ღ¤ஐﻬ تجارب وخبرات متبادلة((الجزء الثالث)) بتاخر الحمل بالمغرب العربي ﻬஐ¤ღ

متابعة النقاش، صفحة 400

شاركي في النقاش

سجلي الدخول لإضافة تعليق.

التعليقات

2,016
  1. @rajiat_rahmat_lah

    فروحة دخلي فرحيني عفاك
    متفائلة اش هاد الغطسة ماشي عوايدك
    البنات كلكم كنسلم عليكم
    لينا اش كاتعاودي اشمن جديد عندك
  2. @groh_alodaaa

    صاحبة الموضوع
    لينا الحنونة
    بعمرانية الله يعوضك يارب والله يفرحنا يارب ويحن على البنات كلهم يارب يارب يارب
    السلام عليكم ورحمة الله تعالى وبركاته

    ها انا جيت وجبت ليكم معايا واحد طبسيل فاعل تارك ديال السفنج والبيني من المختبر
    اللهم لك الحمد والشكر على نعمك التي انعمت علينا
    ولا حول ولا قوة الا بالله الله يعوضني خير مما فقدت
    والخيرة فيما اختاره الله

    المهم فقت الصباح والله مابغيت نمشي حيث نازلة دورة وقلت راجلي بلا ما تخسر فلوسك
    قالي غير يلاه خاسرين خاسرين ما وقفت على تحليل
    طبعا هو مضايق وانا عاذراه على الرغم من كلامه وتعليقاته والله ما تقلقت منه
    حيث عارفة كما ماشي ساهل علي ماشي ساهل عليه
    وخاصة ملي تيكون الرجل حاس بان سبب تأخر الحمل ماشي منه
    والله يجازيه خير على صبره معايا وتضحيته والله يرزقني باش نفرح قلبه
    المهم مشيت درت تحليل وخرجنا شوي سوق ورجعنا للمستشفى هو كان مسكين سابقني
    للمختبر باش يعرف نتيجة وانا تأخرت عليه صراحة كسر خاطري ملي شفت نظرة الحزن في عينيه
    طلعنا عند الطبيب وجلسنا نتسناوه شوية حيث يلاه خارج من العمليات
    ايوا اختكم تسلموني الممرضات والاخوات الي في الاستقبال كل شوي داخلة عندي وحدة
    لغرفة الانتظار يواسوني حيث تيطلع عندهم في الجهاز نتائج تحليل من مختبر
    وانا صابرة وساكتة ولله الحمد , كي دخلنا عند الطبيب الحق يتقال مسكين نعمة استقبال والمعاملة
    والمواساة خفف علينا بزااف بكلامو دارلي سونار باش يشوف بطانة الرحم والحمد لله
    انا ماشعرت براسي كي نزلت من سونار وذرعت ليا الممرضة الي معاه وانا ننفجر بالبكى ما عرفت اش حصل لي
    حتى طبيب وراجلي تفاجئو مني ما قدرت حتى نتكلم او نحبس دموعي عاد شوية شوية يهدي فيا راجلي وطبيب
    وانا نرجع لطبيعتي واعتذرت من طبيب واستسمحت منو على ردة فعلي ومسكين كان جد متعاطف معايا

    هاذي اخباري والحمد لله على كل حال

    انا خارجة دابا نمشي السوق ومن بعد نرجع نراسل المشرفة باش تعطينا مهلة لفتح الموضوع
    ولي رجعة للردود ان شاء الله
    استودعكم الله الذي لا تضيع ودائعه
  3. @om_hiba_lina

    الحمد لله على كل حال...جرووووح الحبيبة ربي يعوضك خير بلا دوا و لا طبيب

    و الله حاسة فيك لإني مريت بنفس الشئ...كنت كنبقى نتساءل علاش...وكل شئ كان

    مزيان ...و لكن لحكمة من الله سبحانه.هو أرحم بنا من أي أحد

    الحمد لله أن زوجك الله يخليه ليك تفهم ..عذريه مسكين راه من حرقة قلبه

    الله يفرحكم في القريب يا رب

    المهم أرتاحي في المغرب...شفت توقيعك الجديد دمعتي لي عيني..الله يديك على خير و تفرحي

    بشوفة أهله...حتى انت درت بحالي ملي كانت النتيجة -- عطيتها للخروج مع الميمة و shopping غير

    باش نتلف.....و نستسلمش للأحزان رغم أني سبحان الله آخر تجربة كنت عارفة النتيجة من 2 يوم الترجيع

    اللهم لا عتراض.....


    الله يسر أمورك و يرزقك الذرية الصالحة المعافات اللهم آآآآآآآمين
  4. السلام عليكم ورحمة الله وبركاته
    أخواتي الحبيبات كيف توما كنتمنى تكونوا كاملي بالف صحة وعافية
    حبيبة جروح الله يصبرك ويعوضك خير إن شاء الله قدر الله وماشاء فعل الله يرزقك بالدرية الصالحة اللي تفرحك وتنسيك كل هاد العناء ياااارب ياااارب ياااارب
    مرحبا باختي لينا الحنونة واختي ام هبة لينة الله يجعل هاد التجمع تجمع خير عليكم إن شاء الله ويفرحكم ربي بالدرية الصالحة في القريب العاجل
    حبيبة اصبحت متفائلة انا بالي كامل معاك الله يطمن قلبك ويفرحك ربي فهاد العواشر بغيت نقترح عليك تشرب عشبة رجل الاسد قريت عليها فواحد الموقع وكيقولوا بانها فعالة فتخفيض مستوى هرمونfsh وكتفيد بزاف فحالة إنقطاع الحيض هاد الموقع كانت نزلاتو واحد الاخت الله يجازيا بخير فمنتدى اخر هو موقع أجنبي مفيد جدا ولكن للاسف مابقيتشي عاقلة على الإسم ديالو الطريقة ديال هاد العشبة هي كتشرب ملعقة متوسطة من رجل الاسد كتعملا فكوب من الماء المغلي وكتخليها تطلق ومن بعد كتصفيها وتشربا يوميا وللامانة فالموقع كاتبين هاد الوصفة كتكون فهالة إدا تبعتيها بوصفة اخرى ديال البصل ولكن مبدئيا كتعمل عادي فالأول حتى كترجع الحيض من بعد كتعمل الوصفة الثانية كنتمنى تفيدك هاد المعلومات وإن شاء الله يكون خير
    سلامي لجميع الأخوات الحبيبات أسأل الله العظيم أن يقر أعينكن بالدرية الصالحة في القريب العاجل
    اللهم إني أستودعك جنيني يامن لاتضيع عنده ودائع

تابعي تجارب أخرى من هذا القسم.