غدانا المتواضع اليوم

قد يحتوي هذا الموضوع على محتوى غير مناسب. عرض الموضوع
هذا الله يسلمكم بعد مارجعنامن الاستراحه كعادتنا كل خميس واصلنا انا اخواتي نرتب وننظف البيت علشان قرب العيد وماخلصنا الا ع 4 الفجر وهلكانين تعب تروشنا وسحبناها نومه وماصحينا الا ع 12 والبيت مافي احد لا امي ولا ابوي ولا اخواني الصغار اثاري الحبايب طالعين برا الديره مشوار وماراح يرجعون الا المغرب قلت خلينا اسوي كبسة دجاج وبما ان البيت شبه فاضي ولاهين نجهز للعيد وانا انبح صوتي وانا اركض وراء الوالد بورقة الطلبات علشان نطلع نجيبها وهو مطنش بس اقوله يتبسم ويقول بعدين لاخلص العيد اللحم بيشبعكم شهر ههههههههههههه
المهم شمرت يدي وسويت الكبسه وخساره ماصورتها بعد ماحطيتها بالصحن نسيت صورتها وهي بالقدر

وهذا صحن سلطتي سلطه خضراء عاديه

وهذا كوب الموكا قلت اروق عليه وانا اتصفح




طبعا طريقة الكبسه حقتي طبخت الدجاج بروحه مع اعواد قرفه وليمون اسود وثوم وزنجبيل ناعم وبعدها تبلته بهارات وكركم وكزبره وملح وملعقه من مايونيزبالفلفل الحار وقليته اما الكبسه حمست بصل مع ملح وماجي ابيض وكزبره واعواد قرفه وورق غاروبهارات غير مطحونه وبعدها صفيته وكبست الرز ويوم قرب يتشرب رشيت شوي من موية الكادي عليه تعطي طعم وريحه روعه وكشنته بمعكرونه مسلوقه وبصل مقلي وسلامتكم
دعواتكم لي

116 تعليق 13,792 مشاهدة

شاركي في النقاش

سجلي الدخول لإضافة تعليق.

التعليقات

116
  1. @am_aaadl_oaamr

    هذي السناعه ماشاء الله تسلم يديك
    الله يعوضك ولايحرمك ويعطيك حتى يرضيك
    امــــــــــــــــــــــــين

تابعي تجارب أخرى من هذا القسم.