هذا من مساوئ السكن المشترك ..كل صغيره وكبيره محاسبه عليها .... الصراحه هي اللي تحزن ..مدري كيف تنازلت تسكن مع اهلك .لا وكمان مطبخ مشترك وفطور واحد قمة الاستعباد والجهل ... بمعنى استعباد للام اذا قعدت تسوي كل شي والاخت نايمه ... واستعباد لمرة اخوك اذا قعدت تكرف لهم والناس ماهمهم فيها وهو ولا حتى بيتها ....وبعدين انت اللي هو انتي بنتها ما اهتميتي بامك اجل ليه تحاسبين بنت الناس على الاهتمام بامك .. اذا انت فعلا ذربه وتعرفين السناعه وتعرفين الاصول ..واللي قاعده تحااسبين فيها خلق الله
كان حاولتي جاهدة انك تكونين عندها في ظرف زي كذا او تتفقين مع اخواتك تتناوبون عليها في الزيارات عشين تساعدونها او تعطينها شغالتك .. اما انك تفرضين على بنت الناس سلوك معين وتلزمينها بتصرفات معينه فهذي مي طريقه .اصلا تلقينها مقهوره كل شي تسويه تحت المجهر الصراحه ضغط نفسي ولا تحس بالامن ولا تحس انه بيتها اساسا
.. وبعدين وينه اخوك الطبل هذا ..مسوينه وسيلة قمع وارهاب للادميه ... هذا مو رجال ولا يستحق انه يكون زوج ولا هو قد المسؤوليه . المفروض انه يعرف كيف يرضي جميع الاطراف بتصرفات تنم حس المسؤوليه العالي ..والفكر النير .. يعني يرضي امه ويجيب لها شغاله او يتفق معاكم وقت الزنقات ..... او مايسمح اصلا ان امه تمر بظروف زي كذا او تكون محتاجه مساعدة لوحده زي كذا .. ويرضي ضميره من ناحية زوجته يخرجها من هذا البيت ويخليها في بيت لوحدها عشين تعرف راسها من كرياسها وتحس ان عندها بيت وانها مسؤوله وماتحس بالظلم ...وبعدها اذا قعدت مستمره على اخلاقها الجميله الرائعه هذي فتاكدي ان الرجال مايصبرون على وحده زي كذا عشين سواد عيونها .. لازم يكون راضي باي شكل م الاشكال ...انت بس استني لها شويه خليها تعدي الخط الاحمر .. وتشوفين العلوم كيف تصير
ادري ودك تكفخيني على كلامي واسلوبي ..بس كلامي ذحين مابتفهمينه .. لكن لاصارت عندك بنت وتزوجت واحد حاطها في بيت اهله وكل يوم تسمعين شكاوي بنتك بتفهمين وش قاعده اقول ..يعني تاكل بحساب وتنام بحساب وتغسل ملابسها بحساب وتنظف بيتها بحساب وتستقبل ضيوفها بحساب ولاهو حساب زوجها بس لا كمان امة محمد كلها ... وش رايك تجربين بنفسك السكن مع اهل زوجك .. اكيد راح تكون تجربه مريره بس بتفهمين فيها ليش مرة اخوك كذا ..
بعد الاسلوب الاقشر ؟غيرن الموجه وبلصقنه باخوي خوفا من!
متابعة النقاش، صفحة 3