الله يطول باعمارهم ويعطيهم الصحه والعافيه.. هذا واجبنا لهم
خليك بموقفها.. طلعتي من البيت وقت شبابك واولادك محتاجينك حتى تغطي على المصاريف وتخففي ضغوطات..لما كبروا الاولاد وكل شخص اعتمد على نفسه يجبروك تتقاعدي لا انتي اللي كسبتي مال ولا لقيتي ونيس بالبيت!!
او.. قبلتي بصعوبه وتعب الوظيفه حتى تسددي دين ابوك او زوجك المديون والمسجون وراحت كل هالسنوات قروض سداد وتسديد..اجبروك تتقاعدين وانتي صفر اليدين!!
او ..انتي ارمله وام لاطفال من اب كان في وظيفه لا تدر الا 800 ريال للطفل الى سن 18 سنه فقط.. اجبروك على التقاعد وانتي حتى ماظمني مايحفظ لاولادك كرامتهم بعد عينك
او .. لك ام او اخت او اب مريض وانتي من اسره ماتملك دخل .. ومريضكم يحتاج علاج متواصل ومكلف وسفر ومالى ذلك وراتبك هو السند الوحيد بعد الله سبحانه في سد حاجتكم وكف يدكم لطلب الناس ..بهالحال بتتقاعدين
اقلها و اقلها.. مراه غير متزوجه كبيره بالسن والديها متوفيان مجتمعها منغلق مالها مجال للطلعه من البيت الا الوظيفه غير انها معتمده على الراتب بعيشتها.. هل بتقولين لها اجلسي ووسعي!!
او المدرسه مريحه والموظفه مالزالت قادره على العطاء ليه نقول اتركي الوظيفه!! وطيحي نصفك راتبك
ولاتنسون ان الاغلب من المدرسات الكبار شايلين عوائل وكلن وظرفه ولاتنسون طبايع وعادات بعض الاهالي عندهم المرأه ماكوله مذمومه ولو هي متزوجه تظل تصرف على اخوانها وتسدد قروضهم ولوهم مكتفين مادياً هذا غير حقوق الزوج والاولاد!!
على العموم تقاعدوا او لا هالامر مايحل ازمه
رقمها الوظيفي مستمر لها مادامت حيه ترزق وبعد وفاتها يغلق نهائياً
ولو تقاعدت من 20 سنه وراح نصف الراتب ماراح ياخذون الساقط ويوظفن به رقم جديد
الاشكاليه في القرارات والمخططات الفاشله اللي عندنا
لابد للنظر في المشكله من جانب اوسع.. وتوسيع التخصصات المطلوبه وتقليص الغير مطلوب..فتح مجالات اهم من التربويات
عندنا ارقام وظيفيه مهوله مسقطه او بمعنى اصح تم اسقاطها من قبل اشخاص لم يعلن عنها الى وقتنا الحالي
بالاضافه لفلتره للموظفين ظمن الانتاج وضخ دماء جديده في الوظائف الحيويه والكبيره لدينا
بالاضافه لاعتماد دورات مكثفه مناسبه لمراكزهم وفيها جانب ديني قوي ويكون الحضور اجباري لهم
الله يرزقنا واياكم بما يغنينا..بعيدا عن المجال التربوي
كلمة لبعض الردود: ترضين احد يطالع اللي بيدينك حسد وغبن!! وين بيجيك الرزق وانتي تتمنين زوال نعمه غيرك!!
ليه المعلمات مايتقاعدوا
متابعة النقاش، صفحة 5