بسم الله الرحمن الرحيم
مساكم الله بالخير والمسرات ياأحلى بنات..
اليوم حبيت اكتب لكم قصة ولادتي زي ماوعدتكم قبل اسبوعين وأكتب الخبرات اللي اكتسبتها عشان يستفيدون مني كل الكروشات وخاصة البكريات اللي زيي لأنهم ماعندهم خبره بهالأمور،وكمان عشان تتسلوا مع حكايتي،،
طبعا ياعسولات أنا بكرية وكانت هذي اول ولادة ، وخلال الحمل الحمدلله أموري كانت تمام ماكان عندي اي مشاكل صحية ولله الحمد، وحتى البيبي كان راسة تحت من الشهر الثالث الين ولدت سبحان الله، وكنت جدا مبسوطة ومتفائله وكمان زوجي ، وبالرغم من كلام اختي واقاربي ان الولادة مسلسل رعب الا اني كنت مقرره ماأسمع كلام أحد ولا أعطي أحد مجال انه يحاربني نفسيا لأن الراحة النفسيه مهمه للحامل ،وكنت داااااايما اخلي اذن من طين واذن من عجين واطنش كل حكيهم "يووووووه الله يعييييييييييييينك على الولادة.."يااااا الله ذكرتيني بولادتي شفت المووووووووووووووووووت".."دخلتي التاسع الله يعينك قرب مسلسل الرعب"..
"يوووه ونا اولد شفت الدم ينضخ لدرجة انه وصل على باب الغرفة بغيت امووووت"..
ومن هالكلام المرعب اكثر من الولادة نفسها..الله يسامحهم بس وربي ان اختي الكبيره كل ماشافتني تحاول تخوفني اكثر لدرجة انها تكذب علي في بعض الامور مدري ليه كانت تسوي كذا!!
تخيلوا انها تقول ان "اذا جو يفتحون كيس المويه تحسين بسكين تدخل قلبك".. وأنا>>>> :o من الرعب..
وللأسف طلع كلامها غلط انا لما فتحوا علي الكيس وربي ألم عااااااادي جدا مو زي ماقالت لي..
لا وتقول لي بعد"الله يعينك على فحص عنق الرحم الم فظيييييييييييييع انا بغيت امووووووووووت"
وطبعا أنا>>>:06: من الخووف،، لكن والله العظيم انه مو زي ماحكت صح فيه ألم بس محتمل أهم شي تكوني ريلااااااااااااكس وتاخذي نفس عميق أثناء الفحص وماتشدي وصدقيني مارح تحسي الا بشي بسيييييييط.
وكمان لما قلت لها اني بركب لولب بعد الولادة وكنت بستشيرها بحكم انها مركبته ثلال مرات قالت لي:"يووووووووووه الله يعيييينك يموت من الألم تخيلي يسحبون الرحم الين يطلع برا بحديدة ويربطونه بحلقة ويفكونه ويرجع بقوه زي المطاط" وطبعا انا نفس الشي >>>>> :icon810:
ولما سألت ماما لأنها ركبته قبل قالت لااااااااوالله انها كذابه :mad:
بالعكس والله انه بسييييييط تدخل الدكتوره حديده نحييييفة داخل وتربط عنق الرحم في اقل من دقيقه وتقول لك خلاص خلصنا ولا تحسين بشي ابد،،
والله يابنات اني استغرب منها ليش كانت تقول لي كذا ؟؟ ليش تتعمد تخوفني!! هذا بدل ماتحاول تطمني وتهدي نفسيتي!
وفوق كل هذا يوم ولدت بنت خالتي جت تقول لي كلمت ريم وسألتها عن الولاده قالت شفت المووووووووت .. ياويلكككككككككك قربت ولادتك..
قلت لها:عادي انا الحمدلله مو خايفة الحمدلله الحين صار فيه ابرة عضل وكمام وابرة ظهر كل انواع المسكنات ليش اخاف!!
قالت لي:انتي تحاولين تطمنين نفسك :icon31:
قلت: لا ما اطمن نفسي بس انا الحمدلله احس براحة نفسيه ومااحس بخوف <<<<كذاابه طبعا بس مابيها تشمت فيني اذا شافتني خايفة خخخخ
والله اني كنت مطمنه بس هي اللي زرعت فيني الخووووف ولا ادري ليه سوت كذا ..
وبعد اسبوعين رحت ازور ريم بنت خالتي مع اختي وماما وقالت لي ترى لا تصدقين كلام الناس اللي يخوفونك من الولادة والله انها عاااادي مو زي ماتوقعت على كلامهم وربي انهم يباااااااالغوووون لاتسمعين كلام احد..واطالع وجة اختي واشوفة يصير الوان .. تخيلوا يابنااات
المهم يابنات مالكم بالطويييله<<<<<<<<<< كل ذا وتقولين مالكم بالطويله :024:
طبعا ياسادة ياكرام دخلت التاسع وانا كل يوم اقول اليوم الولادة لكن "مافيش فايدة"
واول مايجيني الم بسيط اقول لزوجي "ااااه احس بطلق شكلي بولد" يقول والله ماظنتي ليلك طويييييل..
وانا انقهر منه واقول طييييب تشوف .. خخخخخخخخخخخ
واروح اشرب من هالخرابيط اللي اقراها بالمنتدى قرفة ،زعفران ، يانسون، كمون، حلبة بالعسل، شمر، وامشي وامشي ............... ولا من مجيب
وعلى هالحاله اليييييين عوشرت .. وبدأت حالتي النفسيه تسوء أكثر من الم الظهر وألم تحت الصدر أحس البيبي يرفسني بالقفص الصدري خخخخخ
واروح للدكتوره قلت ها بشري يادكتوره .....:35:
قالت ماحولك احد .. مستحييييييييييييييييييييل لالا ابي امي ابي ابوي ابي اولد..خخخخخ
قالت بسوي لك تحريض ، ووقتها كان الرحم فاتح 1 ونص تقريبا..
