السلام عليكم يابنات حواء
كل عام وانتم الى الرحمن اقرب
انامن تزوجت اعاني من زوجي
زوجي ولد خالي كنا زي اي اثنين متعلقين ببعض
زوجي مساعد طبيب اسنان بالمستشفى
وهو دايم شكله جذاب وفيه حب التزيين وتعرفون بنات الطب كلام معسول وسوالف وانا انجنيت ابكي وقلبي محروق حاولت اكلمه مايعطيني وجه طول وقته يانايم ياطالع يا في الدوام
جيت يوم من الايام بالليل وانا نايمه صحيت وهو يكلم بالمجلس وحده يقول لها ياحبيبتي ياعمري والله يابنات حاسه طعنات بقلبي
عمري ماحسيت معه بالحنان عمري عمري ماحسيت بوجوده بحياتي
حتى لما اتعب وامرض
مايجي معي المستوصف ولادخلني المستشفى اللي يشتغل فيه السعودي الالماني
كل اخواته وزوجة اخوه وامه وابوه حاط لهم كرت وملف مجاني وانا لا اروح مستوصف اي كلام وبفلوسي بعد مايدفع شيء
انحرق قلبي
تألمت وتعبت ارتفع الهرمون الحليب عندي من كثر ما ابكي كل يوم حتى العيد بكيت لين مت من التعب ولاهو حاس ولافكر يجلس معي يشوف انا وش ابغى
بنات والله انا احس اني مو زوجته احسه يعتبرني خدامته كلمت ابوي واهلي وامي كلموه كلمته جدتي بس مافيه فايده يطلع من اول الصباح الى اخر الليل مايجي الا وقت النوم
والله يابنات انا ماقصرت معه
لا اكله ولاشربه ولا اهتمام بالبيت ولابنفسي وكل مره ابغى افاجاه واصلح جو حلو مايعجبه
ويدخل ينام
هو كانت متعلق فيني بعدين صار يتهرب ومايطيق يشوفني
بنات من جو اهله انكسر ظهري احط واطبخ انا لوحدي وما اتحمل بنيتي ضعيفه ومع ذلك ابد
ابوه شرى عقد لأمه واخواته ومرت اخووووه الثانيه ولاهو مفكر حتى يطيب خاطري بشيء
ومع ذلك اقول معليش يمكن نسى او شيء زي كيذا لكن ابوه يكره ابوي وهو اهلي مايعطيهم وجه بنات انا تعبت وانا اتحمل واسكت ومع اعلم احد
واخرتها ارتفاع هرمون الحليب عندي وماعندي اطفال
من القهر الدكتوره تقولي نفسيتك عدم وش اسوي طول وقتي وانا محبوسه
بنات والله اني ماخليت شيء الا وسويته
ومايعطيني اي اهتمام والله لو اموت ماحن قلبه علي ولافكر وكل مره اقوله انا اروح مستوصف وتعبت غالي علي حطني عندك يقول لاه مافيه
ماحطيت امي احطك انتي وهو كذاب حاط كل اهله بالاضافه لمرت اخوه قالت لي وسويت كني عارفه عشان ما اتفشل وانا محرووووووووووووق قلبي
وكل مره يدقني بالكلام واتحمل قدام اهله لاني احبه وماتخيلت يوم من الايام اني اكره
اعطوني حلول
تكفون ادعوا لي ربي يحنن قلبه علي
شاركي في النقاش
سجلي الدخول لإضافة تعليق.
التعليقات
52- يمكن عين ارقي نفسك
والله يفرجها عليك
روحي عند اهلك واجلسي لك فترره طويله شوي ريحي وصفي بالك - الله يفرج همك هالازواج
مادري شفيهم - اللع يفرج همك ويسخرلك زوجك ياااااااارب ويحنن قلبه عليك
- اجلسي معه وتفاهمي معه هو عنده استعداد انه يتحمل مسؤليتك ويحترمك اهلا وسهلا هو يقول لا قولي له امساك بمعروف او تسريح باحسان وانتي عليك بالدعاء واصدقه والاستغفار الله يسخره لك
- يااختي دلع الورد اصبري ووكلي امرك لله وبعدين ولد خالتك لحمك ودمك وصدقيني مايرضى عليك بس شكله يهتم بدوامه ومعطيه كل وقته وانا عارفه اكيد فيه بنات يثيرون اهتمامه واكيد يحاولن يكسبن وده بس صدقيني بيرجع لك مسألة وقت مهما كان فطرته سليمه ويخاف الله بس الشيطان شاطر لاتهتمين كثير ولا تعبين نفسيتك ريحي بالك واشري دماغك على قولة المصريين طنشي وسوي نفسك عادي وقولي وش اخبار الدوام كيف امورك انشأالله تمام واهتمي بنفسك وتعالجي واحملي صدقيني بيتغير ويحس بمسؤليه صدقيني الطلاق والهروب ماهو حل لازم نكون قويات ونواجه المتاعب صدقيني الدنيا ماهي سهله يبيلها صبر حتى نرتاح والله يكون في عونك ونصيحه خليك صامده وقويه
مواضيع مشابهة
تابعي تجارب أخرى من هذا القسم.