بنات من منكم اذا جت تسلم على ابوها تحب ايده نفسي احب ايده بس استحي!!

اهلين اختي
انا بعد ما تزوجت صرت اسلم عليه واحب يده وهوا يحط يده على راسي ويدعيلي
يا الله مشتاقه له موووووووووووت
ربي يحفظه ويطول عمره وما يحرمني منه

والله ابوس رجوله بعد وليش تستحين من ابوك !!


من شووقي لابووي وشوقي لبوسة ايدهـ ورجووله ابوس اعمااامي على يدهم وابكي اقول ياليت ابوي حي بس

اقسم بالله الذي لا اله الا هو دمعت عيوني وانا اقرا كلامك اقول ابوها عايش وما تبوس يدهـ لو انا ابوس رجووله بس حسافة

الموووت ما اتركه لي اشبع منه ماااااااااات وتركني


خلاص ماني قادرة اكتب اقسم قاعدة ابكي

هلا اختي

ابونـا و امنــا ابدا ماعودونا نسلم على راسهم او ايدهم .. اللهم بس في العيد نحب راسهم ..
مع انهم هم احسنوا تربيتنا وماقصروا علينا بشي وقلوبنا ترحمهم وتحبهم وكل شي
بس كنا نستحي ..

فجأة اخوي بدأ يحب راس الوالده وامي كانت تفرح بهالشي .. بديت انا احب راسها وكنت استحي وهي بعد بس خلاص صارت عاده اول ماادخل البيت لازم احب راسها وهي نفسيتها تتغير الحمدلله واختي بالتدريج بعد بدت تحب راسها ..

اما ابوي الله يرحمــه كانت في السنين الاخيرة كان صعب اننا نبره لمشاكل خاصة .. وكنت حتى لو ابوس راسه او ايده يحسها مجامله له .. يسحب ايده ومايخليني لدرجة مااذكر اني بست ايده...

السنة اللي فاتت اصيب بجلطه دماغيه رقد في العنايــة المركــز لمدة عشرة ايام وكنا يائسن ونحاول نكلمه وهو في غيبوبته ويتجاب معانا بأن يضغط على ايدينا مع انه مايفتح عينه ولا يتكلم وجاه شلل نصفي .. في اليوم العاشــر جئنــا لزيارته الصبح واتفاااجأنا انه صحـــــــــــــى !! ويطالعنا ..
التمينا عليه ملهوفين وانا مسكت ايـــــــــده وتميت ابووووسها ولأول مرة اقوله حبيبي ابوي الحمدلله على السلامة و اصيح واشوف في عيونه نظره رضا ماشفتها في حياتي كلها و ودمعت عينه ياااربي موقف مستحيل انساه .. في نفس اليوم ابوي توفــــــــــــى!!!! كانت هذيج الصحوة المفاجئة هي ماقبل الموت !!
تخيلي ! الله يرحمه ويغمد روحه الجنة..

اتمنى ان ردي يكون دافع قوي لج لبــر ابوج في حياته

حرام عليكم بكيتوني تدكرت لماطولت عن اهلي شهر من زواجي وبعدها سافرت لهم ياحياتي يايبى والله آه يايمة وينك نفسي اضمك ننفسي اسمع ضحكتك يالله ان شاء الله الاسبوع الجاي اروح لهم بنات ادعوا لامي ان شاء الله ربي يسهلها عليها وتحج يارب