تتوقعون مين يطلق؟؟؟؟؟؟؟؟؟؟؟؟؟؟؟؟

اعرف وحده اصرت على الطلاق وطلقت وعندها عيال مره عنها ومره عند ابوهم

تدرين العيال اخر شي وش يقولون ياليتنا في الشارع اللي يبغانا يجي
تعبوا من المشاكل والتشتت

اخوالهم مايبونهم وهم وودهم بامهم ويبون ابوهم

في النهايه الضحيه الاطفال

والله قلبي عليهم مساكين
زدوهم هم بدري عليهم في الحياه


فكري مو مره ولا اثنين مليون مره بعيالك اولا واخيرا


صعب على الوحده ترضى بزوجه ثانيه عليها

انا لو لاقدر الله هذا بيكون تصرفي

ابي بيت ونفقه وعيالي عندي ولاعاد اشوف وجه
بس اضمن عيالي وبيتي يجي حياه الله لعياله وبس انا ينساني


في الاخير استخيري ربك
الله يكتب لك اللي في الخير والصلاح يارب

من حق اي زوجه ترفض زواج زوجها عليها

و لكن مو من حقها تطلب طلاق اختها حتى يرضيها

ممكن تكونين ذكيه وتطلبين عوض

شوفي انتي و قرري ايش العوض اللي بيرضيك

مثال:

مهر قد مهرها او ضعفه - ذهب - بيت جديد - اثاث جديد من هذا العوض

هذا زوجك و انتي اول بخته تقدرين تدللين عليه و من واجبه يرضيك

و من حقك تختارين اي حل يرضيك حتى لو طلبتي الطلاق محد يلوم عليك

لكن اختاري الحل اللي يكسبك

بالنسبه لزوجك مو متضرر من طلبك للطلاق

لانك بتتحملين اولادك فهو مو متضرر من ناحيه تربيه الاولاد لانهم في ايد امينه اللي هي انتي

و لا متضرر من ناحيه غيابك لانه يوجد بديل لك زوجته الثانيه

و انتي مالك مصلحه في الطلاق يعني بتتزوجين و احد ثاني ؟

و الاولادك ما اعتقد بتفرطين فيهم

طيب زوجك الثاني بيقبل فيهم ؟

طيب من بياخذ وحدهم معاها عيال ؟

واحد اما طمعان اذا عندك مال فهل ترضين بواحد ياخذك لطمع ؟

و اذا ماعندك مال ماهي مقوماتك لو بيخطبك رجل اخر معليش فكري بمنطق ؟

نقول ممكن ياخذك شيخ معدد او رجل شاب معه زوجه و اولاد او مطلق او ارمل لكن برضه لك شريكه و بتتحملين مسئوليه ثانيه

او واحد يسير عليك وعنده زوجه اولى فهل ترضين تكونين زوجه ثانيه و انتي رافضه ابو عيالك لانه تزوج وحده ثانيه ؟

و كل هذول مو مضطرين يرضونك عليك انتي تتقبلين اللي يقدمونه لك


ففكري مصلحتك فين بالضببببببببط

هل مع الرجل اللي مضطر يرضيك و لا مع الرجل اللي انتي مضطره تسايرين وضعه عشان يرضى عليك ؟!

الله يعينك استخيري