اه اه ياقلبي المجروح تكفون ادخلو قبل مانفجر

قد يحتوي هذا الموضوع على محتوى غير مناسب. عرض الموضوع
السلام عليكم حبيباتي وخواتي الغاليات
انا احس تمر علي لحظات ودي افضفض وافجر اللي بداخلي واحيانا اتماسك
انا ماعندي اطفال والسبب مستعصي ماله علاج الا بيد الرحمن والله يابنات قلبي يتقطع على الاطفال اموت على حكيهم وعلى لعبهم وحوستهم00اه يازين حتى ريحتهم والله محد حاااس بكلامي الا اللي نفس حالتي
يابنات السبب من زوجي الله يشفيه وانا بعد عندي مشاكل بسيطه لها علاج الحمدلله00
والله ياخواتي اني اداري دمعتي عن زوجي اذا شفت الاطفال عشان مااجرحه واني لما يسئلني تحبين الاطفال اقوله لا من وراء قلبي مايدري اني اموت على ترابهم
بس لي فتره بسيطه صرت ماعاد امسك نفسي ابوس في اولاد خواته الصغار قدامه ويشوف في عيني اللهفه ويتقطع قلبه بس وش اسوي الى متى وانا مخبيه شعوري
والله ان جوالي من فتره بسيطه مليته صور اطفاال والكمبيوتر وسواليفي عن اطفال جماعتنا وكل هذا قدام زوجي بس وش اسوي
حتى اي احد يشوف خلفية جوالي صورة نونو يحنون عليه واكسر خاطرهم صار ماعاد يهموني الناس اول اخبي عنهم مشاعري بالشوق واللهفه على الاطفال واقول ماورى الاطفال الا الازعااج بس اللحين لوالله اقول اللي بخاطري ويشوفون بعيوني لهفة الامومه
اه اه ياحلم الامومه ياترى بيجي اليوم اللي احضن طفلي بين يدي انا وزوجي
بيجي اليوم اللي انوم طفلي على صدري بيجي اليوم اللي اللعب انا وزوجي وطفلي
اه الله لايذوق اي وحده هذا الشعور
وانتم ياامهات الاطفال لو تشوفون دموعي اللحين والله مابتزعلون اطفالكم
ومابتقسون عليهم لو لحظه
انا مايجرحني الا لما اشوف بعيون امهات بعض الاطفال الخوف منا يالمحرومات لما نبوس اطفالهم ونلعبهم حرام عليكم راعو شعورنا وحرماننا
؟؟؟
يحز بخاااطري اذا شفت بعيون زوجي نظرة الانكسااار والحزن والشوق للابوه واذا قعد يناظر في الاطفال

الله يرزقني واياكم الذريه الصالحه واشوف طفلي بحضن زوجي
اه يابنات ادعولي وزوجي بالذريه الصالحه:04:ياارب
ومشكوررات حبايبي

185 تعليق 9,929 مشاهدة

شاركي في النقاش

سجلي الدخول لإضافة تعليق.

التعليقات

179
  1. @am_hmam_7

    أسال الله العظيم رب العرش العظيم أن يرزقكم الذرية المعافاة
    أنا عارفة شعورك يا قلبي
    بس حبيت أنصحك من أخية إلك ان شاء الله تتقبليها

    شوفي حبيبتي إنك تحطي صور أطفال بجوالك وبالكمبيوتر ومدري ايش وتقعدي تبكي وتحزني نفسك صدقيني ما منه فايدة يا قلبي بس بتتحسري على الفاضي

    عليك يا أختي بالدعاء في اثناء السجود والالحاح في الدعاء بكثرررررررة

    وطبعا الأخذ بالأسباب أنت بتقولي أنه عندك شوية ضعف فالحمد لله هونييها بتهون
    إن شاء الله مع شوية أدوية بروح كله وبتتصلح أحوالكم
    وبالنسبة لزوجك سانديه يا قلبي وواسيه وقوليله والمؤمن يبتلى وإن شاء الله ربنا يرزقنا على صبرنا ....
    يعني الإنسان ما يدري فين الخيرة
    بعدين بالنسبة للأمهات اللي يخافون على أطفالهم أنصحك يا قلبي إنك تحسني الظن ممكن إنت بتفسري نظراتهم بهذه الطريقة لأنك حساسة شوي من هذا الأمر ..

    نصيحة حبيبتي لا تفكري في هالموضوع عيشي حياتك وادعي ربك واستغفريه وأسأليه من فضله العظيم ...
    أرجوك لا تحزني أختي وربنا يبشرك بالحمل السليم
  2. @nooona88_1

    كثرري قراة سورة البقره والاستغفار وربي يرززقك ولاتنسين حسن الظن بالله ..
    انا عند حسن ظن عبدي بي .. لاتنسسسين هالحديث وربك ماينسى احد:)

تابعي تجارب أخرى من هذا القسم.