بنات اللي جربوا ليزر ادخلوا ضروري الله يوفقكم..

السلام عليكم ورحمة الله وبركاته..

بنااااات اللي جربت الليزر لإزالة شعر الوجه..

بناااااااات جاوبوني بكل صراحة على الأسئلة:


1- نوعية شعرك (سميك - خفيف)؟؟2
2- نوع بشرتك (بيضاء - حنطاوية - سمراء)؟؟
3- كم جلسة؟؟كم المدة بين جلسة وجلسه؟؟
4- بعد إنتهائك من الجلسات طلع الشعر مرة ثانية؟؟وإذا كان طلع شلون أخف أو نفس الشي؟؟ومتى طلع (بعد الليزر مباشرة أو بعده بشهور أو سنين وحددي بالضبط؟؟
5- هل عانيتي من آثار جانبية اذكريها؟؟؟
6- وين سويتي الليزر؟؟
7- الليزر مؤلم يعني يعور :icon33: ؟؟
8- في طرق لإزالة شعر الوجه غير الليزر؟؟وشنو هي؟؟


ومشكوراااااات مقدما..>>وإن شاء الله ما أتعرض للطناااااااش

13 تعليق 1,674 مشاهدة

شاركي في النقاش

سجلي الدخول لإضافة تعليق.

التعليقات

12
  1. @al_farasha

    هلا حبوبه ...

    انا جربت الليزر بس مو للوجه .. للجسم .. والنتيجه هي كالتالي :
    الشعر خف عن قبل بس لازال يطلع وهذا بعد 7 جلسات وانا نوعيه شعر جسمي عادي .. يعني مو كثيف ولا خفيف وايد .....
    طبعا الجلسه تعور شوي .. مو وايد .. يعني الم ممكن تستحملينه .. واعتقد هذا شي يختلف على حسب درجه تحملج للالم ..
    اما بخصوص الوجه .. فأخواتي مسويين ليزر لوجيهم .. وبصراحه انا لما شفت وجيهم شلون صارت منوره ونظيفه قلت لهم .. من باجر طيران على العياده بسوي وجهي .. بس والله ياختي الحبيبه انهم مانصحوني اني اسويه .. اختي تقول لي ان الشعر بوجهها قام يطلع اكثف من قبل والشعره صارت اطول واكثف .. وقام يطلع لها شعر بمنطقه اللحيه.. وهي اساسا ماكان فيها من قبل نهائيا
    كلهم قالوا لي نفس الكلام
    حاليا هم كل شهرين او ثلاثه يروحون يسون ليزر طبعا مو حبا في الليزر لا ... بس لان الشعر يطلع بصوره كريهه وفي اماكن غير طبيعيه.. مثل تحت العين واللحيه ..

    انا سألت طبيبه الجلد وقالت لي .. اساسا اللي فيها شعر خفيف المفروض ماتسويه ليزر .. الليزر احسن شي حق الشعر الكثيف والاسود

    انا بس حبيت اقول لج هالمعلومه وانتي واختيارج حبوبه ..

    والله على ماقول شهيد
  2. @mlamh_ngd

    انا لا حظت هالشي الى بوجهي زاد والى بيدي ورجولى خف العكس

    ندمانه مو ندمانه يالله ربي ييسر واكمل باقي الجلسات
  3. أنا اللي سمعته ان له أضرار على المدى الطويل
    والله أعلم بس حبيت أنصحك قبل لا تسوين.....
    أختك ميسون الحلوه.............

تابعي تجارب أخرى من هذا القسم.