تجمع الموقنات برحمة الله(خبرات متبادلة حول مراكز العقم في مصر)الجزء ال19

الف مبرووووك يا ام يوسف وربنا يباركلك فيه يا رب ويجعله ذرية طيبة صالحة

وكل سنة وانتي طيبة يا قمر وعيد سعيد

الله يبارك فيكي يا حبيبة قلبي يا رب
وربنا يجزيكي كل خير على كلامك اللي كله حب ده
وربنا يجعلني فعلا قريبة منه لان ده امنية حياتي
بس النفس والشيطان ربنا يكفينا شرهم بقى مش بيسيبو الواحد في حاله
وانتي كلامك صح جدا على الصدقة
ربنا يعينا على انفسنا ويكفينا شر البخل وحب الذات يا رب
ربنا يا رب يسعد قلبك ويرزقك بكل خير
والله يا رورو ما عارفة افرح مش عارفة ليه
ربنا يشيل عني الاحساس ده يا رب


كل سنة وانتي طيبة يا اودي
الله يبارك فيكي يا ام اياد يا رب
وربنا يتمملك حملك على خير ويرزقك بالاطفال اللي تتمنيهم ويسعدوكي دايما يا رب
انا بخير الحمد لله وربنا يخليكي ليا يا حبيبي يا رب متحرمش من سؤالك عليا ابدا
ان شاء الله فرجه قريب على شوشو وزينب وطمطم وماما وكللللللللللل البنات باذن الله
ربنا يهدينا ويعينا على الابتلاءات يا رب
دعواتكم معايا ان ربنا يرضى عني
اللهم عافنا ولا تبتلينا



الف حمد لله على سلامتك يا هدو وكل سنة وانتي طيبة يا حبيبتي وعيد سعيد
والله واحشاني كتييييييييييير
والف مبرووووووووووووك على النونو الجديد وبعد الشر عليكي يا حبيبتي من اي ظروف
ربنا يسهلك امورك يا رب ويبعد عنك كل شر
وابقي تعالي فضفضي معانا هنا
يمكن الواحد لما يفكر بصوت عالي الدنيا تبقى احسن




عثل عثل يا ناس
طب انا عايزة اظهر في الفيلم معاكو:39:


كل سنة وانتو جميعا طيبين
عيد سعيد

اهلا اهلا يا كوكار
الف حمد لله على السلامة يا ام كرمة
ربنا يباركلك فيها يا رب وعيد سعيييييييييييييييييييد

وانتى طيبة يا اوكسي يا قمر
وانا عند ماما كنت لسه بفكر فنفس الكلام وبقولها انى زي اليومين دول كنت مستنية معادى عند دكتور عادل عشان اشوف نهاية قصتى مع تأخر الحمل
والحمد لله انتهت احلى نهايه وربنا يكملى على خير
وعقبالك يا اوكسي يااااارب انتى دايما فبالى ولسه دعيالك النهارده فصلاة العيد
ربنا يتقبل دعايا وتنجح عمليتك المرة دى
بجد حتبقي فرحتى لاتوصف

ربنا يخليكى يا رورو وميحرمنيش منك ابدا
وربنا يباركلك فاولادك
انا كانت نفسيتى تعبانة من احداث بتحصل لغيري مش ليا
وانا بطبيعتى بتأثر جدا بالناس وبحط نفسي مكانهم
لكن اى حاجة بتحصلى ممكن ازعل شوية وبعدين اقول انفسي انتى اصلا ملكيش حق تزعلى
اكتر حاجة كانت منغصة عليا عيشتى خلاص راحت لحالها وربنا كرمنى بالحمل يبقي مش من حقي ازعل ولا انكد على نفسي وعلى اللى حواليا
بس الحمد لله اما غيرت جو شوية عند ماما نفسيتى ارتاحت
وفرحت جدا اما عرفت اخباركو الجميلة
ربنا يكتر من افراحنا

الله يسلمك يا دوعة
ومستنياكى تحصلينى
الفترة اللى فاتت مغبتيش عن بالى وكان نفسي اعرف اخبارك
واطمن عملتى ايه فالتنشيط
ربنا يفرحنا بيكى قريب يا دوعة