شاركي في النقاش

سجلي الدخول لإضافة تعليق.

التعليقات

421
  1. @shhoood

    صاحبة الموضوع
    اسفة اني تاخرت عليكم بس من جد انا كنت تعبانة يابنات الحمل متعبني

    والي فيني يكفيني اوقات من الهم حتى مالي نفس افتح النت

    المهم بكمللكم ...

    بنات انا والله احترت من كلامكم فيه حد يؤيد فكرت الطلاق وفيه

    بنات يرفضونها

    صدق الموضوع في النهايه يرجع لي انا

    بس والله انا مب قادرة اركز عدل ومب عارفة شوة الصح من الغلط

    ماقدر اتخذ شي واندم عليه لا بطلاقي ولا بقعدتي ...

    انا ممكن الي اشوفه غير عن الي تشوفونة انتوا ...

    ولان هذا الانسان اهو زوجي مب قادرة احكم نفسي ...

    اوقات اقول خلاص تعبت ,,, واوقات اقول بتحمل ممكن شي

    يصير وتتغير حياتي معاه ...

    مب قادرة احدد وين راحتي مب قااااااااااااااااااااادرة اعرف الطريق

    بس يابنات اسمعوا للنهاية كل التفاصيل النهائية ...

    وشوف وقولولي شوة اسوي اعرفوا ... كل شي وبعدين احكموا

    ممكن ماعرفتوا كل السالفه ,,,, الي يقولولي تطلقي او تمي معاه

    شوووووووووووووووووف الي يحصل الحين معاي وياه واحكمووووووووووا

    يابنات بعد ماعرس علي وعرفت اول شي سويته اني ماخليت اهلي يتدخلون

    بيني وبينه قلت حقهم انا بشوف اذا قصر معاي او اي شي بعدين تصرفوا

    المهم ماريد احد يتدخل الحين ... وكلهم ايدوني وقالولي ايلسي في بيتج

    ولا تطلعين ... ليش مادري ممكن يختصرون على نفسهم التعب وممكن

    يكون خوف علي من الطلاق مادري ....

    بس رفضت اي تدخل او حتى يفتحون لي هالموضوع

    والله حياتي يابنات عقب ماتزوج انقلبت كلها جحيم عقب ماكنت في راحة

    انحسد عليها وكنت واثقة من حبه لي ... الله يسامحه بهذي الحركة

    هد كل شي حلوو بيني وبينه حطم الحب الي كنت متصورتنه ان بالفعل حب

    حطم قلبي الله ينتقم من كل احد سعى بتحطيم حياتي .. وقمت اردد في نفسي

    هذا الانسان عمره ماحبني وانه كان يمثل الحب علي كذبت في نفسي

    كل الايام الي عشتها معاه .... ماقدرت اصدق كل كلمة يقولها لي ...

    حتى لو كانت صدق .. وانقلبت حياتي معاه الى مشاكل ... غيرررررررة

    قاتله حطمت حياتي ..... والسبب سوا تصرفه وضعف شخصيته

    بس الشي الغريب الي حصل معايه اني طول فترة زواجنا كنت اتمنى

    احمل وكنت اتمنى اييب عيال منه وكان اهو دايم يرفض ويقول بعد سنه

    لدرجة انه كان يرفض يقرب مني خوف من يحصل حمل توصل بالشهر واكثر

    كان يتجنبني وكنت اسئلة ليش تتصرف معاي جذية وكان يتعذر بالمشاكل

    الي تحصل بيننا طبعا هذا قبل مايعرس ... وفي نفس شهر العسل ...