واروح البيت انتظر الطلق وانتظر وعااااادي ماكأنها حرضتني وبعد ثلاث ايام اروح لها ومعي شنطة الولادة<<<<<<ناااوية شر :baby2:
وادخل ويسوون لي خطيط قالت فيه طلق ،،،، قلت لها بسيط ؟؟ قالت لا وسط
لكن بسوي لك تحريض مره ثانيه ..
قلت لالا ماااااابي ابي اووووووولد اليوم خلاااااص ابي طلق صناعي يادكتوره :icon33:"وكانت ذي اكبر غللللطة"
قالت يعني خلاص مافيك صبر؟؟ قلت ايه مافيني صبر تعبت من الثقل والوجع.. قالت طيب خلاص الحين بيودونك غرفتك وبعدها ****لله بنعطيك الطلق ، قلت طيب وبالنسبه لإبرة الظهر أنا ابيها..
قالت اوكي بنسوي لك تحليل بسيط عشانها و****لله بتاخذينها،
طبعا ياكروشات لازم تطلبون الابره من بدري اذا تبونها عشان يجهزونها ويسوون لك تحليل، مو في الوقت الضائع مع شدة الطلق تقولين ابي ابره ماينفع لانهم مارح يعطونك اياها"
المهم وأخل الغرفة ويغيرون ملابسي وبعد ساعتين تقريبا جو عطوني التحميله وكانت الساعة 4ونص العصر..
"طبعا للي مايعرفون .. الطلق الصناعي عباره عن برواز فيه مادة سائله تحقن حول عنق الرحم عن طريق المهبل وتسمى تحميله"
وحطوا لي جهاز يقيس نبض الجنين وقوة الانقباضات "الطلق"، وعطوني مغذي وخلوني تحت المراقبه ..
وبعد عشر دقايق بدا طلق قوووي فجأه وصار يشتد بسرعة وانا اشتكي لزوجي من الالم وانادي الممرضات واقول لهم يقولون كويس!! قلت لا مو كويس انا تعبانه اكيد عنق الرحم وصل تسعة اقل شي يقولون لا لسى بدري قلت بس الالم شدييييييد ومتقارب اااااااه اكيد اني بولد الحين :06: وهم يضحكون قالوا لااااااا لسى بدري ..
وانا اعصب قلت ارجوكم افحصوا تأكدوا ............ قالوا بعد ساعتين نفحص
لاااااااا ياربي ساعتين !!1شكلي بولد وهم ماتأكدوا ياااااااااربي.. وأجلس ع هالحاله الين الساعة 8 تقريبا ونا أتألم وزوجي عندي راحمني مرررره وابكي ويقول عادي ابكي خذي راحتك ويشتد بكاااااي<< ماصدقت على الله
خخخخخ..وفجأه حصل اللي مو بالحسبان ...................
بدأ نبض الجنين يقل بسرعة الين وصل 60 بعد ماكان 180 وهنا زوجي انفجع "طبعا زوجي دكتور وعندة خبره بهالامور" ويرتبك زوجي ويكلم الممرضات ويجون وقال لهم وهو خاااااااايف قالوا يمكن الجهاز تحرك ويجون يحركون الجهاز يحاولون يعدلون مكانه وللأسف النبض زي ماهو ويخافون الممرضات ويكلمون الدكتوره ساره وجت الدكتوره وشافتني وانفجعت وعطتني كمام اكسجين قالت شمي خذي نفس خذي نفس وقلبتني ع الجنب الايسر
وكلمت الدكتوره فايزه وانا صرت ابكي من الخوف ع البيبي والله نسيت الالم وما صرت اتذكر الا البيبي اللي حملته فبطني وتعلقت فيه وحسيت بحركاته وانتظرته بشووووووووق .. خفت يصير له شي وافقده وصرت اببببببببكي بحرقة وهي تقول خذي نفس واحاول اتنفس وانا ابكي ويكلمون دكتورتي" الدكتوره فايزه" وتجي تشوف وحاولت تطمنا لكن الخوف كان واضح عليها وقاسوا عنق الرحم لقوه 2 سم قالت لهم نزلوها غرفة الولادة وكانت الساعة 8 ونص ليلا..
وشالوني ع كرسي متحرك وودوني لغرفة الولادة وحطوا لي الجهاز والمغذي مره ثانية وجوني القابلات قالوا لازم ننزل المويه عشان شوف الجنين تبرز ولالا قلت اخاف البيبي يصير له شي ، قالوا هذي اوامر الدكتوره فايزه
وفعلا نزلوا المويه وللأسف كان الجنين متبرز فيها..
يتتبببببببع
شاركي في النقاش
سجلي الدخول لإضافة تعليق.
التعليقات
130- الحمدلله على سلامتك كملي انتظرك
- حراااااااااام عليك داخلة جو وبقوة مع مسلسل الرعب
بس اختك الصراحة بطلة المسلسل ههههههههههه
كملي بسرعه اخاف اولد وانا ماعرفت قصتك
دخل التاسع اليوم الله يسهل - ياربي لاتطولي علينا < خفت عليكـ وعلى البيبي
اما اختكـ فكانت تسوي كل هذا لصالحكـ تبغا تهول الامور وتكبرها عشان تقدري تتحملي كل الي يصير لكـ
واللهـ اختكـ تحبكـ بقوهـ ونشميهـ - الحمدلله على السلامه
ننتضرك - وين البقيه
مواضيع مشابهة
تابعي تجارب أخرى من هذا القسم.