في أحد ضحك او تطنز على (سمنتك ) او زيادة وزنك ؟؟

آمين بصحه وعافيه ان شاء الله :27:

مو استهزاء وتطنز إلا جرح وطعن والمشكله مايجي إلا من أغلى الناس؟ غريبه الدنيا أكثر ناس المفروض يحبونك هم أكثر ناس يجرحونك....
أنا داخله اليوم أبي أفضفض لقيت موضوعك يالله خليني آخذه متنفس لي إذا سمحتي...انا وزني فوق التسعين دايم بين التسعين والميه....وطولي 169 بس علشان تاخذين فكره عن شكلي.

أبوي كان مايعلق أبدا على الموضوع بس يعطي نصائح من فترة لفترة بس مرة من المرات كنت آكل في الصاله وأبوي دخل وقال لي رش رش ماسويتي ريجيم؟ قلت لا والله قال لي يعني شكلك عاجبك ألحين متى تبدين؟ بتظلين كذا؟.... الكلام اللي قاله بحد ذاته أمشيه عادي بس طريقته كان معصب ويهاوش تصدقين؟ يهاوشني لأني سمينه! وأنا ألحين عمري 24 مو صغيره كل ماتذكرت وجهه لما قال عاجبك شكلك؟ تجيني غصه وأحس قلبي يعورني مع أنه الكلام هذا صار من سنتين تقريبا!
أحسه بدا يفكر أنه من بيخطبها هذه أو يبيها شينه! علشان كذا صار يدقق. أصلا أنا من قبل الموقف ماأحب آكل قدامه لو تفاحه ماادري ليه استحي منه ألحين ماقدر آكل قدامه شي أخاف يقول لي كلمه تجرحني. مرتين بنات مايعرفونني يحسبوني حامل! دايما الناس يحسبوني حرمه كبيره مو بنت لسى..
طبعا لأني أبدا ريجيم وأخرب دايما أخواتي يتطنزون علي انتي بتقعدين دبه كذا عاجبك شكلك؟
أنا أحب اللبس والفاشن والمناكير والميكاب والشعر وأحب أكشخ بس دايما أطلع من البيت مو راضيه عن شكلي لانه اللبس غير لما تكونين سمينه أحس حياتي موقفه ماتمشي دايم أفكر بالزواج تدرين ليه؟ مابي اتزوج ماقدر اتقبل نفسي سمينه كيف افرضه على شخص ثاني بس ابي انخطب!!! علشان احس زي باقي البنات علشان احس اني مرغوب فيني مو اقبح مخلوقات العالم...علشان ماابغا اهلي يفكرون رش رش ليه محد تقدم لها للحين؟ أنا من النوع اللي اذا شفتيني ماتشوفيني الا مبتسمه بس من جوا عندي اكتئاب حاد أكره نفسي بعض الأحيان أفكر ودي أجرح نفسي أضربها أذبحهها الجروح اللي فيني مو من الناس مني انا اكثر شي.
اول كنت اذا فكرت في سمنتي ابكي الحين ماتنزل دموع ابغا اخفف عن نفسي بالبكا بس مو قادره ابكي مادري ليه!
صار لي احارب السمنه اكثر من عشر سنين تدرين ليه؟ لاني من كنت في الابتدائي وانا اسوي ريجيم واحس اني دبه مع انه كنت عاديه بس كنت اسمن من اللي حواليني كنت ابي اصير نحيفه مثلهم بس من دخلت دوامه الريجيم وانا اسمن زياده. اكره اروح عزايم مابي احد يشوفني اول مره يتعرف الا لو كنت نحيفه بس تحسبيني ابين كذا؟ لا والله اللي يعرفني يقول عني عادي انسانه مبسوطه. دايم افكر كيف ممكن يكون طعم الحياة بدون مايشغل جسمي تفكيري؟اعيش في عالم الخيال اكثر من الواقع سرحانه في عالم الاحلام افكر كيف حياتي لو كنت نحيفه وحلوه بشرتي مشدوده مافيني عيوب واضحه.
اكثر شخص اكرهه وحاقده عليه واتمنى له الموت هونفسي انا عارفه انا السبب وانا عارفه الحل بيدي لحد يقول لي هالكلام مليت منه بس صار لي 10 سنين احاول وافشل
الناس تعاملني كاني نصف انسانه علشاني سمينه مو وحده عندها مشاعر واحاسيس زي الغير
ودي اخفف العذاب النفسي اللي امر فيه بس مو عارفه كيف. ودي اصير شخص ثاني انسانه نحيف مره ماتشيل هم الشكل ابدا...
عسى ربي يغير حالي...

اوهوووو عدي واغلطي ..~
طبعا اول ناس كانو يجرحوني في الكلام اهلي في البيت هع ..~
اخوي الكبير دااااااااااايم ينكد على وقت الاكل .. ويقول لي مسستحيل
يجي احد يخطبك وانتي به السمن .. لو انا مسستحيل اخذ وحده دب زيك !!
ومره لابسه قميص عادي في البيت شوي اخوي الثاني يقلي مشاء الله وش خاطه في جيوبك
<<~. قصده ان عليك جوانب وش كبرها !!
وامي كل يوم وكل طلعه وكل منااسبه تعطيني محاااضره وش كبرها ع السمن ..~
دااايم يقوموني من فوق الغداء والعشاء .~
بس اليييييييييييوم بعد ما نحفت الحمد لله عرفت قيمة كلامهم .. هم خايفين علي وعلى مصلحتي
مبسوطين اليوم يوم يشوفوني البس زي ما ابي وكلي ثقه بنفسسسسي ..~
صدقوني اذا جات من الاهل فهو خووووف عليكي مو شششماته او اي شي ..~
صحيح الموضوع يجرح ويزعل .. بس اذا من اهلك حبا فيك ..~
بسسس الحمد لله تخلصت من ه السسمن وان شاء الله باقي القليل للوزن المثالي الله
ينحفني وينحفك من غير شر يااااااااااااارب ..~
واصصبري وششدي حيلك ..~

والله المواقف كثيرة ماتنعد على الاصابع
من ابوي وا خوي وامي وجدتي وكمان عماتي محد خلاني بحالي حتى بنات المدرسة والبزران
وانا لاحياة لمن تنادي جاني برود اعصاب وتطنيش حتى اني حسيت اني رشيقة وخفييفة
وحابة انصح خواتي الدبدوبات <<<ياكرهي لها الكلمة
انكم تحبون انفسكم وتعيشون معها بسلااااام وهي بدورها رح تساعدكم بتحقيق اهدافكم ان ماقسيتواا عليهااا
وربي يسلمكم~ــــــــــ^