تجمع الموقنات برحمة الله(خبرات متبادلة حول مراكز العقم في مصر)الجزء ال19

قريب يا دوعة ان شاء الله هتلاقي اليوم ده بين ايديكي

رب هب لي من لدنك ذرية طيبة انك سميع الدعاء
رب هب لي من الصالحين
رب لا تذرني فردا وانت خير الوارثين
رب اجعلني مقيم الصلاة ومن ذريتي ربنا وتقبل دعاء
ربنا هب لنا من ازواجنا وذرياتنا قرة اعين واجعلنا للمتقين اماما

الحمد لله رب العالمين

ألف مبروووووووووك لكوكر وعقبال باقى البنات يارب ... عقبالك يا زوزة عاجلا غير آجل ......

نادو حبيبتى يا ريت تطمنينا على اخبارك ناوية على ايه

أوشى متشكرة يا حبيبتى ربنا يباركلك فى كنزى وعبدالله وتشوفيهم عرايس وعرسان يارب

أزيك يا مهاميهو ... أخبارك ايه ... حتعملى السونار امتى؟؟

قوليلى يا مها انتى رجعتى كام جنين وكانوا من الدرجة الكام ...

سؤال كمان فيه اعراض معينة حسيتى بيها قبل التحليل ... انا عارفة ان الاعراض شىء مش أساسى ... بس دى بالنسبة ليا رابع عملية وكل مرة مافيش اعراض ... ممكن تدلينى

اولا انا كنت راجعة من الارجاع وما زالت بطني منتفخة جدا من ساعة السحب
وكنت باعمل حمام بصعوبة وبطني مليانة هوا
عبال ما فقت من الموضوع ده بعد يومين او تلاتة
بدا يجيني وجع الدورة
نغزة شديدة
وقلت عليه العوض ومنه العوض
مرضيتش اقول لجوزي
بس اخر اليوم مقدرتش امنع نفسي وقلتله ولحماتي ولماما
ووصيتهم يدعولي
ومكنش عندي نت عشان اشوف الناس بتقول ايه على الاعراض
تاني يوم(اللي هو كدة يبقى رابع يوم ارجاع)الوجع جه تاني
فساعتها انهرت وعيطت وقلت خلاص استناها تيجي

المهم فضلت استنى
وحماتي وماما قعدو يقولولي ده وجع ان شاء الله حمل وقعدو يهدوني
ساعتها اصريت على جوزي يصلح النت
وبصيت على اعراض بيقولوها البنات على الموضوع ده
فلقيت ان بنات بتقول على الوجع ده وانه ملوش علاقه بنجاح او فشل العملية
وفي بنات محسوش بيه خالص وتم حملهم بفضل الله
وبنات حسو بيه وبرضو نجحت بس بعدين سقطو
وناس تانية حسو بيه بس فشلت وربنا يعوض عليهم

المهم
نفسيتي هديت عن الاول
وقعدت احصن نفسي كل يوم

كان في ظاهرة برضو اللي هي نغزة في جنبي الشمال
ولحد النهاردة موجودة

كمان كنت باعمل حمام ميه كتير
ونبضي كان بيعلى من اي مجهود
لاني كنت راقدة طول الوقت

في اليومين الاخيرين
نزل دم بس قليل جدا
يعني لون احمر ملون بس مش زي الدورة خالص
وده حصل يومين ورا بعض واختفى بعدها