لي متى وانا معكم خلاص كبرت

بسم الله الرحمن الرحيم



خواتي وحبيباتي بنات عالم حواء انا من اشد المعجبين في هذا المنتدى الرائع وانا ضيفه جديده عندكم


بدخل بالموضوع


انا متزوجه من 20 سنه وعمري الان 36 سنه اكبر اولادي في الجامعه مشكلتي اني الى الان ساكنه مع اهل زوجي والمصيبه الاكبر انو زوجي هو الصغير اخوانه الي اكبر كلهم في بيوت
انا يابنات كانت امنيتي اكون في بيت صغير او شقه الم فيها عيالي وبناتي وزوجي ونكون مع بعض بس المشكله راح عمري ماتحقق حلمي والحمدالله رب العالمين
اهل زوجي يتدخلون في امور كثيره تعبت منها لاتعد ولاتحصى يابنات حسو فيني تخيلو معي كبر ولدي وبناتي وانا الى الان يقالي روحي سوي كذا وفعلي كذا؟ طيب ليه؟ مو من حقي اكون انا الى اامر وانهى؟
راح عمري مستقريت في بيت راح عمري وانا قومي اطبخي وفعلي والمصيبه ان زوجي يقول مقدر اطلع من امي وبوي موب عاجبك روحي بيت اهلك؟
طيب اهلي على قد حالهم تهاوشت مره معه وقلت لي متى ابي لو شقه تلمني قال مقدر جلست ابكي جاء ولدي الكبير وحب راسي قال يمه انا بطلعك بشقه وهو ماعنده فلوس بس يبي يهون علي مصيبتي
بنات ام زوجي تحاسبني على الطالعه والداخله حتى في لبسي الله يسامحها والمصيبه الاكبر زوجي مع ابوه على طول يفطر يتغدى يتعشى وانا زي الشغاله اكل بروحي تعبت يابنات وراح عمري عطوني كلام اقدر اقنعه فيه يمكن ماعرفت اقنعه ولاادعولي ربي يفرج همي في الايام هذي العظيمه:44:
اسفه طولت عليكم لاحرمكم ربي الاجر

17 تعليق 1,434 مشاهدة

شاركي في النقاش

سجلي الدخول لإضافة تعليق.

التعليقات

15
  1. @shth_altayf_29

    الله يفرج همك
    20 سنة
    والله كثير
    وشكلك دخلتي العايلة صغيرة وتعودوا عليك بشكل فضيع
    الصبر اختي وكثر الزن يلين الحجر
    بس باسلوب وطيبة خاطر
    عيالك كبروا قولي له اشتر لنا بيت
    عشان عيالك يبقون معانا مثلك مع ابوك
    وقولي لي مانطلع من هنا بس نظمن بيت ونأجره
    واذا صار البيت بكل سهولة تقنعينه تستقرين فيه
    واذا ماصار البيت ولدك مايقصر
  2. @bskoth_bskr

    صاحبة الموضوع
    مشكورين بنات الي دعيتو ماقصرتو الله يجزاكم الجنه

    اختي شذى يوم تزوجت كان عمري 15 سنه وعانيت في ايام وسنين بشي مايعلم فيه ارب العالمين لو اكتب الى بكره يبيلي مجلد كامل
    وزوجي عنده بيت مأجره نظام شقق ولو فيه شمس كان بدت من امس على قولتهم زوجي جته فرص نقل وسفر كثيره لكن امه وبوه على قولته مقدر اخليهم ابي ارتاح زي باقي الناس لكن الله يعين
    والحمدالله رب العالمين

تابعي تجارب أخرى من هذا القسم.