ماعندي صبر على طفلي بهذلته وزاد جناني ماعرفت اعامله ..وصار عدواني

السلام عليكم وأنا بعد ودي تساعديني يا أخت سواتش لاني جدا جدا أعاني من ولدي نفسيتي متحطمة على الاخروم عارفة وين الحل وراح أعطيك معلزمات واتمنى توقفين معاي لاني محتاجة لحل سريع لولدي وعمره سبع سنوات وثمانية أشهر وترتيبه الاول في العائلة من بعد تأخر ثلاث سنوات في الحمل وبالعلاج واخذ مثبتات وعندي بعد بنت عمرها سنة وسبعة أشهر بس أنا ابغي اتكلم عن نزار ولدي وهو عنده نشاط زائد بشكل مو طبيعي وضعف في الانتبام والتركيز عنيد متملك ما يسمع الكلام اللي في باله يسويه وصر على الشئ اذا طلبه جرئ وذكي ومخيلته واسعة ودائما يؤلف قصص ما صارت وللاسف للاسف عدواني بشكل كبير يضرب ودائما يقول انه ماضرب يعني يكذب ويستخدم حزام البنطلون للضرب وهالشئ توه جديد عنده من اسبوعين وفي عنده شئ ما احبه انه يغافلني ويطلع من البيت ويروح على بيت جده علشان يلعب مع ولد عمه اللي بمثل سنه يعني في اي وقت من الصبح ايام الاجازة واحنا نيام يأخذ المفتاح ويطلع واحيانا يطلع من النافذة ويقفز من على سور البيت ويروح ولما اسأله ليش سويت هالشئ يقول بروحي ما عندي احد العب معاه ومؤذني في المدرسة كل مشاكل من المدرسات واولياء الامور والاخصائية وهو في مدرسة خاصة في ثالث ابتدائي ومستواه ممتاز في المدرسة بس بسبب حركته مستواه صاير ينزل ويرتفع وما يحترم الكبير ويرفع صوته عليي وعلى ابوه واحيانا لما يعصب وخاصة لما ما يرضى ابوه يلبي حاجته يضرب ابوه امام الناس وفي أماكن عامة وهالشئ يسبب الاحراج وأمس بعد صارت بينه وبين طالب اصغر منه مشكلة سببت ان يوقفونه عن الدراسة لمدة يومين وهالشئ مضايقني وهو اليوم الصبح لبس ثياب المدرسة ويبغي يروح فظل يبكي ويصرخ علشان المدرسة وهو يحب المدرسة بس ايش اسوي معاه وللاسف أنا يمكن اكون السبب الاول في مشكلته لاني عصبية وما اتحمل وما عندي صبر وكنت دائما اضربه لما يغلط بقسوة وانا جداجدا ندمانة واقول دائما اني ما اصلح اكون ام واصارخ عليه واجرحه بالكلام وانا موبيدي وابوه في البداية ما كان يضربه بس بعدين للاسف بدأ يضربه ويعاقبه بالحرمان من الالعاب والكمبيوتر والبلاي ستيشن بس انا احس انه ما في فايدة لان مشاكله زايدة وعرضته على استشارية عندنا في البحرين في المؤسسة البحرينية للتربية الخاصة واخذت من عندنا المعلومات وعملوا له اختبار تقييم بس للحين ما طلعت النتيجة بس بعد اللي صار أمس معاه في المدرسة كلمت الدكتورة وخبرتها بالموضوع وتفاهمت مع المدرسة وحددت ليه الاسبوع الجاي يومين علشان يبتدون معاه البرنامج العلاجي السلوكي لمدة ساعة في اليوم وانا اتمنى انك تساعديني وترشديني للطريقة الصحيحة اللي اتعامل بيها مع ولدي ويا ريت تساديني في اني انا بعد اتغير واترك هالعصبية والضرب والصراخ واصير صبورة واتحمل وم اغضب بسرعة ارجوك اختي لا تخليني لاني فعلا تعبت وكل لحظة استغفر الله اتمنى الموت وادري اني انا اللي جنيت عليه وسببت له هالشئ بس الحين خلاص كل شئ صار وندمي واسفي فات اوانه انا ادري ان كل الموجودات بيلوموني وانا ما راح اتضايق منهم او ازعل بالعكس راح اتقبل لاني استاهل اكثر من اللوم والعتاب واخيرا سامحيني لاني طولت عليك بس انا من جد محتاجة لمساعدتك من بعد الله سبحانه والله يهديه ويصلح حاله .

