شاركي في النقاش

سجلي الدخول لإضافة تعليق.

التعليقات

96
  1. صاحبة الموضوع
    تسـواهم
    العذر من اختي صاحبه الموضوع لكن شدني تعليق الاخوات قلت اعلق على كلامهم فاسمحي لي... quote=مخصماكي;53678137]الحق مع زوجك لانك عجبتك اللبنانيه وحكيها ولا فكرتي في : (((((كلكم راعي وكلكم مسؤل عن رعيته))))) يعني انتي مسؤله تغبينها على الشي ا…
    اختي جبتي الصلاه كمثل وهي تكلمت عن العادات والتقاليد ولم تتكلم عن العبادات والصلاه من العبادات ,ولا ماصرنا نفرق؟
    وهي جابت مثال عن لبس عباءه الراس لأنها من العادات لان ماورد عن الرسول ان العباه لازم تكون راس ولازم تكون سودا!!




    انتي بعد جبتي مثال عن الصلاه والصلاه عباده مو عاده !!


    مادري متى نتعلم ان نسمع كلمه الصح بغض النظر من هو قائلها
    ان كانت عارضه ازياء او طالب علم او حرمه في بيتها نسمع كلامهم ونفند الصح من الخطأ ولا نرفض الكلام تبعا لقائله!!

    كفيتي ووفيتي اختصرتي علي كثير
    ناس تركو المضمون ومسكو بالعبادات والاشخاص
    انا قلتلكم عارضة عشان بنقلكم الموقف بالكامل ولا قدرت اكتب وحدة وخلاص
    وبعدين التادب بطرح الراي واجب والي ماتقدر الا تدف بردودها توفره لنفسها يااخواتي
  2. @don_4

    لا اول مره اقرا موضوع في حواء يشدني بهالصوره

    اولا اهنيك بعقليتك واسلوبك في الحوار مع زوجك وحرصك على تربية ابنائك

    ثانيا التربيه بالنسبه لي امر مقلق ومخيف لانا نعيش في زمن غير الزمن

    تفتح وفضائيات ونت وعالم كبير ماله حدود

    احيانا احس نفسي بحاجه لدورات تدريبيه مكثفه لاني انا ضايعه بهالعالم اللي انفتح على كل الجهات بدون غربله وتنقيه صحيح طفلي صغير لكن الوقت مخيف وعامله حسابه

    الحل بالمراقبه والمتابعه؟؟!! بنتعب وبيفوتنا الشي الكثير لانه لايمكن نعرف ايش دواخلهم حتى لو وقفنا على تصرفاهم

    الحل بالمنع وال لا والتعنيف والضرب ؟؟!! لا طبعا لاننا بنخسرهم

    برضه الحل بالتهاون ؟؟!!لان جيل اليوم اغلبه كذاوهذا اغلب ردود اللي حولي اذا سالتيهم ليش بنتك مسويه تاتو او مربيه كلب!!ولكم الكرمه
    برضه لا كل هالحلول اثبتت فشلها

    الحل قلتيه وقالته العارضه اللي مااعجب البنات كلامها (ولا اعرف سبب التناقض يعني نقرا كتب اجنبيه في التربيه ونطبقها ونسمع لدكاتره غير مسلمين في القنوات الفضائيه وكثير من الكتب عندنا مترجمه عن غرب )وايا كانت عارضه او غيرها اذا بستفيد منها وبتفتحلي افاق اكيد باخذ منها

    بالفعل هو الحل غرس الوازع الديني والاساسيات اللي ماعنها تنازل

    والباقي ياابني ويابنتي لك حرية القرار والاختيار تحت مظلة امور اساسيه متفقين عليها وكل ماحاد عنها ذكرناهم ورجعناه الصواب

    هذا مو تنظير هذا هو الحل للعشوائيه اللي نعيشها والتخبط

    الام زعلانه على بنتها لانها لابسه قصير مافيه بينهم حوار هالزعل ورث جفاء وعناد وعدم طاعه بعد كذا البنت صارت تسوي كل مابدالها لان الام استسلمت وصارت تقول هذا جيل اليوم والبنت تقول هذالبس اليوم

    وضاعت الطاسه

    يسلملي عقلك

تابعي تجارب أخرى من هذا القسم.