انسانة ضعيفة اخيرا عندهاالشجاعة تكتب مشكلتها

كملي والله ىيعينك

كملي حبيبتي

وقبل ما اوفي الشهرين من زواجي كان في عرس لبنت خالي لكن في منطقة بعيدة شوي يعني حوالي نصف ساعة عن منطقتنا وطلبت من زوجي اني اروح ووافق واني انام ليلتين هناك طبعا كل اقاربنا هناك وقبل ما اروح نزلت عند عمتي بس ما كانت موجودة كانت رايحة لعند اخوها في المستشفى بسوي عملية في المعدة
بس كانوابناتها موجودين وحكيت لبنتها اني رايحة ورحت ولما كنت اكلم زوجي كان مبين من طريقة كلامه انه في اشي لكن ما حكالي اي اشي ولما رجعت طبعا لقيتهم قاعدين برة البيت زي عادتهم تقريبا منظرهم زي الحرس وطلعت على بيتي وكان زوجي في البيت وشفتو زعلان
فحكالي انه امه زعلانه لاني رحت واخوها بالمستشفى ولانه ابن جيرانه كان متوفي وانه مبهدلة زوجي ليش يوديني والله لا يوريكم يومها صابني وجع معدة فظيع من الزعل لدرجةاني
قعدت على الارض من الوجع وثاني يوم لما انزلت بتحكيلي شو انبسطت بالعرس قلتلها لا بتقلي ليش تروحي مش عارفة انه ابن جيرانه متوفي وانه اخوي بالمستشفى وبتحكي الحق على امك
الي لازم تحكيلك ما تروحيش والله ما جاوبت ولا بكلمة وضليت ساكته
وبعد شهرين من زواجي حملت بابني بتعرفو الحامل بعد الاربع شهور بزيد وزنها كان وزني 47 وباخر شهري وصلت 65 وكنت بنت حماي خاطبة ويوم السبت باعتبار زوجي معيد بطلع على شغله متاخر وانا ما بنزل الصبح عليهم وبننزل متاخرين عليهم وبكون خطيبها عندها فلما بشفوني هي وحماتي بصيروا يحكوا اجت الدبة شوا مسبتين يعني معيدين بدكمش تنزلوا
وانا والله عمري ما رديت عليهم بكلمة وحدة وكانو كل مرة يحكولي هالحكي قدام خطيبها وعمري ما بينت اني زعلانة وكنت انا الي اخدم عليها وعلى خطيبها
والله العظيم يا بنات مش شماتة استغفر الله لكن لما اتزوجت هي كانت ضعيفة زيي ولما حملت
والله صار منظرها بخوف وللان صار عمر ابنها سنة ونص وهي زي ما هي
وفي يوم من الايام كنت بدي اروح عند اهلي وكان معي ابني ولما انزلت كانت بنتها هاي موجودة الصغيرة وبنتها الكبيرة وحكيت لامهم اني بدي اطلع عند اهلي وكان زوجي بستنى برة واجيت بدي اطلع الا بنتها بتحكيلي شو حاطة عطر وانا كنت فعلا حاطة بالبيت بس ما شمت اي ريحة لاني بخاف ربي وعمري ما طلعت وانا حاطة اي عطرحتى زوجي متدين ما بخليني احط مكياج برة ولا اشي ولو كان شامم اشي كان حكى ولسة بدي اطلع الاهي بتحكيلي يا زانية
والله ما جاوبتها وطلعت وطول الطريق وانا ابكي وما حكيت لزوجي الا اني زعلانة من اخته
ولما وصلت بيت اهلي شافني اخوي بحكيلي بمزح شو زوجك ضاربك حكيتلو لا بس عيوني بتوجعني شوي وعمري ما حكيت لاهلي اي اشي بس ما تحملت ودخلت عالغرفة وصرت ابكي وامي المسكينة تسالني وانا ما حبيت احكيلها لكن بالاخر حكيتلها وامي استغربت انو هالحكي ممكن ينحكي ولما روحنا ميلنا على عمتي وكانت لسة بنتها موجودة وبين علي اني لسة زعلانة الا عمتي بتحكيلو شو مزعل زوجتك بس هو ما رد عليها وانا ما تحملت وطلعت وضل زوجي وبعدها بشوي طلع ولما شافني لسة زعلانة سالني وحكيتلو الي صار وانجن وكان بدو ينزل لاخته بس ما خليته ووقفتله عند الباب وقتله لا مش ناقصنا مشاكل وحكيتله لازم اتاكد بجوز انا مش سامعة منيح وباعتبار انه اخته الكبيرة كانت موجودة اتصلت عليها وسالتها وحكت اه انو الحكي مزبوط وثاني يوم الا اخته الصغيرة جاية فتحت الباب وحكيتلها اتفضلي اكتر من مرة بس ما رضت وحكتلي انت زعلت انا كنت بمزح قلتلها انو هاي الكلمة ثقيلة وما لازم تنحكى وحكت انا متاسفة واذا بدخل بيتكم ابزقي علي وراحت وناديت عليها كتير بس ما ردت
وبنفس اليوم المغرب انزلت انا وزوجي عند عمتي وكان عندها الجارة ورديت السلام بس ما ردت علي عرفت انها زعلانة والجارة حست انو في اشي فروحت وبعدين عمتي فتحت الموضوع وقالت شو فرحت بتنشري بالخبر زوجها عرف واختها وزوج اختها هي كانت بتمزح معك قلتلها هل بنتك بترضى بنت حماها تحكيلها هاي الكلمة قالت انو بنتها ما في مزح بينها وبين بنت حماها قلتلها وانا عمري ما مزحت مع بنتك وقامت وحكت اطلعي من هالبيت واجيت بدي اطلع وزوجي مسك في وحكالي اهدي قلتلو خلص امك طردتني و طلعت
بكمللكو بعدين لاني مشغولة شوي

لا حول ولا قوة الا بالله الله يعينك فعلا على هذه الحياة

بس الحمد لله ان زوجك معك