السلام عليكم ورحمة الله
امس امي كانت بزواج الله يكثر افراح المسلمين
المهم يوم دخلو الحريم بالعشاء الا وحده من الحريم قامت وانتو بكرامه تستفرغ
وبالقوة الحريم شالوها ولبسوها عباتها ووصلوها لزوجها
اخذها زوجها وداها المستشفى اعطوها ابره تخفف الاستفراغ
وقالو خلاص تروح البيت وبتتحسن
المهم الحرمه ماوصلت سيارتهم الا وهي طايحه وتوفت الله يرحمها
والله مره حزنت عليها الله يرحمها برحمته ويصبر عيالها
تخيلو ولدها لين الحين يقولون منهار ويصيح ويقول امي لسه بالزواج ماجات
يوم سالت امي عن الحرمه كيفها بالزواج كانت تعبانه
قالت لا والله متكشخه ومسويه تسريحه ومكياج وترقص ماعليها الا العافيه
سبحان الله الموت لاجاء لا يستاخر ساعه ولا يستقدم
وابوي يقول زوجها كانه كان حاسس يقول مو زي دايما لايسولف ولا يتكلم جالس محزن
لا اله الا الله
ادعولها بالرحمه وةالمغفره والله يحسن خواتمنا
الموضوع مغلق