صدقيني مع الصراخ والضرب بنهبل اكثررررررررررر

هاذا طفل للان مااايفهم
الله يصلحه لك ويصلخ لي بنتي العصبيه

الأخت سواتش تم تفعيل الرسائل الخاصة ولكن لا اعرف ما المشكلة ..

ما عليك امر اذا في امكان الرد على العام .. ولك جزيل الشكر ..

شوفي حبيبتي ..
كل تصرفااااااااااااتك غلط وانتي عارفه
لكن تخيلي نفسك محرومه من العيال ومتعذبه وتفرين في كل المستشفيات تبين بس تحملين وتجيبين ولد تضمينه وتشيلينه
..
والا تخيلي انك تفقدينه << بعيد الشر عنه
...
انتي حاولي ترجعين معه من اول حبيه .. احضنيه .. حتى لو كنتي مشغوله وبكى اتركي اللي في يدك واحضنيه وبوسبه كلها خمس دقايق وارجعي لشغلك
لانها اذا بكى وانتي مشغوله يبيك تهتمين له بس مايبيك تنشغلين عنه
حسسيه انك دايم بجنبه
حسسيه انك تحبينه وش فايدة الحب اذا صار مكتوم في قلبك وهو مايدري عنه
انزلي لمستواه صيري معه طفله لاتصيرين ام قاسيه .. لاعبيه مافيها شي
هذا كله مو دلع ..
هو طفل يبي يحس ان عنده ام تحبه .. والا ليش جبتيه .. فكري
ماعندك الا ولد واحد ..
فهميه الصح من الغلط بدون صراخ .. خليك طويلة بااااال تذكري ان قدامك طريق طويل
والتربية يبيلها تعب .. زي ماتبينه يعاملك عامليه ..
لا تقسيييييييييين عليه ابد

هلا حبيبتي سواتش ماادري كيف اجازيك لكن جزاك الله عني خير الجزاء..
بالنسبه لكاسة المشروب غالبا على الاكل تكوب مشروب غازي واحط له سن توب او عصير سن كويك في كوبه الخاص واحيان انسى احط له وياخذ رشفات من كاساتنا ,,,

بس المشكله الكبيره في الحمام صار عناد مايبغى يدخل يجلس عند باب الحمام ولايرفع رجله ولايوقف ولايمشي عناد..مع انه قبل اسبوع ماكان يسوي مره عشان اناشيد ومره بدون سبب
واضطر اصيح عليه لحد مايدخل مغصوب ويبكي شوي وانا اغسله الا هو يضحك ويلعب ماادري وش يبغى؟؟!!



بس الشهادة لله والله بدون مبالغه اليوم وضعي النفسي تمااااام من ناحيه ولدي اطالع فيه براااءة ماتنتهي ليش تجي لحظه واجرحها وهو مره مزود التلصق ويتحكحك فيني زي الارنب حاس اني معطيته وجه هههه فديته:04:
سواتش من جد طريقتك رائعه في التفاهم مع الاطفال يمكن كثير يقول نعرف نربي بس فيه شغلات كثير دقيقه نبهتيني عليها..هذا وانا ماسمعت منك الا القليل في هذاالمجال العريض جزاك الله خير ...



صح كلامك التناقض في التربيه من اكبر المشاكل بس لحد الان مادخلنا في المرحله اللي تخوف من ناحية التناقض