ادخلوا عشان صاحبتي محتاجتكم تستشيركم

السلام عليكم

بستشيركم بخصوص موضوع يخص اغلا صاحباتي

صديقتي انتقلت لمنزل جديد الله يبارك لها فيه والبيت لساتو ماتأثث نهائيا يادوب حاجات بسيطه

المهم ام صاحبتي واقاربها عاملين عزومة تلف على الاقارب كل اسبوع تقريبا في بيت وحده منهم

ولما صاحبتي زارت امها كان عندها بعض من الاقارب عشان يتفقوا على العزومة وتبدا عند مين وكذا

المهم تلقفت وحده من الموجودات وقالت لصاحبتي يافلانه كلمنا امك عن العزومة بتلف علينا وبتكوني معانا

قالت صاحبتي ماعندي مانع بس مشكلتي ان بيتي لساتو ما تأثث مافيه اثاث نهائيا

قالت معليش نجي عندك مافيها حاجه اهم شي ننبسط

وبعدين احرجتها امها قدام الضيوف وقالت لصاحبتي مافي اعتذار لاتعتذري وبتكون عندك يعني عندك لو ان شاالله تستأجري من محلات السجاد زوالي وتفرشيهم ونجيك

وقاموا يضحكوا الضيوف اللي عندها على كلامها مع بنتها وانبسطوا وصاحبتي انحرجت وحست بانكسار من موقف امها معاها

انتم وش رايكم ويش تسوي صاحبتي هل توافق امها وتضغط على نفسها وتحرج نفسها وتعزمهم وبيتها كدا ولا ويش تسوي

تبغى رايكم

12 تعليق 1,123 مشاهدة

شاركي في النقاش

سجلي الدخول لإضافة تعليق.

التعليقات

11
  1. :)

    عادي لا تسوي شي و تحاول تضيفهم باللي عندها و باللي موجود ( الاثاث )

    و تقووول لهم ابغى ابدا حبه حبه في التأثيث عشان ما اندم انا و زوجي

    :)
  2. @mtbkh_almlhk

    شوفي حبيبتي
    مدام قالوها في وجهها معناتها هم ناس بسيطين وماعندهم تعقيد للأمور
    واكبر دليل ان امها اصرت عليها يعني ناس فعلا اهم ماعندهم الجمعه وبس ماتفرق الامور الثانيه معهم

تابعي تجارب أخرى من هذا القسم.