السلام عليكم ياحوائيات
انا بخش بالموضوع وبإختصار وابغى كل وحده تتخيل نفسها مكاني وتكتب لي ردة فعلها بكل صدق لاتجاملني
انا بفترة نفاس وتعرفون كيف الفتره ذي ووش يجيك فيها من كآبه وكيف انك تكونين حساااسه من اي شي
الزبده انا كنا نتناقش انا :arb:والاخ ماعجبه كلامي فيه لاني على حق قام يتذمر ويتأفف من حياتنا ويقط كلام بايخ
بس كل هذا ماهمني .....
لانه قال شي اكبر ..
قال : والله ان كل السعوديات علل وان الواحد ياخذ له اجنبيه تريحه لاني ماني مرتاح معاك مع اني مو مقصره معاه بشي وانكرني بكل شي مع اني صابره عليه بأشياء كثيييره ومتحمله وضعه
بس هو كذا طبعه ينسى كل شي حلو بيننا ويدور الزله عشان يقول اللي بخاطره
هو شكله متأثر بواحد ماخذ له اجنبيه والله اعلم وش يحكي له هذاك وشكله محلي الاجنبيه بنظره
انا كررررررررررررررررررررررهته :( وقلت دامها وصلت معاك انك تقارنني بغيري ماراح اكمل معاك
واللي بيننا لازم ينتهي
لاني كل ماتذكر كلمته اتحسف على كل دقيقه عشتها معاه واللي بيننا 4 سنين وولد مو هينه :(
بس هااانت عليه
بصراحه ماني عارفه وش اكتب السالفه طويله وانا اختصرتها وكتبت المهم و لان ماودي اتذكر كلامه وافتح الموضوع مره ثانيه
بس قلت لازم افضفض لكم واسمع رايكم ؟؟
انا عن نفسي ماعاد كلمته ولا عاد فكرت فيه وماعاد صار يهمني واذا خلصت الاربعين ماافكر ارجع له لان بالعربي
مايستاهلني ولا يستاهل اني اعيش معاه ودامه تجرأ وقالي كذا مو بعيده انه يفكر ويقارن وانا مااتحمل اعيش بالوضع هذا
لان عمري ماقارنته بغيره او حسسته بالنقص مع انه مقصر في اموووور كثيره معاي....
وش تشورون علي :confused:؟؟؟؟؟
مااقول الا حسبي الله عليه ونعم الوكيل الله ينصرني نصر اشوفه بعيوني وينصرني على منهو السبب ...
شاركي في النقاش
سجلي الدخول لإضافة تعليق.
التعليقات
46- الزوج اللي يتكلم لا تخافين منه يحب يثرثر ويتفاخر طنشيه ولا يهمك
خافي من السكوتي
وسعي صدرك وادعي ان الله يسخره لك
ترى كذا بعض الازواج في فترة النفاس يفكرون بالزوجه الثانيه لان الزوجه ماهي عنهم
الله يسخره لك ويحنن قلبه عليك - ههههههه
نفس الكلام اللي فوق.. خافي من السكوتي..
لا تعوذي من ابليس .. ولا تفكرين هالتفكير
صح كلامه يقهر .. بس نصيحه فكري بمستقبل ولدك ولا تفكرين بنفسك أولا..
اغلب الازواج كذا يقارنون بينا وبين الاجنبيات ...
بس انتي الحين بنفاس ونفسيتك مو مره لا تناقشي معه الموضوع ابد خلاص ...
وهو برضو زوجك خلصي نفاس وارجعي لزوجك احسن من اول
يعني هذا مو سبب انك تفكري تتركي زوجك والله مابعد شفتي شي من الحياه..
شكل زوجك يدلعك ومراعيك عشان كذا استغربتي من كلامه .. التمسي له العذر
والله يوفقك ويسخر لك زوجك ...وكل الرجال ينخاف منهم هالايام الساكت والي يتكلم- تعحبني الوحده اللي تعز عليها نفسها وكرامتها وتتخذ القرار00
حتى لو غلط00 - الله يسخره لك و
يقومك بسلامه
طولي بالك هذا اسلوب الرجل الله يعيننا عليهم
مواضيع مشابهة
تابعي تجارب أخرى من هذا القسم.