فلنعش هذه اللحظه بكل مافيها(حمله ستغير فيك الكثيربأذن الله)هناالردود والنقاش

بالنسبه للخطوه الخامسه

يالله قد ايش اعشق البساطه ودايم اتمنى حياة اول ترجع

اللي بدون جوالات ولا شي كانت مريحه بشكل ..

الحين انا ماعندي الا جوالي بس واللاب .. يعني ابدا ماحب المظاهر الكذابه والمثاليه الزايده
لا ابدا الحمدلله.. مع اني من ناحية الماده ابدا مايكفيني مبلغ بسيط لا من النوع اللي يصرف كثير انا
واصرف على ترفيه نفسي يعني ما ابخل على نفسي بشي..

خواتي غير مررررررررره يحبون التكنولوجيا بشكل والاجهزه الجديده ..
والناس عندهم واحنا ماعندنا يعني متعبين انفسهم شوي هههههههههههههههههه
بس الحين ان شاء الله كبروا وعقلوا ..

لكن باذن الله راح اطبق هالخطوه من كل النواحي باذن الله ..

لاوسي ..

شكرا من القلب ..

خامسها....بسطي حيــــــاتك..وبسطي الامور من حولك ........

ماشاء الله عليك يالاوسي تسلسل رااااائع ومنظم تعزيز الايمان الاقتراب من الله عزوجل رفع روح التسامح وهدفنا ارضاء الرب قبل العبد الحب في الله واسعاد الغير تبسيط الامور وتسيهلها للاخرين سبحان الله شي رااااائع انك تبسطي حياتك وتعيش ببساطة من غير تصنع او زيف تحس روحك خفيفة في حياتنا نواجه هذا الشي كثير تحس ناس ترتاحي معاهم بسيطين في تعاملهم في اكلهم وشربهم وملبسهم حتى لما تفكري تزوريهم الامور تسهل امامك وتم العملية بسهولة ويسر وناس تحس انهم ثقيلين ماتصدقي تخلص الجلسة وترتاحي منهم وتتمني داخل نفسك انك ماتبي المكان والناس وتحس بروحك ثقيلة ونفسك ضايقة ماتدري ليش..

حتى في مجال العمل تلاحظ ناس يسهلوا امورك ويبسطوه لك قال صلى الله عليه و سلم كلمة جامعه مانعة قال: ( والله في عون العبد ما كان العبد في عون أخيه ) أي: أن الله تعالى يعين الإنسان على قد معونته أخيه كما وكيفا وزمنا ، فما دام الإنسان في عون أخيه فالله في عونه ، وفي حديث آخر: ( من كان في حاجة أخيه كان الله في حاجته ).

عن أبى هريرة رضي الله عنه عن النبي صلى الله عليه وسلم قال: ( من نفس عن مؤمن كربة من كرب الدنيا ، نفس الله عنه كربة من كرب يوم القيامة ) والكرب يعني: الشدة والضيق والضنك ، والتنفيس معناه: إزالة الكربة ورفعها ، وقوله: ( من كرب الدنيا ) يعم المالية والبدنية والأهلية والفردية والجماعية.
-( نفس الله عنه ) أي: كشف الله عنه وأزال.
- ( كربة من كرب يوم القيامة ) ولا شك أن كرب يوم القيامة أعظم وأشد من كرب الدنيا ، فإذا نفس عن المؤمن كربة من كرب الدنيا نفس الله عنه كربة من كرب يوم القيامة.

وخصوصا في معاملات الناس والطالبات وتفريج كربهم..

اذكر مرة وحدة من الطالبات جاءها نقل الى المدينة وجات تبكي وماتبي وتقول ارفضي يا استاذة وخلي الرفض منكم واسالها عن السبب تقول هناك الاستاذه صعبين وانا اتعودت على صديقاتي هنا وما ابي وابوي وامي مصرين نقلوا هناك وانا ما عندي بيت اسكن عند احد ارفضوا علشان اسكن عند عمي وكانت حالتها النفسية صعبة حزنت عليها جدا وقلت لها اسمعي حبيبتي اذا كان هذا رغبة من ابوك وامك طيعيهم هم سندك وجنتك في هذا الدنيا وربي ان شاء الله يسهل امورك بدعائهم لك ماراح ينفعوك لا صديقات ولا الاستاذة امك وابوك اهم شي في الدنيا طيعيهم واكسب رضاهم طالما هم على قيد الحياة وجلست اكلمها ساعة واهدي عليها وريحت خاطرها وسهلت لها الامور وفي النهاية كانت تقول والله يا استاذة ريحتيني وهديت نفسي جزاك الله خير ومشكورة ..
وفيه امور كثييييييرة تحدث لازم نبسط للناس ونسهل ونهدي عليهم ومانزيدهم هم وغم على همها وربي قادر على كل شي..
كانت عندنا برفيسوره الله يسعدها فين ماكانت تحب تاكل معانا وتشرب وماتتكبر علينا وبعض الاحيان تعمل لك اكل وناكل مع بعض كانت في منتهى التواضع واللين ..
ماهو علشان منصبها كبير متشددة في التعامل مع الناس ابدا ..
ودائما لما تسهلي للناس تجدي مين يوقف معاك وييسر امورك سبحان الله..

خلينا دائما بسيطين سهلين مرنين مهما اوتينا من علم اومال او منصب مافيه احلى من البساطة ومساعدة الاخرين وانا لانغتر بانفسنا ..

" المؤمن هين لين سهل " .. وحديث عن عبد الله بن مسعود عن رسول الله صلى الله عليه وسلم ((ألا أخبركم بمن يحرم على النار ، وبمن تحرم عليه النار ؟ على كل قريب هين سهل)).

بالنسبه للخطوه الخامسه

البساطه حلوه ومريحه جدا خاليه من اي اقنعه او مجاملات على حساب النفس
حلوه هذه الخطوه وجااااااااااااااري التنفيد
بورك فيك اخيتي