اللي عندها طفلين او اكثر وما عندها شغالة تدخل هنا ابغاها ضروري

23 نوفمبر 2010

السـلام عليكم
شوفي يالغلا وربي أن التعب أهوووون بكثير من الشغالات وغثاهم
اليوم أنتي جبتي شغاله زينه بكره شوفي وش اللي بجيك لا والمشكله شاطرين
يجلسون لين تنتهي مدة التجربه ولين يصير لهم سته أوثمانية شهور وأما يهجون أو يقولون بنسافر
وراحت عليك العشره الاف بلاش وهذا غير خسايرهم أول مايجون
أسمعي يالغلا وربي أنتي تحمدين الله أنه فكك منها ومن غثاها لايغرك طيبها أكيد مرتاحه من شي عندك
وربي مالهم أمان بقوه أن صارت طيبه تعرفين أن وراها بلا وأن أستلعنت يعني تبي تغير البيت
تدرين يالغلا قولي الحمدلله أن ربي عطاك الصحه والعافيه ترى غيرك مايملك من الصحه ألا القليل وينجبر على جيبت الشغاله تذكري أمك كيف كانت تقسم وقتها بينكم وأنتم الصغار وبين بيتها وكان أول مافيه مثل الان غساله كهربائيه ومكنسه كهربائيه وكثير الدوات الكهربائيه وأن كان أمك حصلت على كل هذا فسألي أمك كيف كان حال أمها وأكيد أنها ماكان عندها ثنين من الأطفال كان عندها سبعه ثمانيه ويمكن عشره
ياخواتي أحمدو الله على هالنعمه اللي أنتم فيها ترى النعمه زواله والخدم عمرهم ماصاروا نعمه ألا نقمه
ومامنهم ألا الخساير وقلة الراحه طول ماهي عندك وأنتي في قلق وخوف ورعب على نفسك وعلى أولادك
وييتك ليش كل هذا أجلبه النفسي وأنا قادره على ييتي وشغلي الخدام تعلمك وتعودك على الكسل أختي الحبيبه أطردي الكسل منك وأقرئي الأدعيه وأذكري الله دائمآ وقسمي وقتك بين يتك وأبنائك
مثلآ أول ماتصحين من نومك أدهني شعرك وجسمك وخليه و الغسيل خصصي له يوم مثلآ من الصباح حين تصحين من نومك وبعد ماتدهنين شعرك بأي زيت وتدهنين جسمك بأي خلطه عندك جهزي الغسيل وأبتدي بالأبيض وحطيه بالغساله
وروحي طلعي أدامك لحمه أو دجاجه وروحي رتبي الغرف وكنسيها ومسحيها
وأرجعي للغسيل طلعيه ونشفيه وأنشريه وحطي الكميه الثانيه من الملابس الملونه
وروحي للمطبخ وجهزي البصل والطمام حق الغدى وجهزيه لحين وقت الطبخ ونظفي المطبخ كله
وجهزي فطور أولادك وخليه على الطاوله حتى يصحون وأرجعي للغساله وطلعي الملابس منها
ونشفيها وأنشريها ونظفي الحمام بعدك وعطريه وأرجعي لحمام الرجال ونظفيه وعطريه وأذا صحيوا أولادك فطريهم وأكليهم كويس وأفطري معهم دهني شعورهم وأجسامهم
وشغلي التلفزيون لهم والصغير اللي عندك حطيه بجلاسته وروحي للمطبخ وصلحي الغدى وجهزي السلطه وحطيها بثلاجه بدون ملح حتى لايذوب الطماط يكون الوقت تقريبآ وحده الظهر أنتي وسرعتك وأول ماتطفي عن الغدى جهزي
ملابس لأولادك ولك وأدخلي الحمام عزكم الله وتسبحي أنتي وياهم ولبسيهم وجهزيهم وخليهم عندك في الغرفه
وبدأي بنفسك تلبسي وتشيكي وتعطري يكون الساعه وصلت من ثنتين الى ثنتين ونص
يكون زوجك قرب يجي شغلي البخور وعطري البيت كله وجهزي السفره المويه والعصيروسلطه
وأول مايجي زوجك أستقبليه أحلا أستقبال البيت نظيف وريحته تهبل وأطفالك نظيفين وغداك جاهز
وأول ماتغدينه ويروح ينام أو يجلس يطالع التلفزيون أنتي غسلي صحون الغدى وجيبي له الشاهي أذا كان من النوع اللي يحب الشاهي بعد الغدى وأذا كان زوجك من النوع اللي يطلع العصر تكون فرصتك في الكوي تجلسين تكوين الملابس اللي غسلتيها وجهزيها ورجعيها لدولاب ولا تغسلين ألا بعد أسبوع أو خمسه أيام وأذا جا يوم وزوجك يكون بيطول برى
خصصي هذا الوقت لتنظيف المكثف مثل تنظيف المجلس من والى تنفيض كنبات وستائر ومسح البلاط
وتعطيره وتقفيله حتى لا يقربونه الأطفال نفس الشي في الصاله ومجلس النساء وتقدرين تخصصين كل غرفه لها يوم مثل المجلس خصصي له يوم والصاله لها يوم ومجلس النساء له يوم مش لازم يكون شغلك هذا في يوم واحد
وراح تحسين براحه نفسيه غير طبيعيه عمرك ماحسيتها والخدامه عندك صدقيني وربي الغالي أنك بتحسي بشعور غررررريب ورهييييييييب لأول مره تحسينه أنتي جربي وقولي ماقالت طفووول
وأدعوا الله عزوجل أن يسعدك ويخليلك أبنائك ويمتعك بصحه والعافيه ويخليك لبيتك وأسرتك
قولي أمين
أعتذر على الأيطاله يالغلا
ولك ألف تحيه طيبه من أختك في الله طفولتي

اللي عندها طفلين او اكثر وما عندها شغالة تدخل هنا ابغاها ضروري

التعليقات

من اللي كانت فوضويه وغير نظيفه

اللي عندها باركيه تشاركني

""اللي عندهم روائح في المطبخ""

الله يرزقها السعادة اللي ترد علي

المناكير اللي ع الجدار !!