بسم الله
السلام عليكم ورحمة الله وبركاته..
الحمدلله ولدت وانا بصحه وسلامه
يوم الاربعاء 5-11-1431 كنت معزومه للعشاء عند اختي .تعشيت وطلعت منها 12 بالليل ..واخذت من قطعة حلتيته. وكنت ناويه انقعها بماء واتوضا فيها .. جيت لبيتي وطلعت لسطح مشيت نصف ساعه..
واخذت استغفر بنية تسهيل الولاده.. وحاطه مسبحه عند مخدتي مكونه من 100حبه..
يمكن 500مره او اكثر..وحطيت ماءالحلتيت في ملابسي الداخليه. ورحت اانام تقريبا الساعه 2بالليل
وانا ماسكه السبحه وادعي واستغفر..وكان من الادعيه.(اللهم اجعل ولادتي بردوسلاما علي وعلى جنيني كم جعلت النار برد وسلاما على ابراهيم)
نمت وماصحيت الا 6الصبح عشان اصلي الفجر.. رحت لدورة المياء الله يكرمكم. وشلت الفوطه اللي حاطه فيها ماء الحلتيت.وتوظيت وصليت. ورجعت ونمت وماصحيت الا الساعه الا8 على نزول ماء الجنين .. خفت ودمعت عيوني.. ما عرفت ايش اسوي .. صرت ادخل اوطلع من غرفتي .. جهزت ملابسي ورحت اصحي زوجي وانا خانقتني العبره. طلعنا للمستشفى وفي طريقي قلت لزوجي اشتر لي تمر . وكنت ماخذه معي ماء محضرته انا وبرقيه وادعيه تسهيلل الولاده..شربت من الماء واكلت7 تمرات.
وصلت للمستشفى الساعه 9 الصباح. كشفت الدكتوره علي ولقت الرحم مفتوح من4-5سم
حطو جهاز الطلق علي .. ربع ساعه وطلعوني لغرفة الولاده.. استقبلتني القابله ختام اردنيه..عسل الله يرزقها بالزوج الصالح. كل شوي تسألني تبي اعطيك ابره مهديئه. اقولها لا بتحمل شوي لسى ما حمى الطلق .
كانت تسولف معي وتحاول تخفف علي ..وانا مرتاحه الطلق معي خفيف .طلبت دكتورتي فايزه. وجتني وكشفت علي وقالت يبغى لك ساعتين وتولدي.. بد يشتد الطلق وطلبت من القابله تعطيني الابره المهدئيه.
واخذتها مع اشتداد الطلقه. جت الساعه وحده وانا خلاص احس بضغط من تحت قرب الراس.
تاخرت الدكتوره فايزه ماجات طلبو لي الدكتوره وصال مصريه. جت وكشفت لقت الراس قريب. قالت يالله ادفعي.
الراس مش بعيد. دفعت يمكن 4مرات وخرجت احلى- لينا- الله يصلحها واخوانها.
ماحسيت بنفسي الا مخلصين خياطه .شكلي غفيت ساعه او اكثر. والقابله ختام تسالني تبي تاكلي او تشربي قلت ابي حليب ساخن 5دقايق الا وهو عندي.شريت الحليب .
الساعه اربع طلعوني على جناحي ماخذه جناح الاميره .جلست بالمستشفى4 ايام وطلعت.بعدها
بس كان خدماتهم روعه الممرضات تطلب رضاك.ويعاملوك كانك ملكه.
الاستغفار والدعاء اهم شيء..
الله يسهل ويهون ولادتكن. ويفرحكن بسلامتكن.
اعذروني لو فيه خطا املائي اكتب وبنتي على يدي..
شاركي في النقاش
سجلي الدخول لإضافة تعليق.
التعليقات
44مواضيع مشابهة
تابعي تجارب أخرى من هذا القسم.