    عرفت اني انا حامل مع اني ماتوقعت هالشي يحصل ابداااا

    انا ماكنت اخذ موانع بس دايم الهرمونات عندي متخربطة وعندي ورم في الغدة

    النخامية اهيه مسببه مشاكل الدورة وغير ... وهو يعرف اني مابحمل الا بعد علاج


    اول ماقلتله اني حامل ياررررربي كيف زعل وتفاجا ويلين الحين مابقادر يرضى

    بموضوع حملي ... وكنت اقوله اذا تبا تطلقني طلقني هب مشكله لا تفتكر الطفل

    بيرد الطلاق والا بيكون سبب

    بس يلين الحين انا مستغربه كيف حملت منه مع ام هذا الشي صعب وهو كان

    يتجنبني وااايد يعني نادرا وفي اوقات قليله بس ممكن هذا حصل في فترة تواجدي

    معاه يوم كنت اخذ دورة مكياج وكنا يالسين في الفندق شهر لان نفسيته تغيرت

    قبل العرس بشهر تقريبا المهم ماقدرت اتحمل بعد ماعرس علي مع اني كنت

    اقدر اضرة وخليه يدفعلي موخري وكنا كاتبين ورقه في المحكمة بان لو عرس علي

    او طلقني يدفعلي 200000 الف هذا كان ضمان عشان اهله يوم يدرون

    بس والله ماكان في بالي اني اشتري راحتي بفلوس مع ان اهله كانوا يقولون له

    باني ماريد منه غير فلوسه وسكتت عن الموضوع ولا حبيت المشاكل كل هذا

    لاني كنت احبه بس جد ماقدر حبي له وبدت المشاكل بيننا ,,,,,,,,,,,,,,,


    بداية المشااااااااااااااااااااااكل معه :

    1- تزوج بالديون وبسلفه من البنك ... عكس زواجي منه كان عنده رصيد في

    البنك وبعد زواجي منه كانت حالته المالية ممتازة عكس الحين تماما بعد زواجه

    الثاني الديون على راسه فوق وتحت .

    2- احساسي فيه بانه مب نادم على هالزواج وانه ممكن باردته تزوج
    علي يعني عمره ماقالي انه نادم او حسيت بعيونه هالنظرة وهذا الي خلاني
    انقهر منه اكثر ... الي متزوج غصبا عنه بتحس فيه .

    3- اول ماتزوج راح وعمل الها خلاص القيد وسجلها معاه وراح اتملها
    كل اجراءات الجامعة وخلص كل اوراقها .

    4- كان يصرف عليها ومارضى يحسسها بانه مديون صدق ماكان يصرف
    عليها الشي الكثير بس بلي يتوفر معاه كان يعطيها.

    5- حسيت انه يخاف عليها اكثر مني ويداري احساسها وكان متفق معاي انه
    يخبرها عني وفي النهايه قالي انه مايقدر يخبرها في الوقت الحالي لان تو الناس.

    6- كان حاط شيك بدون رصيد في البنك عشان ياخذ سلفه للعرس وموعد سداده
    بعد شهرين من العرس وماقدر يسدد وكان اخوه كفيله في البنك قام يهدده اذا ما
    تصرف راح يسوى له مشاكل

    7- عجز عجز تام انه يصرف علي وعلى بيتي لان الديون تراكمت على راسه
    واصبحت انا اصرف عليه وعلى نفسي وبيتي لان انا عندي دخل بس مب ثابت

    8- كنت اعطيه مصروف عشانه وعشان خلاص البنك قام يسحب كل راتبه
    وكانت اعطيه بلي يكون عندي وتخيلوا شوة يسوي كان يروح يعطيه حرمته
    ويصرفه على ارصدة للتلفون له ولها وانا اوقات يتوفرن لي الفلوس واوقات
    والله بطلعت الروح ويوم القى فلوس اخليهن له عشان يروح الدوام لان دوامه في منطقه بعيدة عني وعن حرمته الثانية وهو يلعب فيهم ولا يفكر حتى كيف انا اييب
    هالفلوس .

    9- ماكان يهتم باموري كثر امورها وكنت اقوله ليش تعاملني جذيه وليش ماتهتم
    فيني كثرها .. كان يرد علي ويقولي انتي انسانه عاقله وتقدرين تخلصين امورج
    وانتي فاهمة الدنيا بس اهيه ماعندها حد يساعدها .. غيري لان اهلها بمنطقه
    ثانيه وهي عمرها ماطلعت من البيت مع احد ومستحيل البنت تطلع مع احد غير
    زوجها يوم تتزوج عندنا.. وعشان اهلها مايتكلمون علي .. واهلي بعد .. لانها بنت عم ابوه اهيه من اهلهم وهيه ماعندها كثر ماعندج انتي اشغالج وايد بس اهيه اشياء بسيطة عادية وسهله عكسج .

    10- عشان مينحبس وينسجن عشان الشيك ويوم كل الناس تخلت عنه حتى ابوة واخوة واهله رحت انا ورهنت سيارتي الخاصه الي ماخذتنها من فلوسي يوم كنت اشتغل رهنتها للبنك واخذت قرض وسددت الشيك الي كان عليها وارتهنت سيارتي
    لصالح البنك الين يخلص الاقساط الي عليها بس اهو الي يدفع عنهم الحين بس
    انقذته بهالحركة ووقفت عنده ونسى هالشي .

    11- موضوع الحمل مارضى يتاقلم عليه ويتضايق يوم اكلمه عن هذا الموضوع
    ويتعذر بان اهو ماكان ودة انا نييب عيال الحين عشان مسئوليته صعبه وهو ماخذ
    راحته معاي واني بكون ثقيله في روحاتي وطلعاتي معاه وهو تعب من كثر مايربي
    اخوانه وخذ موقف انه ماييب عيال الين كم سنه حتى مع الثانية بس الثانيه اهي الي ماتبي الحين عشان تخلص الجامعة . بس يحلفلي انه اهو الي قايل الها وهي بعد رضت .

    يابنات وايد مشاكل بس مابي اقولها وقلت المهمات منهن ...

    الحين حياتي معاه كل يوم في مشاكل بسبب غيرتي يوم يروح هناك احس انه

    يستغلني وانه مايحبني وانه لقى البنت الي تناسبه .......

    لقي وحدة تناسبه اصغر منه حرمتة اليديدة عمرها 17 ويقولي انتي عنيده بس

    اهيه ماتخالفني في شي ويقول انه يحس معاها انه اهو الي يتصرف وان الكلمة

    كلمته اهو عكس مايمون معاي يقولي انتي دايم تخالفيني ودايم تخلقين المشاكل

    وكل ما ايي عندج ماتتكلمين الا عنها او عن مشكله ودايم زعلانة ومتضايقة

    وكنتي اول تتعدلين وتهتمين بنفسج ام الحين شوفي عمرج وحالج وش صرتي

    اتقولين انت متتقرب لي وانتي حتى نفسج ماتهتمين فيها اهيه عكسج تماما

    انا كل ما ايي عندها دايم متعدله ومتمكيجه وتستقبلني بابتسامه بس مشكلتها

    تاكل واااايد هههههههه وتطلب وااايد ...... هذا الي يخليني انفر منج ...

    يابنات كيف اتعدل له وهو كل ماقوله عن شي يماطل في الكلام ويوم اكلمة

    عن الجنسية خلاص القيد يتضايق ويتنرفز ويتم جذيه ويروح يشوف التلفزيون

    كيف اقدر اتعدله وانا عارفه ان في قلبه غيري ويحبها مثل مايحبني او اكثر

    هذا اذا تم فيه حب مشكلتي معاه اني انا الي اتحمل كل مشاكله مع اهله وانا

    ادفع الثمن وهم مرتاحين اهيه ماتعرف من وين يصرف عليها اما انا اتقاسم

    معاه الفلس واوقات اخلي نفسي وابديه اهو ...

    انا تعبت معاه ماقدرت اتاقلم في هذا الوضع اهيه مرتاحة معاه وانا يحترق

    قلبي هنيه ... والله اتوقع ان اهله في اي لحظة يدرون ويقولوله يطلقني وهو

    ضعيف وبلا شخصيه جدامهم ممكن يتخلى عني ولا يزعلها ...

    انا مادري ممكن انا حاطة عليه وااايد ومتحسسه منه وايد ومن حرمته

    ومب قادرة اشوف الجانب الاخر من شخصيته مع كثر اعيوبه ... بس فيه اشياء

    زينه وايد بس ممكن انا مب قادرة اوزن نفسي وحياتي عدل,,,,,,,,,

    انا قلت عيوبة بس ماقلت وجهه الثاني .... برجعلكم بس برتاح شي
  2. حبيبتي
    الحل بيدج انتي وبس
    ياترضين وتعجبج هالعيشه
    ةتعيشين وتتحملين
    وحطي باعتبارك ان الوضوع ممكن يسوء اكثر
    ياتشترين روحك وكرامتك وتتركينه
    وانا قلتلك من قبل
    حطي امام الامر الواقع
    ياايضيفج بالقيد مثل الثانيه
    ويخبر اهله
    ولا كل واحد من طريج
    وهني بيبين قدرج عنده
    وربي يعينج ويصبرج :(
  3. @shtha_alorod_2

    أختي شهوده قسم بالله قهرتيني الحين يتزوج عليك ويسجلها على طول في القيد وأنتي يماطل فيك وتروحين تساعدينه وتوقفين معاه والله لو انا منك كان بالطقاق اللي يطقه هو واياها والله ماارهن سيارتي ولا اعطيه ريال واحد وخليه يصير رجال ويتصرف مثل الرجال ولو مره وحده بحياته وخلي اهله اللي يطيعهم ويسمع كلامهم ينفعونه ويحلون مشاكله ..

    المهم ماأنصحك بعد هذا كله أنك تتطلقين خصوصا وأنك حامل أنتي بس أضمني حقك معاه يعني خليه يعدل بينكم ويصرف عليك كثر مايصرف عليها يعني العدل مطلوب وذكريه بحديث الرسول بأن اللي مايعدل يجي يوم القيامه وشقه مائل .. ولا عاد تتصرفين معاه كأنك أمه ..الا اهتمي بعمرك وتدلعي وتلبسي واطلعي وخليه آخر همك وأهم شي التفتي لمستقبلك يعني دراستك واشغلي وقتك قد ماتقدرين عشان ماتفكرين فيهم واحذري وانتبهي من نقطه مهمه جدااااااااااا
    لاجا عندك لاتجيبين طاريها ابد ابد وخلي موضوعها آخر همك (أدري أنها صعبه بس أستحملي عشان مصلحتك) لأن الرجال اللي عنده حرمتين بينه وبين نفسه يقارن بينهم من ناحية المعامله وهي علشانها مادرت عن سماك مريحته من هالناحية.. وخليك قويه ولاتتعلقين فيه كثير يعني عامليه بمايرضي الله لاتقصرين معاه في حقوقه وبنفس الوقت لاتقصرين على نفسك علشانه أبد أنتبهي لنفسك وحطي ببالك إن الرجال ماتنفع معاهم الا الأنانيه يعني بدي نفسك عليه وأنتي منتي بملزومه فيه أبد ألا هو الملزوم فيك ومن ناحية أهله وانهم مايدرون عن زواجكم لاتخافين لازم يجي يوم ويدرون وخصوصا أنك حامل الحين مايقدرون يسوون شي ولا يخلونه يطلقك لأن اللي في بطنك محسوب عليهم ..وأخيرا ماأقول ألا الله يحنن قلبه ويوفقك يارب ويرزقك بالذريه الصالحه اللي تملا عليك حياتك ياااااااارب..
  4. @rosee

    لا تطلقين نصيحه

    شوفي بشو يامر فيه ربج


    واستخيري خلي عنج كل اللي ينصحونج

    اهم شي الاستخاره
  5. @rosee

    لا تطلقين نصيحه

    شوفي بشو يامر فيه ربج


    واستخيري خلي عنج كل اللي ينصحونج

    اهم شي الاستخاره

تابعي تجارب أخرى من هذا القسم.