أشك ان ام زوجي ماتصلي

قد يحتوي هذا الموضوع على محتوى غير مناسب. عرض الموضوع
السلام عليكم

بنات لي فتره وانا متضايقه وابي مشورتكم
انا وحده لي 9 سنوات متزوجه وكل اموري تمام والحمد لله
المشكله مو فيني المشكله في ام زوجي ماعمري شفتها تصلي هي مره حبوبه وتحط على الجرح يبرى
الكل يحبها ولسانها يقطر عسل وتموت فيني
بس المشكله اني ماعمري شفتها تصلي ولا عمره حثت عياله على الحج والعمره ولاتجيب طاري الصلاة بشي
اكيد بتقولون انتي ماسكنتي معها عشان تعرفين بقولكم صح بس انا كل يوم اربعاء نكون عندهم من العصر الى 12 باليل ماتتحرك من مكانها الا تروح للحمام وبس
وايام الشتاء نطلع مخيمات من الظهر الى 2 باليل ماعمري شفتها تصلي بس قاعده هي ماشاءالله لها 7 بنات معقوله مالاحظو
انا مااكفرها واتمنى اني اكون ماالاحظ او هي تصلي وانا ماادري بس انا ملاحظه ومتاكده مره بس الله لايحط بذمتي شي

وفي مره كنت توي جايه لم اهل زوجي والاقي عمي اللي هو ابو زوجي عند الباب بيروح يصلي
واسلم عليه وقوله وشلونك طيب يقولي يابنيتي مانب طيب عندي هالمره غاثتن انا ماابي منها شي
ماابي منها الا انها تصلي قسم بالله يابنات كأنه احد كب علي موية حاااااااااااره تفاجأة ماقدرت اتكلم ولااقول شي
وهو راح يصلي وخلاني
دخلت عليهم وانا منصدمه يعني شكوكي اكيد في محلاها

فابي مشورتكم وش اشوي مقدر اقول لزوجي وش اقول له امك ماتصلي الصراحه قويه ولااقدر اقول لخواته بعد
مهما كان انا مرة اخوهم وانتم ابخص مع انهم يموتون فيني بس صعبه

لو افكر احط عندها شريط عن الصلاة اصلا هي ماتحب المسجل ولاعمري شفته تفتحه
وش رايكم بكلامي معقوله اكون انا اتوهم ولا وش السالفه ساعدوني اخاف تموت وهي ماتصلي !

62 تعليق 7,763 مشاهدة

شاركي في النقاش

سجلي الدخول لإضافة تعليق.

التعليقات

61
  1. @ampttraamp

    الله يهديناويهدي الجميع
    شوفي يااختي اذاكنت عندهم اطلبي منهم انكم تصلون جماعه
    وانت ماشاء الله بتجلسين مدة طويلة يعني بتصلين اكثرمن صلاة
    وحاولي انك اذاقعدت معهم احكي لهم عن الصلاة وذكريهم بها
    وكمان قولي انك مثلالواخرتي الصلاة عن وقتهابتشعرين بالضيق وعدم البركة في الوقت فمابالك باللي يتركها
    وادعي لها
  2. @smraaa_gd_ghyr

    الحمد لله -والله يهديها
    اذا اذن وانتو تسولفون قولى يالله كلنا نقوم نصلى جماعه
    واذكرى من ضمن السوالف الناس اللى ماتت واهى ماتصلى
    وجيبى شريط عن الصلاة وعقوبه تاركها يعنى انكم بتسمعون جمييع

تابعي تجارب أخرى من هذا القسم.