قهوه اللوز

مشكوره ياعمري

سبق ونزلتها وحده من الاخوات مرة لذيذه بس ماعندي رابطها مااحتفظت فيه للاسف

أبشري







أبغى أدخل بالطريقه على طول لآني ماأعرف أسويها إلا بالنظر خذي قدر وسط أوصغير يعني على قدكم وحطي فيه حليب بودره أي نوع تحبين وحليه بمويه ألين تقريبا نص القدر وضيفي معاه سكر حسب الرغبه يعني وسط وألا زياده شئ راجع لك وضيفي بعد هيل مبروش مومطحون مبروش وبعدين خليه يفور لاشفتيه بدا يغلي خليكي من أول قد حاطه دقيق رز بزبديه تحليه بمويه وتغطي فيه الحليب طبعا تبغينها تخينه أوخفيفه برضو ترجع لرغبتك في كمية دقيق الرز وأرخي النار عليها مع التقليب المستمر عشان ما تتكلكع ألين شفتيهابتغلي قفلي النار عليها وحطيهابكاسات طبعا تشرب ساخنه أدافيه...وباالهناء والعافيه

وأدعي لي إن الله يبعد بنت الحرام عن زوجي ويسعدني ببيتي مع عيالي آمين

وإذاطلبت شئ أناتحت أمرك وإن شاء الله أكون أفدتك

انا حقولك كيف بس من غير تحديد كمية المقادير

اي حليب بودره تحليه في مويه وتحطي معاه واحد عود قرفه وهيل مطحون مه حبوب كامله والسكر زي ماتحبي انت تتحكمي

وتحطيه على النار وتكوني مقشره اللوز الحجازي وطاحنته بس انتبهي وانت بتطحنيه لا تخليه ناعم خليه مجروش وسط اول

اول ما يغلي الحليب حطي دقيق الرز وحتلاقيه في السوبر ماركت ما لقيتي روحي اي بقاله اندونيسيه اهم شيء لا تكثري منه

عشان تتحكمي في سماكة القهوه لا نها لمن تبرد حتصير زي الباشميل في تقلها فلا تكثري بعد كدا حتحطي اللوز المبشور

وتخليها تغلي لثواني وبس تصبيها في اكواب وتزيني الوجه باللوز اللي طحنتيه بس يكون مقلي

يعني تحطي اللوز في مصفى وتدخلي المصفى وسط الزيت شويه بس لمن يصير لونه دهبي خرجيه على طول ونشفيه تمام


ايوه نسيت القرفه والهيل الصحيح بعد ما يغلي الحليب خرجي الحبات عشان لا تضايق اللي حيشرب القهوه



وبالعافيه يارب مقدما وبشريني لمن تسويها