها عملت عمليه المراره
وزي ماتعرفون المراره لازم تدخل كام التصوير فيظطر الدكتور ينفخ البطن عشان المنظار والكام
لاحظت بعد العمليه حجم البطن تغير وزاد 70%
جلست بعدها 3 سنوات بعدين جبت بنتي طبعا قيصريه
فزادت مصيبتي غير حجم البطن الكبير صار عندي ترهل فضيع
نزل بطني لتحت نزول غريب ويوم سئلت الدكتوره قالت طبعا لازم ينزل لان احنا قطعنا الاربطه
ومااخفيكم شكلي صار غير مقبول كأني ام 50 سنه او جايبه 10 عيال
انعكس هالشيء سلبي وصرت مااحب الاجتماعات ولا الطلعات مع صديقاتي
وزوجي دايما يعلق على شكلي ومعيشني بنفسيه زي الزفت
ويقول لعيالي شوفو ماما فيه ببطنها نو نو ثاني =(
اختي نصحتني كم مره وقالت لازم تشوفين لك حل وانا اقولكم انا مع الرجيم فااااشله
مااحب الرجيم واصدع واتعب لسويته ونفسيتي تتغير بمجرد ماابدى فيه (فلا تنصحوني برجيم انا عارفه نفسي)
حجزت موعد في مستشفى حكومي ( خالد الجامعي)
شافني الدكتور قال ظروري نسوي لك قص معده ..!
انا هنا تنحت بصراحه قلت ليه ..؟!!
قال البطن عندك دهون لو مترهل عادي اسوي لك شد بطن
بس انتي مو مترهل ( وزود الطين بله عندي قولون عصبي ) يعني ينتفخ ويزيد الحجم اكثر
انا اليوم ابي نصيحتكم كأخوات لي
تنصحوني اتوكل على الله واسويها واعيش زي البنات اللي بعمري
ولا اجلس اقول عمليه وخطر وووالخ ولا اتغير ولا شيء ويظل اكتئابي وكرهي لمنظري
الدكتور قال لي راح تاكلين بعد العمليه ربع اكلك المعتاد وراح تنزلين 50 كيلو في السنه
شرايكم يابنات :icon33: