ابن زوجي تسبب في بهدلة ابوه ،، ابغى حل ارجوكم المشكله صعبه ومحرجــــه

وازيد على ذلك ان مادام علاقتك طيبه مع خوات جارتك حاولي تفهمين وحده منهم الموضوع وتكون هي واسطة خير بينكم والموضوع يبيله وقت علشان يهدأ

اسحبوا الولد من شعره..خل يعتذر للناس..

وان ما رضوا عاد بكيفهم..انتوا حاولوا..عشان العشرة..والولد ما يكفيه الضرب

لازم عقاب رادع..مثل الحرمان من التلفاز ..من الأصدقاء ..من ا لمصروف

الله يهديه

والله يا اخواتي اني اليوم الصبح الساعه 6:30 ارسلت لجارتي رساله طويله 12 صفحه قسما بالله وفعلا وضحتلها ان لو كان زوجي اللى حيرسل كان ارسل من رقم غير معروف مو من جواله اللى بإسمه بالذات ان هالبلد اللى يخلي الوسايط اي حدا يشتغل بالهاتف ممكن يجيب اسم الشخص اللى عامل ازعاج بثواني بسيطه يعنى لو كان زوجي كان على الأقل جاب بطاقة سوا (( بدون اسم )) وجلس يرسل لبنات خلق الله بس والله ان مو هوة ،، بالعقل والمنطق
المهم انى كتبت لها ان مو زوجي وان انا كنت حابه اكلمك واوضح لك الصورة بس انا احترمت طلب زوجك بعدم الإتصال وانى انا خسرت صداقة انسانه محترمه مثلك والله يا اخواتى انى صرت ابكي قسما بالله لأنها فعلا بنت حلال وطيبه مرة واخلاقها عاليه ماشالله عليها بس ايش اسوي ؟؟؟ زوجي فكر يروح عند جارنا بمحل عمله بس خاف ان ما يقابله ويفشله قدام الموظفين او يعلي صوته عليه ،، صعبه والله رجال عمرة 42 سنه ويتبهدل قدام خلق الله ،،،
احنا وكلنا الله بس انا قلت لزوجي لازم تشيل من ابنك الجوال مو لابق له جوال علشان لا يبلاك بشي مصيبه مع اهل او اصحاب او او او ،،، والله ان زوجي حلف لى ان موت الولد من الضرب بس بعد ايش بعد ما الفاس طاحت على الراس
الله يفرج يارب ويصلح الحال ...

لا حول ولا قوة الا بالله

عفوا على المداخلة...بس في شي ماني فاهمته.!!
الولد عمره 15 سنة.!!
يعني مو طفل.!!! ما فكر أنه اذا أعاد ارسال رسايل زوجة أبوه الى أرقام مسجلة في جوال أبوه من جوال أبوه راح يفتضح أمره؟!! و انه حيروح في ستين داهية؟!..و أنتي ما ذكرتي كيف أبوه عرف أنه اذا كان الولد اللي مرسل الرسايل ولا لا؟ يمكن الولد اضطر يقول ايه أنا اللي أرسلت بعد ما (مات من الضرب)!!
و اذا جيرانكم ناس و أخلاق...(هذا اللي لاحظته من كلامك عنهم)..كيف يشكون في رجال معروف عنه أخلاقه و احترامه لنفسه و خاصة بعد ما شرح لهم؟
الله يفرج همك..و يحل مشكلتك قريب..و يجعل الناس متفاهمين معكم ان شاء الله..

لكن احب أذكرك بشي....يا ليتك نصحتي زوجك انه حرام يضرب الولد هذا الضرب المبرح.. و أنتي ما راح ترضي بهذا الشي لأولادك و ان أخطأوا...كذا غلط صراحة....و بعدين لا كبرنا نشتكي من العقوق..!! و احنا ما نحصد الا اللي زرعناه.!..العقاب لا بد منه...لكن يكون عقاب في حدود الشرع..مو ضرب بهايم.!!

الله المستعان...
و السلام عليكم و رحمة الله و بركاته..